Սամվել Ղասաբօղլյան

Սամվել Ղասաբօղլյան
Անձնական տվյալներ
Քաղաքացիությունը	ԽՍՀՄ և Հայաստան
Ծննդյան ամսաթիվ	դեկտեմբերի 20, 1955 (68 տարեկան)
Ծննդավայր	Երևան, Հայկական ԽՍՀ, ԽՍՀՄ
Դիրք	հարձակվող
Պատանեկան կարիերա
1974—1975	Արարատ
Մասնագիտական կարիերա*
Մարզչական կարիերա
1989	Արաբկիր
1990—1991	Արարատ-2
1999	Ղարաբաղ (Ստեփանակերտ)
2000—2003	Զվարթնոց-ԱԱԼ
2004	Կիլիկիա
2004—2005	Արարատ-2
	* Մասնագիտական կարիերայում ընդգրկված են միայն առաջնության խաղերը և գոլերը:

Սամվել Միխայիլի (Միքայելի) Ղասաբօղլյան (դեկտեմբերի 20, 1955(1955-12-20), Երևան, Հայկական ԽՍՀ, ԽՍՀՄ), հայ խորհրդային ֆուտբոլիստ, մարզիչ, ԽՍՀՄ սպորտի վարպետ (1980)։

Ակումբային կարիերա

1974 թվականից հանդես է եկել «Արարատի» դուբլում։ Հիմնական կազմում այդպես էլ չի ընդգրկվել։

1976-1977 թվականներին խաղացել է 2-րդ լիգայում՝ նախ ՖԻՄԱ-ում (Երևան), ապա «Շիրակում»։

1978 թվականին կրկին վերադարձել է «Արարատ», որի կազմում անցկացրել է 145 խաղ, խփել 14 գնդակ։

Մարզչական կարիերա

Ֆուտբոլիստի կարիերան ավարտելուց հետո Սամվել Ղասաբօղլյանը գլխավորել է Երևանի «Արաբկիր» ակումբը, որտեղ աշխատել է մեկ մրցաշրջան և տեղափոխվել «Արարատ-2»։ Այդ թիմի հետ զբաղեցրել է 1-ին տեղը 1990 թվականին իր ենթախմբում^[1], և 1-ին տեղը 1-12-րդ տեղերի համար երկրորդ փոքր լիգայում^[2]։ Թիմը դուրս է եկել ԽՍՀՄ «Կենտրոն» գոտու երկրորդ լիգա։ Սակայն թիմը շատ վատ է հանդես եկել՝ 22 հնարավորից զբաղեցնելով 21-րդ տեղը^[3]։ Դրան հաջորդել է ԽՍՀՄ փլուզումը և Հայաստանում հայտնվել են նոր ակումբներ։ «Արարատ-2»-ը, որտեղ աշխատում էր Ղասաբօղլյանը, լուծարվել է։ Նոր աշխատավայր է դարձել Երևանի ԱՕՍՍ-ը, որտեղ Ղասաբօղլյանը գլխավոր մարզչի օգնականն էր։

1999 թվականին գլխավորում է Ստեփանակերտի «Ղարաբաղը», որն այդ ժամանակ գտնվում էր Երևանում։ Սակայն թիմը 15 խաղից հետո ֆինանսական խնդիրների պատճառով դուրս է եկել առաջնությունից։ Արդյունքում, մնացած խաղերի համար նրան հաշվել են տեխնիկական պարտություններ, իսկ Ղասաբօղլյանը մնացել է անգործ^[4]։ Հաջորդ մրցաշրջանի սկզբում գլխավորել է Երևանի «Զվարթնոցը» (հետագայում անվանմանը ավելացրել է ԱԱԼ հապավումը)։ Ղասաբօղլյանի հետ թիմը բարձրագույն արդյունքների է հասել առաջնությունում և Գավաթի խաղարկությունում։ Թիմը երկու անգամ հասել Է Գավաթի եզրափակիչ (2000 թվականին^[5] և 2002 թվականին^[6]), իսկ գավաթի եզրափակիչների միջև նվաճել են 2001 թվականի առաջնության արծաթե մեդալներ^[7]։ 2003 թվականի սկզբին ակումբը ունեցել է ֆինանսական խնդիրներ, և դեռ առաջնության մեկնարկից առաջ հրաժարվել է մասնակցել, ապա լուծարվել է^[8]։

2004 թվականին ստանձնել է «Կիլիկիա»-ի ղեկավարությունը, երբ ակումբում մարզիչները արագ փոխարինում էին մեկը մյուսին։ Ղասաբօղլյանը երևանցիներին գլխավորել է հուլիսին և այդ ժամանակ համարվում էր մրցաշրջանի արդեն չորրորդ մարզիչը։ Ղասաբօղլյանի ժամանակ թիմը բոլոր հանդիպումներում պարտվել է և միայն մեկն է ոչ-ոքի ավարտել։ Հերթական պարտությունից հետո՝ «Միկայից» 1:5 հաշվով, ակումբի ղեկավարությունը հեռացրել է գլխավոր մարզչին^[9]։ Մրցաշրջանի ավարտից հետո գլխավորել Է Առաջին լիգայում հանդես եկող «Արարատ-2»-ը։ Երկրորդ մրցաշրջանում Ղասաբօղլյանի գլխավորությամբ թիմը զբաղեցրել է աղյուսակի 2-րդ հորիզոնականը և դուրս է եկել Պրեմիեր լիգա^[10]։ Ակումբի «Արարատ» անվան պատճառով դատական գործընթացների պատճառով ակումբում շատ վերադասավորումներ են տեղի ունեցել։ Այդ թվում՝ առաջնության ավարտից հետո պաշտոնանկ է արվել գլխավոր մարզիչ Սամվել Ղասաբօղլյանը^[11]։

Անձնական կյանք

Կինը՝ Ամալյա
- Սամվել Ղասաբօղլյանն ունի երեք որդի և մեկ դուստր։ Տղաները՝ Արմենը, Միքայելը, Լևոնը, նույնպես ֆուտբոլ են խաղացել։

Ձեռքբերումներ

որպես մարզիչ
- Հայաստան
  - Հայաստանի առաջնություն - 1992, 1996/97
  - Հայաստանի առաջնության արծաթե մեդալակիր - 2001
  - Հայաստանի գավաթի եզրափակչի մասնակից - 1992, 1996/97, 2000, 2002
  - Հայաստանի սուպերգավաթի եզրափակչի մասնակից - 1997

Ծանոթագրություններ

↑ Состав «Арарат-2» в 1990 году (2-я подгруппа)(չաշխատող հղում)(ռուս.)
↑ Состав «Арарат-2» в 1990 году (1-12 места)(չաշխատող հղում)(ռուս.)
↑ Вторая лига СССР 1991 г., Центр(չաշխատող հղում)(ռուս.)
↑ Армения. Сезон — 1999. Высшая лига Արխիվացված 2010-08-28 Wayback Machine(ռուս.)
↑ Армения. Сезон — 2000. Кубок Արխիվացված 2010-08-29 Wayback Machine(ռուս.)
↑ Армения. Сезон — 2002. Кубок Արխիվացված 2010-08-29 Wayback Machine(ռուս.)
↑ «Армения. Сезон — 2001. Высшая лига». Արխիվացված է օրիգինալից 2010 թ․ օգոստոսի 28-ին. Վերցված է 2023 թ․ նոյեմբերի 7-ին.
↑ Примечания: Արխիվացված 2010-02-20 Wayback Machine(ռուս.)
↑ АРМЕНИЯ Արխիվացված 2016-03-04 Wayback Machine(ռուս.)
↑ Second Level 2005 Արխիվացված 2016-03-05 Wayback Machine(անգլ.)
↑ «Пюник» в восьмой раз стал чемпионом Армении

[1] Состав «Арарат-2» в 1990 году (2-я подгруппа)(չաշխատող հղում)(ռուս.)

[2] Состав «Арарат-2» в 1990 году (1-12 места)(չաշխատող հղում)(ռուս.)

[3] Вторая лига СССР 1991 г., Центр(չաշխատող հղում)(ռուս.)

[4] Армения. Сезон — 1999. Высшая лига Արխիվացված 2010-08-28 Wayback Machine(ռուս.)

[5] Армения. Сезон — 2000. Кубок Արխիվացված 2010-08-29 Wayback Machine(ռուս.)

[6] Армения. Сезон — 2002. Кубок Արխիվացված 2010-08-29 Wayback Machine(ռուս.)

[7] «Армения. Сезон — 2001. Высшая лига». Արխիվացված է օրիգինալից 2010 թ․ օգոստոսի 28-ին. Վերցված է 2023 թ․ նոյեմբերի 7-ին.

[8] Примечания: Արխիվացված 2010-02-20 Wayback Machine(ռուս.)

[9] АРМЕНИЯ Արխիվացված 2016-03-04 Wayback Machine(ռուս.)

[10] Second Level 2005 Արխիվացված 2016-03-05 Wayback Machine(անգլ.)

[11] «Пюник» в восьмой раз стал чемпионом Армении

[1]

[2]

[3]

[4]

[5]

[6]

[7]

[8]

[9]

[10]

[11]