Նառա Վարդանյան

Նառա Վարդանյան
Ծնվել է	փետրվարի 5, 1985 (39 տարեկան)
Ծննդավայր	Տավուշ, Շամշադինի շրջան, Հայկական ԽՍՀ, ԽՍՀՄ
Մասնագիտություն	գրող
Քաղաքացիություն	ԽՍՀՄ և Հայաստան
Անդամակցություն	ՀԳՄ
Աշխատավայր	Գրական թերթ
Պարգևներ	Հայաստանի նախագահի երիտասարդական մրցանակ
	Նառա Վարդանյան Վիքիքաղվածքում

Վիքիպեդիայում կան հոդվածներ Վարդանյան ազգանունով այլ մարդկանց մասին։

Նառա Վարդանյան (փետրվարի 5, 1985(1985-02-05), Տավուշ, Շամշադինի շրջան, Հայկական ԽՍՀ, ԽՍՀՄ), հայ ժամանակակից գրող։

Կենսագրություն

Ծնվել է Տավուշի մարզի Թովուզ (այժմ՝ Տավուշ) գյուղում։ Ավարտել է Հրազդանի Հովսեփ Օրբելու անվան թիվ 13 միջնակարգ դպրոցը։ 2002-2007 թվականներին սովորել և ավարտել է Երևանի Մեսրոպ Մաշտոցի անվան համալսարանի բանասիրական ֆակուլտետը։ Առաջին անգամ տպագրվել է 2006 թվականին «Գրեթերթ» գրական երիտասարդական թերթում, ապա «Գարուն», «Ինքնագիր», «Նարցիս», «Գրանիշ» ամսագրերում, Գրական թերթում, «ԱՆԹՈԼՈԳԻԱ (18-33) արդի հայ արձակ» անթոլոգիայում։ Մասնակցել է Հայաստանի գրողների միության Գրեթերթ երիտասարդական ամսաթերթի ստեղծմանը։

2007 թվականին «Սրբիչը» պատմվածքն արժանացել է Գրեթերթ գրական երիտասարդական թերթի «Տարվա լավագույն պատմվածք» մրցանակին^[1]։
2009 թվականին «Լուսինը թփերի մեջ» պատմվածքն արժանացել է «Ինքնագիր» գրական հանդեսի «Լավագույն պատմվածք» մրցանակին^[2]։
2011 թվականին արժանացել է Գրականության բնագավառում Հայաստանի Հանրապետության Նախագահի երիտասարդական մրցանակի «Անկախին սպասելիս» գրքի համար^[3]։
2011 թվականից Հայաստանի գրողների միության անդամ է^[4]։
2012 թվականի սեպտեմբերից աշխատում է Հայաստանի գրողների միության պաշտոնաթերթում՝ Գրական թերթում, ինչպես նաև Գրեթերթ գրական երիտասարդական թերթի համախմբագիրն է։
2014 թվականին հեղինակի «Սերը» պատմվածքն արժանացել է 1-ին հայկական գրական գործակալության «Գույն» մրցանակաբաշխության առաջին մրցանակին, ինչպես նաև «Անտարես» հրատարակչության հատուկ մրցանակին։

Նրա ստեղծագործությունները թարգմանվել են ռուսերեն, ֆրանսերեն, անգլերեն։

Վիքիքաղվածքն ունի նյութեր, որոնք վերաբերում են «Նառա Վարդանյան» հոդվածին։