Շոթա Նիշնիանիձե
Շոթա Նիշնիանիձե վրաց.՝ შოთა გიორგის ძე ნიშნიანიძე | |
---|---|
Ծնվել է | մարտի 18, 1929 |
Ծննդավայր | Թիֆլիս, Վրացական ԽՍՀ, ԽՍՀՄ |
Վախճանվել է | 1999[1] |
Վախճանի վայր | Թբիլիսի, Վրաստան |
Գերեզման | Դիդուբեի պանթեոն |
Մասնագիտություն | գրող և բանաստեղծ |
Լեզու | վրացերեն |
Քաղաքացիություն | ԽՍՀՄ և Վրաստան |
Կրթություն | Թբիլիսիի պետական համալսարան |
Ժանրեր | քնարապատմողական |
Պարգևներ |
Շոթա Նիշնիանիձե (իսկական անունը՝ Շոթա Գեորգիի Մամագեյշվիլի, մարտի 18, 1929, Թիֆլիս, Վրացական ԽՍՀ, ԽՍՀՄ - 1999[1], Թբիլիսի, Վրաստան), վրացի գրող, պոեմների ու բանաստեղծական ժողովածուների հեղինակ։ ԽՍՀՄ պետական մրցանակի (1984) ու Վրացական ԽՍՀ Շոթա Ռուսթավելու անվան պետական մրցանակի դափնեկիր (1975)։
Կենսագրություն[խմբագրել | խմբագրել կոդը]
Ծնվել է 1929 թվականի մարտի 18-ին Թիֆլիսում։ Իր առաջին ստեղծագործությունները տպագրել է 1946 թվականին։ 1953 թվականին Շոթա Նիշնիանիձեն ավարտել է Թբիլիսիի համալսարանի բանասիրական ֆակուլտետը։
1964-1974 թվականներին աշխատել է «Մերանի» հրատարակչության խմբագրությունում, այնուհետև որպես խորհրդական աշխատել է Վրացական ԽՍՀ Գրողների միությունում (1974-1977), եղել է «Գանձ» ալմանախի խմբագիր (1977-1981), Վրացական ԽՍՀ Գրողների միության քարտուղար (1981-1984), Վրացական ԽՍՀ Գրողների միության նախագահ (1984-1986)։ Իր կյանքի վերջին տարիներին աշխատել է գրական թերթերի խմբագրություններում։
Մահացել է 1999 թվականին Թբիլիսիում։ Թաղված է Թբիլիսիի Դիդուբեի պանթեոնում։
Շոթա Նիշնիանիձեն պարգևատրվել է «Պատվո նշան» շքանշանով։ 1975 թվականին նա ստացել է Վրացական ԽՍՀ Շոթա Ռուսթավելու անվան պետական մրցանակ, 1984 թվականին՝ ԽՍՀՄ պետական մրցանակ։
Բանաստեղծությունների ժողովածուներ[խմբագրել | խմբագրել կոդը]
- «Ես ու դու» (1956),
- «Աշունը գյուղում» (1959),
- «Ձիթենու ճյուղ» (1961),
- «Արև և ստվեր» (1963),
- «Նուռ» (1966),
- «Բրոցեուլա» (1966) - մանկական բանաստեղծությունների ժողովածու,
- «Էպիկական արձագանք» (1973),
- «Ամեն ինչից վեր» (1988)։
1987 թվականին Երևանում լույս է տեսել Շոթա Նիշնիանիձեի ստեղծագործությունների հայերեն թարգմանությունների «Դիմակների մնջախաղ» ժողովածուն (մի մասը՝ Ա. Թարյանի թարգմանությամբ)։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Большая советская энциклопедия. — М.։ Советская энциклопедия. 1969—1978.
- Энциклопедический словарь. 2009.
- Մարտի 18 ծնունդներ
- 1929 ծնունդներ
- Թբիլիսի քաղաքում ծնվածներ
- 1999 մահեր
- Թբիլիսի քաղաքում մահացածներ
- Դիդուբեի պանթեոնում թաղվածներ
- Թբիլիսիի պետական համալսարանի շրջանավարտներ
- Աշխատանքային կարմիր դրոշի շքանշանի ասպետներ
- Պատվո շքանշանի ասպետներ (ԽՍՀՄ)
- ԽՍՀՄ Պետական մրցանակի դափնեկիրներ
- Վրացական ԽՍՀ Շոթա Ռուսթավելու անվան պետական մրցանակի դափնեկիրներ
- Անձինք այբբենական կարգով
- Գրողներ այբբենական կարգով
- Վրացի գրողներ
- Վրացի բանաստեղծներ
- Խորհրդային գրողներ
- 20-րդ դարի բանաստեղծներ
- Խորհրդային բանաստեղծներ
- Վրաստանի գրողների միության անդամներ
- Պատվո շքանշանի ասպետներ (Վրաստան)
- Բանաստեղծներ այբբենական կարգով