Պուտտու
 | |
|---|---|
.jpg) | |
| cuisine of Kerala? | |
| Ենթատեսակ | բրնձով ուտեստ |
| Առաջացման երկիր |  Շրի Լանկա և  Հնդկաստան |
 Puttu Վիքիպահեստում | |
Պուտտու (մալայալամ՝ പുട്ട്, ա.-փենջ.` ਪੁੱਟੂ, սինգ․՝ පිට්ටු, թամիլերեն՝ பிட்டு), հնդկական Կերալա, Թամիլ Նադու, Կառնատակա շրջանների և Շրի Լանկայի ավանդական ուտեստ, որը մատուցվում է նախաճաշին[1]։ Ուտեստի puttu կամ pittu անվանումը թամիլերենից թարգմանաբար նշանակում է «օրաբաժին»։ Ուտեստն իրենից ներկայացնում է գոլորշիով շոգեխաշված և կոկոսի քերուկով պատված բրնձի գլան։ Պուտտուն հատկապես տարածված է հնդկական Կերալա նահանգում և Շրի Լանկայում․ այն մատուցում են եղեգնի շաքարով, սիսեռային կարիով կամ բանաններով։ Հյուսիսային Կանադայում այն մատուցվում է գհիի[2], պայայի մսային ապուրի կամ ոչխարի մսից կարիի հետ[3]։ Կերալում կերակրատեսակը ստացել է ազգայինի կարգավիճակ։
Բաղադրություն[խմբագրել | խմբագրել կոդը]
Պուտտուն պատրաստվում է կոշտ աղացած բրնձով, կոկոսի քերուկով և ջրով[4]։ Հաճախ բրինձը համեմում են զիրայով և այլ համեմունքներով։ Շրի Լանկայում ուտեստը սովորաբար պատրաստում են ցորենի կամ կարմիր բրնձի ալյուրով՝ առանց զիրայի։ Հյուսիսային Կարնատակիում խառնուրդին ավելացնում են անուշահոտ գառան մսով կամ ծովախեցգետիններով ու կոկոսի քերուկով մասալա։
Պատրաստում[խմբագրել | խմբագրել կոդը]
Պուտտուն պատրաստվում է բրնձի շոգեխաշման միջոցով։ Բրինձը շոգեխաշելուց առաջ նրա վրա կոկոսի հետ ավելացվում է բրնձի ջուր և համեմունքներ, մինչև ստացվի փափուկ, առաձգական զանգված[5]։
Ուտեստի պատրաստման համար օգտագործվում է հատուկ մետաղյա շոգեխաշիչ՝ պուտտու կուտտին (puttu kutti), որը բաժանված է երկու մասի։ Ներքևի մասում լցվում է ջուր, իսկ վերևում՝ շերտերով տեղավորվում է բրնձե զանգվածը, կոկոսի քերուկը և շոգեխաշվում[6]։
Շոգեխաշիչի մյուս տեսակները իրենց մեջ ներառում են ներքևի մետաղյա մաս և բամբուկից կամ կոկոսի կեղևից պատրաստված բաժիններ բրնձի համար։ Ավանդական պուտտու կուտտին պատրաստվել է կոկոսի կեղևից, որի վրա ամրացրել են բամբուկի ձողեր։
Պուտտուն պատրաստում են նաև ցանցավոր կափարիչով ինքնատիպ խորը թավաներում, շուտեփուկներում, իսկ Մալայան կղզեխմբիում՝ բամբուկի սնամեջ ցողունների վրա։
Մատուցում[խմբագրել | խմբագրել կոդը]
Հաճախ պուտտին մատուցվում է ջրալի կերակրատեսակներով, օրինակ՝ զանազան կարիների հետ և ոսպով բլիթներով՝ պապադամներով[7]։ Սովորաբար այն մատուցվում է նաև բանանի, մանգոյի, ջեքֆրուտի և պլանտանի հետ։ Կերալայի որոշ շրջաններում այն մատուցվում է քաղցր սև սուրճի հետ։ Թամիլնադիում պուտտուն մատուցում են կոկոսի քերուկով, պալմայի կամ եղեգնի շաքարով, կոկոսի կաթով և սամբալ կծու սոուսով։
Տարբերակներ[խմբագրել | խմբագրել կոդը]
Գոյություն ունեն պուտտուն ցորենի կամ եգիպտացորենի ալյուրով և տապիոկայով պատրաստելու տարբերակներ[8]։ Կոկոսի քերուկի շերտը նույնպես փոխարինվում է կարիով[9] կամ բանաններով[10]։ Պուտտուն միշտ չէ, որ պատրաստվում է գլանաձև։ Շրջանաձև պատրաստված ուտեստը կոչվում է մանիպուտտու։
