Վիքիպեդիայից՝ ազատ հանրագիտարանից
Ուսըվե Բաքո (Բակոև Հուսիկ Բաքոյի, 1909 - 1969 ), քուրդ սովետական իրավաբան, բանաստեղծ։ ՍՄԿԿ անդամ 1941 թվականից։ 1929 -1931 թվականներին սովորել է Լենինգրադի Ս. Մ. Կիրովի անվան սովետական Արևելքի ազգային փոքրամասնությունների ինստիտում, ավարտել է Երևանի համալսարանի իրավաբանական ֆակուլտետը (1953 )։ 1931 -1962 թվականներին աշխատել է արդարադատության մարմիններում. 1938 -1941 և 1945 -1962 թվականներին ՀՍՍՀ գերագույն դատարանի նախագահության, քրեական վճռաբեկ կոլեգիայի անդամ։ 1941 -1944 թվականներին մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ» , 1941 -1945 ) գործողություններին։ Լույս են տեսել Ուսըվե Բաքոի «Սրինգ» (1958 , հայերեն ), «Ծիածան» (1961 ), «Իմ կարոտը» (1963 ), «Արևի հյուրը» (1966 ), «Նոր ստեղծագործություններ» (1969 ), «Աշուն» (1971 ), «Դառնարած» (1978 ) գրքերը։ Ուսըվե Բաքոն ընտրվել է ՀՍՍՀ սովետների VIII համագումարի պատգամավոր։ Պարգևատրվել է Կարմիր աստղի և Հայրենական պատերազմի II աստիճանի շքանշաններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից ։