1966 թվականից թատրոնը գտնվում է Վարշավայի կենտրոնում, Նավոգրոդզկայա փողոց, տուն 49 հասցեում[2]։
Թատրոնի խաղացանկում ներառված են մյուզիքլներ և դասական օպերետներ։ Թատրոնը վարում է մյուզիքլները հանրայնացնելու քաղաքականություն և ցուցադրում է աճող հետաքրքրվածությունն այդ ժանրի հանդեպ։ Օրինակ, «Օպերայի ուրվականը» մյուզիքլը, որը ցուցադրվել է թատրոնի բեմին, տեսել է գրեթե 700.000 հանդիսատես։ 15 տարվա մեջ թատրոնն ունեցել է ավելի քան 3 միլիոն այցելու[3]։
Սկսած 1998 թվականից` թատրոնի գեղարվեստական ղեկավարն ու տնօրենն է Վոյցեխ Կեպչինսկին (լեհ.՝ Wojciech Kępczyński), իսկ գրական մասի պատասխանատուն Միխալ Վոյնարովսկին է։ Թատրոնի բեմից լեհ հասարակությունն են ներկայացվել մյուզիքլի պատմության մեջ երեք ամենահայտնի բեմադրությունները` Էնդրու Լլոյդ Ուէբերի«Կատուներ», «Օպերայի ուրվականը» և Կլոդ Միշել Շյոնբերգի «Մերժվածները»։ Թատրոնի բեմում ներկայացվել են լեհական մյուզիքլների առաջնախաղեր, այդ թվում և` «Պարոն Կլյակսի ակադեմիան» (2007) ընտանեկան մյուզիքլը։
Թատրոնի ներկայիս խաղացանկում կան դասական օպերետներ, ինչպես, օրինակ, Ֆրանց Լեգարի «Ուրախ այրին» և Ժակ Օֆենբախի «Օրփեոսը դժոխքում» ստեղծագործությունները։
Լեհաստան
Roma Theatre in Warsaw Վիքիպահեստում
