Պրոֆեսոր Զում
Պրոֆեսոր Զում (անգլ.՝ Professor Zoom), նաև հայտնի է, որպես Հակադարձ Ֆլեշ (անգլ.՝ Reverse-Flash)՝ հորինված կերպար, DC Comics ընկերության կոմիքսների չարագործ, ստեղծված գրող Ջոն Բրումի և նկարիչ Կարմին Ինֆանտինոյի կողմից։ Առաջին անգամ հայտնվել է The Flash #139 (սեպտեմբեր, 1963)[1]։ Հայտնի է, որպես երկրորդ Ֆլեշի՝ Բարի Ալենի գլխավոր թշնամի։
Հորինված կենսագրություն[խմբագրել | խմբագրել կոդը]
Ըստ DC գեղարվեստական տիեզերքի, Էոբարդ Թոունը ծնվել է 25-րդ դարում և եղել է 20-րդ դարի Ֆլեշի մեծ երկրպագու։ Դառնալով գիտնական, նա հորինել է էլեկտրոքիմիական լոգանք, նման այն, որ մի ժամանակ տվել է ունակություններ առաջին Ֆլեշին, և ստացել է նրանց, հնարելով նաև ժամանակի մեքենա, որպեսզի մեկնի 20-րդ դար ու հանդիպի իր կուռքի հետ։ Բայց ժամանակին ճանապարհորդության ընթացքում նրա գիտակցությունը վնասվել է, նա սկսել է իրեն համարել Բարի Ալեն, իսկ սույն Ալենին՝ ինքնակոչ։ Մարտի ընթացքում Ֆլեշը հաղթել է Թոունին և ուղարկել ապագան, միաժամանակ ջնջելով նրա հիշողությունը։ Սակայն Թոունը գտել է ժամանակի պարկուճը, Ֆլեշի զգեստի հետ՝ Արծաթե դարի ժամանակներից և նրա հորինված մեքենայի միջոցով օժտել է զգեստը գերմարդկային արագություն ընձեռնելու հնարավորություն, նրան, ով այն կրում է։ Միաժամանակ դրան մեքենան փոխել է զգեստի գույնը. նա դարձել է դեղին գույնի, իսկ կայծակի տարբերանշանը՝ կարմիր։ Դրանից հետո նա իր անունը դրել է Պրոֆեսոր Զում և դարձել է հանցագործ, բայց նորից պարտվել է Ֆլեշի կողմից, հայտնված ապագայում։ Ձգտելով վրեժ լուծել, Տոունը վերադարձել է անցյալ և դարձել Ֆլեշի գլխավոր թշնամիներից մեկը։
Flash #324-ում կերպարը ձևականորեն սպանվել է Ֆլեշի կողմից և հաջորդ 25 տարին միայն եզակի է հայտնվել DC կոմիքսներում, բայց 2009 թվականին «հարություն է առել» գրող Ջեֆ Ջոնսի կողմից The Flash: Rebirth շարքի համար։
2017 թվականին, Բեթմենի և Ֆլեշի «The Button» անվանումով քրոսովերում, հարձակվել է Բեթմենի վրա իր քարանձավում և ծեծել է մինչև կիսամեռ վիճակ։ Անմիջապես մարտից հետո նրան սպանել է Բժիշկ Մանհեթենը և թողել նրանից միայն կմախքը։
Ունակություններ[խմբագրել | խմբագրել կոդը]
Հակադարձ Ֆլեշի ունակությունները նման են Ֆլեշի ունակություններին. նա կարող է վազել գերձայնային, ինչպես նաև լույսի արագությունը գերազանցող արագությամբ, այդ թվում շարժվել ջրում, ստեղծել հզոր հողմապտույտներ իր ձեռքերի գերարագ շարժումներով և այլն։ Այդպես նա կարող է վազել արագությամբ, գերազանցող լույսի արագությունը 15 անգամ։ Իր գերուժերի հետ միասին, Թոունը տիրապետում է բարձր ինտելեկտի. նույնիսկ իր հարազատ 25-րդ դարում, երբ գիտությունը զգալիորեն առաջընթաց է արձանագրել իր զարգացման մեջ, նա համարվում է հանճար։