Հարավարևելյան Ասիայի շրջաններում պուտտուն սովորաբար պատրաստվում է բամբուկի սնամեջ ցողունի մեջ։ Ինդոնեզիայում այս ուտեստը կոչվում է «կուե պուտտու», մալայերենով՝ «պուտտու բամբու», իսկ թագալերենով՝ «պուտո բումբոնգ»։ Այս շրջաններում պուտտուն ընդունված է պատրաստել բրնձի ալյուրով՝ արմավենու շաքարի միջուկով բամբուկե խողովակներում կարկանդակները շոգեխաշելով և զարդարել պանդանայի տերևներով[11]։ Այս տարբերակը մատուցվում է կոկոսի թարմ կտորներով։ Ինդոնեզիայում «կուե պուտտուն» հաճախ վաճառում են փողոցներում «կլեպոն» բրնձային թխվածքի հետ միասին, որն իրենից ներկայացնում է նույն կուե պուտտուն կլոր կառուցվածքով։
Մավրիկիոսում պուտտուն նույնպես հայտնի է, այն վաճառում են փողոցային վաճառականները, այնտեղ այն թեթև նախուտեստ է համարվում։ Կերակրատեսակի բաղադրությունը նույնն է՝ բրնձի ալյուր, շաքար և կոկոսի չոր քերուկ։ Այն պատրաստվում է մետաղյա շոգեխաշիչների մեջ։
Ծանոթագրություններ[խմբագրել | խմբագրել կոդը]
- ↑ R, Hari Shanker (2014 թ․ սեպտեմբերի 25). «Hot puttu, idiyappam and more». The Hindu (Indian English). Thiruvananthapuram. 0971-751X. Վերցված է 2016 թ․ նոյեմբերի 2-ին.
- ↑ Nair, Anjali (2016 թ․ հուլիսի 2). «The rise of a red puttu eatery». The Hindu (Indian English). Chennai. 0971-751X. Վերցված է 2016 թ․ նոյեմբերի 2-ին.
- ↑ Krishnamurthy, Uma (2011 թ․ հունիսի 30). «My Grandma's Recipe - How to make...Rice puttu». The Hindu (Indian English). 0971-751X. Վերցված է 2016 թ․ նոյեմբերի 2-ին.
- ↑ Minnie Mathew Traditional Delicacies Of KERALA : Foods of India. — Leadstart Publishing Pvt Ltd, 2013-12-16. — 342 с. — ISBN 9789381576281
- ↑ Flavours of Kerala. — Salim Pushpanath, 2005-01-01. — 90 с. — ISBN 9788188000074
- ↑ Maithily Jagannathan South Indian Hindu Festivals and Traditions. — Abhinav Publications, 2005-01-01. — 248 с. — ISBN 9788170174158
- ↑ «Recipe of Puttu and Kadala Curry, Vegetarian, Breakfast Dish, Cuisine, Kerala Food | Kerala Tourism». www.keralatourism.org. Վերցված է 2016 թ․ նոյեմբերի 2-ին.
- ↑ Nesa Eliezer Recipes of the Jaffna Tamils: Odiyal Kool, Kurakkan Puttu, and All That--. — Orient Blackswan, 2003-01-01. — 168 с. — ISBN 9788125025023
- ↑ «🍲Puttu - Kerala Food - Traditional Breakfast Recipe». Indian food recipes - Food and cooking blog. 2012 թ․ դեկտեմբերի 30. Վերցված է 2016 թ․ նոյեմբերի 2-ին.
- ↑ «Mutta meen puttu». OnManorama. Վերցված է 2016 թ․ նոյեմբերի 2-ին.
- ↑ Reporter, Staff (2016 թ․ հոկտեմբերի 19). «Food festival for charity». The Hindu (Indian English). Thiruvananthapuram. 0971-751X. Վերցված է 2016 թ․ նոյեմբերի 2-ին.