Ռեգինա Դերիևա

Ռեգինա Դերիևա;
Ծնվել է	փետրվարի 7, 1949
Ծննդավայր	Օդեսա, Ուկրաինական ԽՍՀ, ԽՍՀՄ
Մահացել է	դեկտեմբերի 11, 2013 (64 տարեկան)
Մահվան վայր	Ստոկհոլմ, Շվեդիա
Գերեզման	Catholic cemetery, Northern cemetery
Քաղաքացիություն	ԽՍՀՄ և Շվեդիա
Կրոն	Հռոմի Կաթոլիկ եկեղեցի
Կրթություն	Karaganda State University?
Մասնագիտություն	բանաստեղծուհի, գրող և թարգմանչուհի
Կայք	derieva.com

Ռեգինա Դերիևա (ռուս.՝ Реги́на Ио́сифовна Дери́ева, փետրվարի 7, 1949(1949-02-07)^[1], Օդեսա, Ուկրաինական ԽՍՀ, ԽՍՀՄ - դեկտեմբերի 11, 2013(2013-12-11)^[2], Ստոկհոլմ, Շվեդիա), ռուս գրող և բանաստեղծուհի։ 1999 թվականի հուլիսից մինչ մահը ապրել և ստեղծագործել է Շվեդիայում։

Կենսագրություն[խմբագրել | խմբագրել կոդը]

Ռեգինա Դերիևան ծնվել փետրվարի 7–ին 1949 թ. Օդեսայում։ 1960 թ. նա ծնողների հետ տեղափոխվում է Զելինագրադ (այժմ Աստանա), այնուհետև հինգ տարի անց՝ Կարագանդա։ Իսկ 1969 թ., տեղի երաժշտական ուսումնարանը ավարտելուց հետո, տասնչորս տարի շարունակ տալիս է դաշնամուրի դասընթացներ։ 1979 թ. ավարտում է Կարագանդայի համալսարանի բանասիրական ֆակուլտետը, իսկ 1989 թ.-ին ընդունվում է խորհրդային գրողների միություն, համալրելով նրանց շարքերը։

Հետևելով Իոսիֆ Բրոդսկու խորհրդին, ով Ռեգինա Դերիևայի բանաստեղծության մասին գրում է « Ճշմարիտ հեղինակաթյունն ինքնին պոեզիայի և ազատության մեջ է», 1990 թվականին, նա որոշում է լքել Խորհրդային Միությանը։

1991 թ. սկզբին գաղթելով Իսրայել, Ռեգինա Դերիևան իր ընտանիքով հաստատվում է Արևելյան Երուսաղեմում, Բեթլեհեմի Բեյթ Սաֆաֆ թաղամասում, սակայն երբեք չի հաջողվում ստանալ Իսրայելական քաղաքացիություն։ 1989 թվականին մկրտվում է կաթոլիկ եկեղեցում, որից հետո օրենքի համաձայն ստիպած չէ լքել երկիրը։ Երուսաղեմում նա, իր ամուսնու՝ Ալեքսանդր Դերիևի հետ միասին հիմք են դնում ռուսալեզու կաթոլիկ համայնքի ստեղծմանը։ 1996 թ.-ին, Իսրայելի Գերագույն դատարանը պաշտոնապես մերժում է Ռեգինա Դերիևային և նրա ընտանիքին քաղաքացիություն ստանալու հարցում, որից հետո մի քանի տարի, առանց որեւէ փաստաթղթի շարունակում են ապրել Երուսաղեմում և աշխատել Թանթուր էկումենիկ ինստիտուտում։

1999 թ. ամռանը Ռեգինա Դերիևան շվեդական եպիսկոպոսության կողմից հրավեր է ստանում մասնակցել Լինշոփինգում կայանալիք միջազգային կոնֆերանսին, որից հետո առանց վերադարձի իրավունքի, երկրից արտաքսվում է իսրայելական իշխանությունների կողմից։

Շվեդիայում հաստատվելուց և քաղաքացիություն ձեռք բերելուց հետո, այնուհետ շվեդիայի գրողների միության անդամ լինելով հանդերց, Ռեգինա Դերիևան ակտիվ մասնակցում է մի շարք շվեդական և միջազգային գրական փառատոների։ 2003 թ., նա արժանացել է «Shannon Fellowship of the International Thomas Merton Society», իսկ 2009 Շվեդիայի Կաթոլիկ եկեղեցու «ORA ET LABORA» մեդալով իր գրական աշխատության համար։

Նա թաղված է Ստոքհոլմի հյուսիսային մեծ գերեզմանատանը «Norra begravningsplatsen»:

Ռեգինա Դերիևայի հիմնական արխիվը փոխանցված է Սթենֆորդի համալսարանին։ Որոշ նյութեր պահվում են Բեյնեքեի հազվագյուտ գրքերի և ձեռագրերի գրադարանը։

Ծանոթագրություններ[խմբագրել | խմբագրել կոդը]

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 Regina Derieva obituary
↑ Gravar.se: Regina Joseph Derieva

Արտաքին հղումներ[խմբագրել | խմբագրել կոդը]

[_5666f946294885d9-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_b2035f025c2f16a2-2] 2,0 ^2,1 ^2,2 Regina Derieva obituary

[_42ef8ee374934cdb-3] Gravar.se: Regina Joseph Derieva

[1]

[2]

[3]