Պալացցո Պիզանի Գրիտտի

Պալացցո Պիզանի Գրիտտի
Տեսակ	պալատ և հյուրանոց
Երկիր	Իտալիա
Տեղագրություն	Վենետիկ
Հասցե	Campo del Traghetto, 2466-67, San Marco
Պաշտոնական կայք

Պալացցո Պիզանի Գրիտտի (իտալ.՝ Palazzo Pisani Gritti), պալատ իտալական Վենետիկ քաղաքում, տեղակայված է Մեծ ջրանցքի Սան Մարկո շրջանում՝ Սանտա Մարիա դելլա Սալյուտե եկեղեցու դիմաց։ Կառուցված է գոթական ոճով բնորոշ աղեղնավոր կամարներով։

Պատմություն

Պալատը կառուցվել է 14-րդ դարում և այդ ժամանակ ունեցել է երեք հարկ։ 16-րդ դարում ստեղծվել է երկրորդ ճակատը՝ հակառակ ջրանցքին, որի վրա տեղալակված էր Տրագետո հրապարակը (իտալ.՝ Campo del Traghetto)։ Ջրանցքի կողմի ճակատին ժամանակին գտնվում էին Ջորջոնեի որմնանկարները, որոնք ներկայումս կորած են։ 19-րդ դարի վերջին կառուցվել է լրացուցիչ հարկ։

Առաջին սեփականատերը Պիզանի ականավոր ընտանիքն էր, հետո պալատը վաճառվեկ է Գրիտի ընտանիքին, որի անդամներից մեկը Վենետիկի դոժն էր։ 19-րդ դարի վերջին Գրիտին նույնպես վաճառել է պալատը, և այստեղ բացվել է էլիտար հյուրանոց, որը մի քանի անգամ փոխել է սեփականատերերին, բայց գոյություն ունի նաև ներկայումս։

Տես նաև

• Վենետիկի պալատներ

Արտաքին հղումներ

• Marcello Brusegan. La grande guida dei monumenti di Venezia. Roma, Newton & Compton, 2005 ISBN 88-541-0475-2
• Guida d'Italia – Venezia. 3^a ed. Milano, Touring Editore, 2007 ISBN 978-88-365-4347-2