The Flash: Rebirt շարքում, բացահայտվում է, որ կրկնելով միջադեպը, որը Ֆլեշին տվել է նրա ունակությունները, Թոունը ստեղծել է բացասական սպիդֆորս, վնասելով սովորականը։ Բացասական սպիդֆորսի օգտագործումը թույլ է տալիս նրան ստեղծել բազմաթիվ մնացորդային պատկերներ տարածության տարբեր կետերում («արագության միրաժներ»), ինչպես նաև ճանապարհորդել ժամանակի մեջ և փոխել անցյալի իրադարձությունները, առանց որևէ հետևանքների ապագայի համար (ոչ ոք այլ սպիդսթերներից չի կարողանում դա անել)։
Իրադարձություններից հետո, առաջ բերելով այլընտրանքային ժամանակային գծի ձևավորմանը, որը հայտնի է, որպես «Ֆլեշփոինթ», Էոբարդ Թոունը ստացել է իր տրամադրության տակ ավելի հզոր ունակություններ. նա կարող է կլանել ուրիշ մարդկանց հիշողություններ, փոխել իր տարիքը, ինչպես նաև էապես ազդել այդ ժամանակային գծի վրա[2]։
The Flash (Vol. 4) #45 թողարկման մեջ ցույց է տրվում, որ New 52 տիեզերքում, նրա ունակությունները մի քիչ տարբերվում են։ Կոմիքսների այլ սուպերչարագործ Զումի նման, նա կարող է փոխել ժամանակի հոսքի արագությունը իր նկատմամբ, դրա հաշվին արագանալով, կամ դանդաղելով։ Նույն թողարկման մեջ նա կլանում է իր դաշնակցի՝ Մագալի ուժերը և ստանում է հնարավորություն «փոխել ցանկացած օրգանական կամ անօրգանական մատերիայի տարիքը»։ Նույն ունակությունը նա ցույց է տվել Road to Flashpoint թողարկման մեջ։
Այլ տարբերակներ[խմբագրել | խմբագրել կոդը]
Ապագայի Բեթմեն[խմբագրել | խմբագրել կոդը]
«Ապագայի Խաշ» վերջին թողարկման մեջ, «Ապագայի Բեթմեն» կոմիքսների սյուժետային կամարում, տարեց Ամանդա Ուոլերը կապվում է ԿԱԴՄՈՒՍ նախագծի ղեկավար բժիշկ Թոունի հետ։ Ուոլերը հայտնում է նրան, որ Բեթմենը միշտ պետք է լինելու աշխարհին և նրան փոխանցում է տարողություններ, որոնցում պարունակվում են առաջին Բեթմենի ու նրա դաշնակիցների կլոնները[3]։ Ավելի ուշ, Թոունը գործարք է կնքում Ինքի հետ, սուպերչարագործուհի անկայուն մուտացիայով. նա օգնում է կայունացնել նրա վիճակը, իսկ փոխարեն ստանում է հատուկ ձգանի մեխանիզմ, որը կարելի է հարմարեցնել ցանկացած զենքի վրա։
Impulse[խմբագրել | խմբագրել կոդը]
Impulse կոմիքսների շարքում, Իմպուլս սուպերհերոսն ընկնում է Դևոնի ժամանակաշրջան, որտեղ պատահաբար սպանում է միջատ։ Դրա արդյունքում կազմավորվում է ժամանակի այլընտրանքային գիծ, որտեղ բոլոր սուպերչարագործները՝ կառավարական պաշտոնյաներ են։ Պրոֆեսոր Զումը դառնում է գիտության ազգային խորհրդական, ծառայով ցմահ նախագահ Ջուլիան Թրեմեյնի վրա։ Չնայած այն հանգամանքին, որ սպիդսթերը պնդում է, որ արագությունը բարձրացրել է նրա ինտելեկտը, նրա խորհուրդները հաճախ կրում են ակնհայտ բնույթ։ Ժամանակային գծի հետագա փոփոխությունների արդյունքում, Զումն անցնում է ապստամբների կողմը, որոնց գլխավորում է Գորիլա Գրոդը։ Գրոդը դարձնում է սուպերչարագործին խելամիտ կապիկ, որի կերպարանքով նա մնում է[4]։
Կոմիքսներից դուրս[խմբագրել | խմբագրել կոդը]
Հեռուստատեսություն[խմբագրել | խմբագրել կոդը]
- 1990 թվականի Ֆլեշ սերիալում, Էոբարդ Թոունը չի հանդիպվում, բայց «Արտացոլումների ստեղծող» դրվագում, Բարրի Ալենը ժամանակավորապես վերցնում է իր Պրոֆեսոր Զում կեղծանունը։
- Էոբարդ Թոունը հանդիսանում է «Բեթմեն. Քաջ և համարձակ» մուլտսերիալի կերպարներից մեկը։ «Ռեքվիեմ Ալ արշավորդի մասին» դրվագում, նա գողանում է Ֆլեշին և ուղևորվում է նրա հետ 25-րդ դար, որտեղ սուպերհերոսը ստիպված է հանդես գալ գեներատորի համար, որպես էներգիայի աղբյուր, որի օգնությամբ Զումը գրավել է աշխարհը։ Հետագայում Բեթմենը, Ջեյ Գարիքը և Ուոլլի Ուեսթը գնում են նրանց հետևից, հաղթում Թոունին և ազատում Ֆլեշին։
Նետի տիեզերք[խմբագրել | խմբագրել կոդը]
The CW ալիքի, DC Հեռուստատեսային Տիեզերքում (Նետի տիեզերքում), Էոբարդ Թոունի/ Հակադարձ Ֆլեշի դերը կատարեցին դերասաններ Թոմ Կավանան (Բժիշկ Հարիսոն Ուելսի կերպարանքով) և Մեթ Լետչերը (իրական կերպարանք)։
- 2014 թվականի «Ֆլեշ» հեռուստասերիալի առաջին եթերաշրջանում, Էոբարդ Թոունը հանդիսանում է գլխավոր անտագոնիստ։ Նա ներկայացվում է որպես Ֆլեշի երդվյալ թշնամի, որը մեկնել է անցյալ, 2000 թվական, որպեսզի սպանի սուպերհերոսին, երբ նա դեռ փոքր էր։ Նրան խանգարում է Ֆլեշը, որը ժամանել է 2024 թվականից, և Թոունը, զայրացած դրանով, սպանում է Բարիի մորը ու հարվածի տակ է դնում հորը, որպեսզի որբեցված երեխան երբեք չկարողանա դառնալ այն սուպերհերոսը, որը նրան ճանաչում էր աշխարհը։ Սակայն դրանից հետո սուպերչարագործը հասկանում է, որ չի կարող վերադառնալ հարազատ ժամանակ, քանի որ այլևս մուտք չունի սպիդֆորս։ Իմանալով, որ 2020 թվականին բժիշկ Հարիսոն Ուելսը մասնիկների արագացուցչի օգնությամբ կստեղծի «մետամարդկանց», նա ապագայի տեխնոլոգիայով գողանում է գիտնականի տեսքը և անձնավորությունը։ Տասնհինգ տարի անց, թաքնվելով Ուելսի անձնավորության տակ, Թոունը հանդիսանում է ՍԹԱՐ Լաբորատորիայի հիմնադիր ու մասնիկների արագացուցչի ստեղծող, որը մեկնարկի օրը պայթում է, ստեղծելով մետամարդկանց և տալով Բարիին իր ունակությունները մի քանի տարի ավելի շուտ քան նշանակված ժամը։ Հաշմանդամ ձևանալով, Թոունը սովորեցնում է Բարիին օգտագործել իր արագությունը և մտադիր է ապագայում օգտագործել իր ունակությունները, որպեսզի վերադառնա ապագան։ Ավելի ուշ նա հագնում է իր զգեստը երկու անգամ, երկու դեպքում էլ նա հաղթում է Ֆլեշին, առանց որևէ խնդիրների։ Ի վերջո, նրա գաղտնիքը բացահայտվում է, և Բարին մտադիր է Թոունին գայթակղելով ծուղակը գցել, որպեսզի կարողանա ապացուցել իր հոր անմեղությունը։ Այնուամենայնիվ, Հակադարձ ֆլեշը փախչում է և փախցնում է այդ ժամանակի իր նախնի՝ խուզարկու Էդի Թոունին։ Հետագայում չարագործին բռնում են Ֆլեշը, Նետը և Հրե փոթորիկը, դանդաղեցնելով սպիդսթերին Ռեյ Փալմերի ստեղծած նանիտների օգնությամբ։ Դրանից հետո Թոունը ուղարկում է Բարիին անցյալ, որպեսզի նա փրկի Նորային և զերծ պահել հորը սպանության մեջ մեղադրանքից։ բայց Բարին որոշել է չփոխել անցյալը և, ետ վերադառնալով, հարձակվում Թոունի վրա, բայց կրկին պարտվում է։ Չարագործը պատրաստ է սպանել Ֆլեշին, բայց այդ պահին Էդին զոհաբերում իրենով, ջնջելով Էոբարդ Թոունին իրականությունից։ Երկրորդ եթերաշրջանի «Հակադարձ Ֆլեշի վերադարձը» դրվագում, մանրամասնորեն բացահայտվում է կերպարի նախապատմությունը։ Ապագայում պրոֆեսոր Էոբարդ Թոունը, սուպերհերոս Ֆլեշի մեծ երկրպագուն է։ Սակայն այն բանից հետո, երբ նա ստացել է նույն ունակությունները, նա սարսափով գիտակցում է, որ նա նախատեսված է դառնալ Ֆլեշի ոխերիմ թշնամի և հիացմունքը փոխվում է արհամարհանքի։ Նա իրեն վերցնում է Հակադարձ Ֆլեշի անձնավորությունը, և պարզելով, որ Բարիի սուպերհերոսական կարիերան սկսել է 21-րդ դարի սկզբին, նա ուղևորվում է դեպի հետ անցյալ, այսպիսով սկսելով իրենց դիմակայությունը։ Սերիայի վերջում, որպեսզի չստեղծել ժամանակային պարադոքս և փրկել Ցիսկո Ռամոնին, հերոսները ուղարկում են Էոբարդին հայրենի ժամանակ։ «Ֆլեշի վերադարձ» սերիայում, Բարին ճանապարհորդում է ժամանակի մեջ, հանդիպում է այն կերպարի տարբերակի հետ, որն արդեն ձևացնում էր Հարիսոն Ուելսին, և փորձում է պարզել նրանից, թե ինչպես պետք է հաղթել Զումին։ Թոունը տալիս է Բարիին տախիոնային արագացուցչի գծագրերը (որով ինքն է օգտվել)։ Նաև երկրորդ եթերաշրջանի վերջում, Ֆլեշը կրկին վերադառնում է ժամանակի մեջ և փրկում է իր մորը, հաղթելով Թոունին։ Երրորդ եթերաշրջանի «Ֆլեշփոինթ» սերիայում պարզվում է, որ այս իրադարձությունը մեկնարկ է տվել այլընտրանքային ժամանակային գծին, որը հայտնի է որպես Ֆլեշփոինթ, իսկ ինքը Թոունը պարտված է և կալանված անհայտ վայրում։ Այն բանից հետո, երբ Ուոլլի Ուեսթը մահացու վիրավորվել է, իսկ Բարին սկսեց կորցնել հիշողությունը, նա խնդրել է Թոունին վերադառնալ Նորա Ալենի մահվան գիշերը, որպեսզի Թոունը սպանի նրան և վերադարձնի առաջնային ժամանակագրությունը։ Թոունը կատարում է նրա խնդրանքը, և վերադառնում է Բարիի հետ ներկան։ Նա զգուշացնում է Բարիին, որ ժամանակագրությունը ամբողջությամբ չի վերականգնվել, և, որ նրանք դեռ կհանդիպեն։ Հետո նա փախչում է։
- «Վաղվա լեգենդները» երկրորդ եթերաշրջանում, Էոբարդ Թոունը հանդիսանում է գլխավոր անտագոնիստներից մեկը և Մահվան Լեգեոնի առաջնորդ[5]։ Նրան խաղում է Մեթ Լետչերը, քանի որ այդ Թոունը չի յուրացրել Հարիսոն Ուելսի անձնավորությունը ու տեսքը (թեև նշվում է, որ Թոունը հիշում է ՍԹԱՐ Լաբորատորիայում իր աշխատանքի տարիները)։ Քանի որ նրա նախնի Էդի Թոունը ինքնասպան է եղել, Էոբարդը երբեք չի ծնվել և ըստ էության, իր գոյությունը դարձել է պարադոքս։ Որպեսզի նորոգել այդ պարադոքսը և փրկվել Սև Ֆլեշից, կամ Սպիդսթերների Մահվանից (արարած, որին վերածվել է Հանթեր Զոլոմոնը և որը պետք է բռնի Թոունին ու ուղարկի նրան Սպիդֆորս), Թոունը փնտրում է Ճակատագրության Նիզակը, որը կարող է փոխել իրականությունը։ Որպեսզի գտնել Նիզակի բոլոր մասերը, նա «ժամանակից դուրս է քաշում» Դեմիեն Դարկին, Մալկոլյմ Մեռլինին, Ռիպ Հանթերին (և փոխում է նրա հիշողությունները) ու Լեոնարդ Սնարտին,այսպես ձևավորելով Մահվան Լեգեոնը։ Լեգեոնը օգնում է Թոունին գերել Սև Ֆլեշին և գողանալ Լեգենդներից Նիզակը։ «Աշխարհը