Սառա Թոնիգը ծնվել է 1992 թվականին Մյունխենում։ Առաջին անգամ խաղացել է դպրոցական թատրոնում, այնուհետև մասնակցել է Դախաուի քաղաքի սիրողական թատրոնի ներկայացումներին, հաճախել է դրամատիկական տարբեր սեմինարների։ Սիրողական թատրոնի բնագավառում աշխատել է հաշմանդամների թատերական նախագծում, 2008-2010 թվականներին Դախաուի թատրոնում հանդես է եկել տարբեր ներկայացումներում։ 2011 թվականին հաճախել է Schauspiel München-ի Ամառային թատերական ակադեմիայի տեխնիկական քոլեջ, 2015 թվականին լուսանկարչական և դերասանական դասերի է մասնակցել գերմանացի դերասանուհի Թերեսա Հարդերի մոտ։ Abitur վկայագիրն ստանալուց հետո Թոնիգը 2011-2014 թվականներին եղել է Մյունխենի Residenz թատրոնի անդամ, որտեղ մասնակցել է խոսքի վարպետության, շարժման, պարի դասընթացների։ Թատրոնում խաղացել է երկու գլխավոր դեր։ Անդամակցել է նաև «Frühlingserwachen - Live almost, die young»-ին[4]։ 2003 թվականին սկսել է դերասանկան կարիերան, 2012 թվականից խաղացել է տարբեր հեռուստաֆիլմերում ու սերիալներում[5]։ Ազատ ժամանակ զբաղվում է չիրլիդինգով[5]։
Գերմանիա