Նոթինգհեմի ժամանակակից արվեստի թանգարան
Նոթինգհեմի ժամանակակից արվեստի թանգարան | |
---|---|
Տեսակ | պատկերասրահ և բարեգործական կազմակերպություն |
Երկիր | Միացյալ Թագավորություն |
Տեղագրություն | Նոթինգհեմ |
Հասցե | Weekday Cross, Nottingham NG1 2GB[1] |
Հիմնադրվել է | 2009 |
Կայք | nottinghamcontemporary.org |
Նոթինգհեմի ժամանակակից արվեստի թանգարան (անգլ.՝ Nottingham Contemporary), ժամանակակից արվեստի թանգարան Նոթինգհեմի կենտրնում, Լեյս Մարքեթ տարածքում։ Պատկերասրահը բացվել է 2009 թվականին[2]։
Պատկերասրահը նկարագրվում է որպես քաղաքի «ամենահին թանգարան», որը եղել է սաքսերի ամրոցի մաս[3]։ Տարածքի պատմական տեսքը պահպանելու համար շենքի արտաքին մասին դաջված են նոթինգհեմյան ավանդական նախշեր։
Նոթինգհեմի ժամանակակից արվեստի թանգարանն ըստ անգլիական օրենսդրության բարեգործական նախագիծ է[4]։
Ցուցահանդեսային ծրագիր
[խմբագրել | խմբագրել կոդը]Նոթինգհեմ ժամանակակից արվեստի թանգարանը տարեկան չորսից հինգ խոշոր ցուցահանդես է կազմակերպում՝ աշխարհի ժամանակակից նկարիչների աշխատանքները բերելով Նոթինգհեմ։ Ցուցահանդեսներում արծարծված գաղափարները բացահայտվում են բոլոր տարիքի կրթական ծրագրերում։ Թանգարանը բացվել է 2009 թվականի նոյեմբերի 14-ին` Դեյվիդ Հոքնիի վաղ աշխատանքների և Լոս Անջելեսում գործող նկարիչ Ֆրենսիս Ստարկի վերջին աշխատանքների ցուցահանդեսով, ներառյալ` Թեյթ հավաքածուի մի մասը։
Այդ ժամանակվանից ի վեր, պատկերասրահում հյուրընկալվել են մի շարք խոշոր թեմատիկ ցուցահանդեսներ, այդ թվում` «Տեղն այստեղ է» (The Place is Here) (2017), Ամերիկայի նահանգներ (States of America) (2017), Գլեն Լիգոնի հանդիպումներն ու բախումները (Glenn Ligons' Encounters and Collisions) (2015) և Ականջից ականջ մինչև աչք (2017–18) (From Ear to Ear and Eye) ցուցահանդեսները։
Կառույց
[խմբագրել | խմբագրել կոդը]Շենքը նախագծվել է լոնդոնցի ճարտարապետ Կարուսո Սենթ Ջոնի կողմից։ Ավելի քան 3000 քմ մակերեսով` այն Մեծ Բրիտանիայի ժամանակակից արվեստի խոշորագույն կենտրոններից մեկն է։ Արտաքին մասը ծածկված է փորված վահանակներով, ավանդական նախշերով, մեծ պատուհաններով, որոնք փողոցից ուղիղ տեսարաններ են բացում դեպի ինտերիեր[3]։ Շինությունն ավելի մեծ է, քան դրսից է երևում։
Նոթինգհեմ Ժամանակակիցը Միացյալ Թագավորության ժամանակակից արվեստի խոշորագույն կենտրոններից մեկն է, ունի չորս պատկերասրահ, լսարան, ուսումնական տարածք և ուսումնական կենտրոն։ Շենքում կա նաև սրճարան և խանութ։
Տարածք
[խմբագրել | խմբագրել կոդը]Նոթինգհեմ ժամանակակիցը գտնվում է քաղաքի ամենահին հատվածում, որը նախկինում ուներ քարանձավային բնակավայրեր, Սաքսոնյան ամրոց և միջնադարյան քաղաքային դահլիճ։
Կառավարում
[խմբագրել | խմբագրել կոդը]Սեմ Թորնը նշանակվել է տնօրեն 2015 թվականին՝ ստանձնելով այդ պաշտոնը 2016 թվականի սկզբին, փոխարինելով հիմնադիր տնօրեն Ալեքս Ֆարխարսոնին (2007-2015)։
Ծանոթագրություններ
[խմբագրել | խմբագրել կոդը]- ↑ https://www.nottinghamcontemporary.org/visit/
- ↑ «Alex Farquharson is Leaving Nottingham Contemporary for Tate Britain». LeftLion. Վերցված է 2018 թ․ հուլիսի 4-ին.
- ↑ 3,0 3,1 Nottingham Contemporary. «Our Building». Վերցված է 2015 թ․ փետրվարի 13-ին.
- ↑ Charity Commission. NOTTINGHAM CONTEMPORARY, registered charity no. 1116670.
Արտաքին հղումներ
[խմբագրել | խմբագրել կոդը]- Պաշտոնական կայք
- Pictures of Nottingham Contemporary from Nottingham21
- Inside Nottingham Contemporary (BBC)
- Caruso St John's Nottingham Contemporary Arts Centre Արխիվացված 2016-03-04 Wayback Machine Video, bdonline.co.uk
Վիքիպահեստն ունի նյութեր, որոնք վերաբերում են «Նոթինգհեմի ժամանակակից արվեստի թանգարան» հոդվածին։ |
|