փրկել» սերիայում, Լեգեոնը ստեղծում է իրականություն, որը լցված է նրա բոլոր անդամների երազանքներով, մասնավորապես Էոբարդի երազանքներով։ Սակայն, Լեգեոնի անդամները նրան դավաճանում են և Թոունը ոչնչացնում է Նիզակը, որպեսզի իրենց ստեղծված իրականությունը պահպանվի։ Երկրորդ եթերաշրջանի վերջում, «Արուբա» սերիայում Լեգենդներին հաջողվում է վերադառնալ 1916 թվական, որպեսզի փորձեն ոչնչացնել Նիզակը մինչ նրան, երբ Լեգեոնը այն գրավել է (մինչև «Նիզակի Եղբայրություն» սերիայի իրադարձությունները)։ Թոունը կարողացել է Լեգենդներին զրկել Քրիստոսի արյունից (որը կարող է ոչնչացնել Նիզակը), սակայն Սառա Լենսը հասցրել է օգտագործել Ճակատագրի Նիզակը և կրկին վերաշարադրել իրականությունը, միաժամանակ զրկելով Նիզակին իր ուժերից։ Երբ Թոունը պատրաստվում էր սպանել նրան, հանկարծ հայտնվում է Սև Ֆլեշը սպանում է նրան, չտալով վերջինիս նույնիսկ փոքր հնարավորություն փախչել։ Հակադարձ Ֆլեշը կրկին ջնջվում է իրականությունից և ոչնչացվում են բոլոր ժամանակային պատճենները։
Մուլտֆիլմեր[խմբագրել | խմբագրել կոդը]
- Հանդիսանում է գլխավոր անտագոնիստ «Արդարության Լիգա. Կոնֆլիկտի աղբյուրի պարադոքս» 2013 թվականի մուլտֆիլմում։
- Հակադարձ Ֆլեշ հայտնվել է «Բեթմեն. Քաջ և համարձակ» մուլտսերիալի՝ «Ռեքվիեմ Ալ արշավորդի մասին» դրվագում։
Խաղեր[խմբագրել | խմբագրել կոդը]
- Խաղալու կերպարներից մեկն է Lego Batman 3: Beyond Gotham խաղում
- DC Universe Online
- Scribblenauts Unmasked: A DC Comics Adventure
- Injustice: Gods Among Us, որպես սկին Բարիի համար։
Քննադատական ընկալումը[խմբագրել | խմբագրել կոդը]
Պրոֆեսոր Զումը զբաղեցրել է 31-րդ հորիզոնականը IGN «կոմիքսներում 100 մեծագույն չարագործներ»[6] ցուցակում, նաև 11-րդ տեղը DC Comics տիեզերքի 25 լավագույն չարագործների ցուցակում, ըստ նույն կայքի[7]։ Complex կայքի, կոմիքսների պատմության մեջ, 25 լավագույն չարագործների ցուցակում, գրավել է 23-րդ տեղը[8]։ Icons of the American Comic Book գրքի հեղինակների կարծիքով, հանդիսանում է «Ֆլեշի առավել վտանգավոր թշնամի»[9]։
Ծանոթագրություններ[խմբագրել | խմբագրել կոդը]
- ↑ The encyclopedia of super villains. Jeff Rovin, Facts on File Publications, 1987. P.298.
- ↑ The Flash (vol. 3) #12 (May 2011). DC Comics
- ↑ Batman Beyond Vol. 3 #6 (November 2010). DC Comics.
- ↑ Batman Beyond Vol. 4 #8. DC Comics.
- ↑ Bucksbaum, Sydney (2016 թ․ հուլիսի 23). «Comic-Con: 'Legends of Tomorrow' to Tackle Legion of Doom Villain Team In Season 2». The Hollywood Reporter.
- ↑ «Professor Zoom is number 31 - IGN: IGN's Top 100 Comic Book Villains of All Time». Comics.ign.com. Վերցված է 2011 թ․ ապրիլի 25-ին.
- ↑ The Top 25 Villains of DC Comics — IGN
- ↑ 23. Professor Zoom — The 25 Greatest Comic Book Villains
- ↑ Icons of the American Comic Book: From Captain America to Wonder Woman. Randy Duncan,Matthew J. Smith, 2013. P.283.