Ռումեն Ռադև
| Ռումեն Ռադև | |
| |
| Կուսակցություն՝ | անկախ քաղաքական գործիչ |
|---|---|
| Կրթություն՝ | Ռակովսկու անվան ռազմական ակադեմիա և ԱՄՆ ՌՕՈՒ ակադեմիա |
| Գիտական աստիճան՝ | ռազմական գիտությունների դոկտոր |
| Մասնագիտություն՝ | քաղաքական գործիչ, ռազմական գործիչ, օդաչու և սպա |
| Ծննդյան օր | հունիսի 18, 1963[1] (60 տարեկան) |
| Ծննդավայր | Դիմիտրովգրադ, Հասկովոյի մարզ, Բուլղարիա |
| Քաղաքացիություն |  Բուլղարիա
|
| Ամուսին | Desislava Radeva? |
| Պարգևներ |
 և  |
Ռումեն Գեորգիև Ռադև (բուլղար․՝ Румен Георгиев Радев, հունիսի 18, 1963[1], Դիմիտրովգրադ, Հասկովոյի մարզ, Բուլղարիա), բուլղարացի քաղաքական և ռազմական գործիչ, ով 2016 թվականի նոյեմբերի 13-ին ընտրվել է Բուլղարիայի նախագահ։
2014- 2016 թվականներին եղել է Բուլղարիայի ՌՕՈՒ-ի հրամանատար։ Պահեստազորի գեներալ- մայոր է։
Կենսագրություն[խմբագրել | խմբագրել կոդը]
Ռումեն Ռադևը ծնվել է 1963 թվականի հունիսի 18-ին Դիմիտրովգրադ քաղաքում։ 1982 թվականին գերազանցության մեդալով ավարտել է Հասկովոյի մաթեմատիկական դպրոցը։ Ավարտել է Բուլղարիայի Գեորգի Բենկովսկու անվան ռազմաօդային ուժերի համալսարանը։ 1992 թվականին ավարտել է ԱՄՆ Մաքսվելի բարձրագույն սպայական դպրոցը։ 1994-1996 թվականներին սովորել է Ռակովսկու անվան պաշտպանական և շտաբային դպրոցում, որտեղ դարձել է լավագույն ուսանող։ Ռազմական գիտությունների դոկտոր է։
2003 թվականին ավարտել է Մաքսվելի ռազմաօդային քոլեջը՝ ստանալով ռազմավարական ուսումնասիրությունների ոլորտում մագիստրոսի կոչում[2]։
Ռազմական կարիերա[խմբագրել | խմբագրել կոդը]
- 1987 - 1988: կրտսեր օդաչու Ռավնեցի 15-րդ ավիացիոն գնդում
- 1989 - 1990: Ստորաբաժանման հրամանատարի տեղակալ Ռավնեցի 15-րդ ավիացիոն գնդում
- 1990 - 1994: Ստորաբաժանման հրամանատար Ռավնեցի 15-րդ ավիացիոն գնդում
- 1996 - 1998: Միգ- 29 կործանիչի հրամանատար Ռավնիցի 5-րդ ավիաբազայում
- 1998 - 1999: Թռիչքի նախապատրաստման գծով հրամանատարի տեղակալ Ռավնիցի 5-րդ ավիաբազայում
- 1999 - 2000: Կոմս Իգնատևի անվան երրորդ ավիացիոն բազայի հրամանատարի թռիչքի նախապատրաստման գծով տեղակալ
- 2000 - ուսումնասիրություններ Բուլղարիայի հակաօդային պաշտպանության ոլորտում՝ ՆԱՏՕ, Բրյուսել
- 2000 - 2005: Կոմս Իգնատևի անվան ավիաբազայի շտաբի պետ
- 2005 - 2009: Կոմս Իգնատևի անվան ավիաբազայի հրամանատար
- 2009 - 2014: Բուլղարիա ՌՕՈՒ-ի հրամանատարի տեղակալ
- 2014 - 2016: Բուլղարիա ՌՕՈՒ-ի հրամանատար
Ռազմական կոչումներ[խմբագրել | խմբագրել կոդը]
- 1987 - Լեյտենանտ
- 1990 - I լեյտենանտ
- 1994 - Կապիտան
- 1997 - Մայոր
- 2000 - Գնդապետ
- 2007 - Բրիգադի գեներալ
- 2014 - Գեներալ մայոր
Մրցանակներ[խմբագրել | խմբագրել կոդը]
Պարգևատրվել է մի շար մեդալներով և մրցանակներով, այդ թվում նաև «Դրոշի ներքո հավատարիմ ծառայության III աստիճանի» և ՊՆ «Սուրբ Գեորգի» II աստիճանի մեդալներով[2]։
Քաղաքականություն[խմբագրել | խմբագրել կոդը]
2016 թվականի օգոստոսին ընդդիմադիր Բուլղարիայի սոցիալիստական կուսակցությունը և Բուլղարական վերածնունդ այլընտրանքը պաշտոնապես առաջադրեցին Ռադևի թեկնածությունը նախագահական ընտրարշավում[3][4]։ Որպես փոխնախագահի թեկնածու առաջադրվեց Եվրախորհրդարանի պատգամավոր Իլիյան Յոտովայի թեկնածությունը։ Մի քանի օր անց Բուլղարական վերածնունդը դադարեց սատարել Ռադևի թեկնածությունը[5]։
Նախագահական ընտրությունների առաջին փուլում, որը տեղի է ունեցել 2016 թվականի նոյեմբերի 6-ին, Ռադևը հավաքել էր ձայների 25,44 %-ը։ Այս արդյունքով նա անցավ երկրորդ փուլ, որտեղ նրա հակառակորդը Ցեցկա Ցաչևան էր[6]։ Նոյեմբերի 13-ին երեկոյան արդեն իսկ պարզ դարձավ, որ Բուլղարիայի հաջորդ նախագահ է ընտրվել Ռումեն Ռադևը[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 Munzinger Personen (գերմ.)
- ↑ 2,0 2,1 ((БГ)) - майор Румен Радев // Министерство обороны.
- ↑ БСП официально выдвинут поколения.
- ↑ АБР официально выдвинут поколения.
- ↑ Контрудар АБВ отозвала свою поддержку генералу Румену Радеву, 24 августа, 2016
- ↑ «Under 3 percent is the difference between Rumen Radev and Tsetska Tsacheva».
- ↑ http://tass.ru/mezhdunarodnaya-panorama/3780150
 | Վիքիպահեստն ունի նյութեր, որոնք վերաբերում են «Ռումեն Ռադև» հոդվածին։ |
| ||||||||||
|
Սա քաղաքական գործչի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |