Յանդեքս․Տաքսի
Յանդեք․Տաքսի Яндекс.Такси | |
|---|---|
 | |
| Տեսակ | կայք |
| Հիմնադրված է | Հոկտեմբերի 26, 2011 թվական[1] |
| Հիմնադիր | Յանդեքս |
| Վայր | Մոսկվա, Ռուսաստան |
| Երկիր |  Ռուսաստան |
| Տնօրեն | Տիգրան Խուդավերդյան |
| Գլխավոր անձինք | Դանիլ Շուլեյկո (Մարքետինգի տնօրեն) |
| Սպասարկվող տարածք | Ռուսաստան Հայաստան Ուկրաինա Վրաստան Ղազախստան |
| Արդյունաբերություն | ինտերնետ ոլորտ և հասարակական տրանսպորտ |
| Արտադրանք | iOS, Անդրոիդ |
| Հասույթ | 37,9 մլրդ ₽ (2019)[2] |
| Մայր ընկերություն | Յանդեքս |
| Դուստր ընկերություններ | Yandex.Eda?, Yango? և Q113407983? |
| Սեփականատեր | Յանդեքս |
| Կայք | taxi.yandex.com |
 Yandex.Taxi Վիքիպահեստում | |
Յանդեքս․Տաքսի (ռուս.՝ Яндекс.Такси), հեռախոսային ծրագրով կամ taxi.yandex.com կայքով տաքսիի օնլայն-պատվերների սերվիս։ Սերվիսը տալիս է պատվերը այն վարորդին, ով ամենամոտն է գտնվում պատվեր տվողից։
2017 թվականի դրությամբ սերվիսը աշխատում է Ռուսաստանի, Ուկրաինայի, Հայաստանի, Վրաստանի, Ղազախստանի ավելի քան 126 խոշոր քաղաքներում։ Ընդհանուր առմամբ այնտեղ աշխատում են ավելի քան 200 հազար վարորդ[3]։
Սակագները տարբեր քաղաքներում տարբերվում են։ Սերվիսը ներառում է խնայողական, հարմարավետ, Կոմֆորտ+, Բիզնես և Մինիվեն տարբերակները։ Պատվերի մեկնաբանություններում կարելի է նշել մի քանի տարբերակներ՝ դեղին գրանցման համար, որը թույլատրում է մեքենան վարել հասարակական տրանսպորտի գծերով, չծխող վարորդով, օդորակիչով, կենդանու տեղափոխումով, և այլն։
Սերվիսը պատկանում է ՓԲԸ «Յանդեքս.Տաքսի»[4]։ Ընկերության գլխավոր տնօրենն է Տիգրան Խուդավերդյանը։
Աշխատանքի սկզբունք[խմբագրել | խմբագրել կոդը]
Տաքսի կանչելը իրագործվում է հատուկ "Յանդեքս․Տաքսի" և Ուբեր սմարթֆոնների (iOS կամ Անդրոիդ) համար ծրագրերով[3][5]։
Պատվերի համար օգտատերը նշում է իր հեռախոսահամարը, հասցեն, որտեղ պիտի գա տաքսին, վճարման ձևը և այլն։
Օգտատերերը կարող են գնահատել ուղևորությունը հինգ աստղային սանդղակով։ Գնահատականները ազդում են վարորդների և տաքսիի վարկանիշի վրա։ Վարորդը կարող է տեսնել իր վարկանիշը, սակայն չի կարող տեսնել, թե կոնկրետ, որ հաճախորդը ինչպես է իրեն գնահատել։ Եթե վարորդը ստանում է շատ ցածր գնահատակներ, ապա նրան կարող են անջատել Յանդեքս Տաքսիի պատվերից[6]։
Սերվիսի ֆունկցիոնալություն և տեխնոլոգիաներ[խմբագրել | խմբագրել կոդը]
Յանդեքս.Տաքսին մեքենաների մատուցման ժամանակի և երթուղու հաշվարկի համար օգտագործում է Յանդեքս.Քարտեզը և Յանդեքս.Նավիգատոր։ Երթուղին կազմվում է ընթացիկ, ինչպես նաև կանխատեսվող խցանումներով։ Ծառայությունը կարող է առաջարկել, որ մոտենա այն վարորդը, որը մոտ է գտնվում հաճախորդին` խնայելով ուղևորության ժամանակը և ավելի մատչելի ծառայություն մատուցելով[7]։ Օրինակ, մի մայթից մյուսը անցնելը կարող է ավելի խնայողական լինել[8]։
2017 թվականի մայիսին հնարավորություն է առաջացել երեք միջանկյալ կետեր միացնել։ Ուղևորության ընթացքում սպասելու արժեքը հաշվարկվում է ըստ տարածաշրջանի սակագների։ Համակարգը պատվերները բաշխում է վարորդների միջև ավտոմատ կերպով, հիմնվելով մի քանի գործոնների վրա՝
- Վարորդը կգա ավելի արագ, քան մյուսները
- Վարորդն ունի ավելի բարձր վարկանիշ, քան մյուսները
- Մեքենան համապատասխանում է բոլոր սակագներին և տարբերակներին։
Մեքենաների պակասության դեպքում գինը ձևավորվում է հաշվի առնելով բարձրացված գործակիցը, որը կարգավորվում է ավտոմատ։
2017 թվականի ապրիլին Յանդեքս․տաքսին մտցրեց ֆիքսված արժեք Ռուսաստանի բոլոր քաղաքներում, գինը պարզվում է պատվերի ժամանակ և չի փոփոխվում, եթե նույնիսկ առաջացել են խցանումներ կամ վարորդը շեղվել է երթուղուց[9]։
Մեքենայական ուսուցման տեխնոլոգիայի միջոցով Яндекс.Такси-ն որոշում է և առաջարկում է հարմար տեղ կանգառի համար։ Այդպիսի տեղերը քարտեզի վրա նշանակվում են կապույտ շրջանակներով և օգտվողին հնարավորություն է տալիս դրանք ինքնուրույն ընտրել[10]։
Պատմություն[խմբագրել | խմբագրել կոդը]
2011 թվականին Յանդեքս․Տաքսին սկսել է իր աշխատանքը Մոսկվայում, ինչպես Յանդեքս սերվիսներից մեկը։ Սկզբում համակարգին միացվել է մայրաքաղաքի 1000 վարորդներ և 11 կայանատեղի[11][12]։
Սկզբում ծառայությունը ներկայացվել է միայն iOS և Android օպերացիոն համակարգերի հեռախոսային ծրագրերի համար։ Վեբ-տարբերակը հայտնվել է 2012 թվականի հունիսի 28-ին[13].։
Հիմնադրման պահից ղեկավարը եղել է Լև Վոլոժը, Յանդեքսի համահիմնադիր Արկադի Վոլոժի ավագ որդին[14]։
2012 թվականին Յանդեքս․տաքսի ծառայությունը սկսեց հարկ վերցնել պատվերներից։ Կանխատեսվում էր, որ 2013 թվականին պատվերների ծավալը կկազմի $60 մլն։
2013 թվականին հնարավորություն առաջացավ վճարել բանկային քարտով[15]։
2013 թվականի ընթացքում Յանդեքս․Տաքսին մատուցել է 3,5 մլն պատվերներ, որը կազմել է 2,177 մլրդ ռուբլի ($68 մլն)[16]։
2014 թվականին ղեկավարը դարձավ Տիգրան Խուդավերդյանը։
Android[17] և iPhone[18]-ների ծրագիրները թարմացվել են։ Թարմացված տարբերակում մտցրած է զանգերի վերահասցեավորում։ Անհատական տվյալները պաշտպանելու համար վարորդին տրվում է հատուկ հեռախոսահամար, առանձնահատուկ լրացուցիչ կոդով օգտատերի հեռախոսահամարի տեղ։
2014 թվականին մտցվեց վարորդներն քաղաքի և ծառայությունների իմացության պարտադիր պատրաստվածություն[19]։
2017 թվականի հունիսի 25-ին Յանդեքս․տաքսին սկսեց աշխատել Մոլդովայում[20].
Ծանոթագրություններ[խմբագրել | խմբագրել կոդը]
- ↑ Yandex Launches Taxi Search Service
- ↑ Yandex Announces Fourth Quarter and Full-Year 2019 Financial Results
- ↑ 3,0 3,1 ««Յանդեքս» ու «Ուբեռ» ընկերությունները կմիավորվեն». Արխիվացված է օրիգինալից 2017 թ․ հուլիսի 14-ին. Վերցված է 2017 թ․ հոկտեմբերի 1-ին.
- ↑ «Реквизиты ООО "Яндекс.Такси", Москва, и другая информация о компании на Rusprofile.ru» (ռուսերեն). www.rusprofile.ru. Վերցված է 2017 թ․ հուլիսի 14-ին.
- ↑ Яндекс такси, как пользоваться - 2013–2017 Клуб советов. ООО «ААБ Медиа».
- ↑ Рейтинг водителя
- ↑ Яндекс. Такси подскажет оптимальное место подачи Արխիվացված 2017-08-16 Wayback Machine, Ferra.ru, 2017-03-13
- ↑ ««Яндекс. Такси» стал подсказывать пользователям самую удобную точку подачи автомобиля». Արխիվացված է օրիգինալից 2017 թ․ օգոստոսի 16-ին. Վերցված է 2017 թ․ օգոստոսի 25-ին.
- ↑ Андрей Фролов, «Яндекс. Такси» запустил фиксированные цены по всей России Արխիվացված 2017-08-16 Wayback Machine / vc.ru, 11.04.2017
- ↑ «Яндекс. Такси» с помощью машинного обучения научилось показывать удобные места подачи авто
- ↑ Яндекс запустил сервис по поиску такси
- ↑ «Яндекс» приручил московских таксистов
- ↑ «Яндекс» вызвал интернет-такси
- ↑ Сын Воложа превратил «Яндекс» в крупнейшего диспетчера такси
- ↑ Yandex.Taxi Introduces Cashless Cab Fare Payment Service
- ↑ https://vc.ru/p/za-2013-god-servis-yandeks-taksi-zarabotal-4-2-mln(չաշխատող հղում)
- ↑ https://yandex.ru/company/services_news/2014/1001_1
- ↑ https://yandex.ru/company/services_news/2014/1111
- ↑ «Արխիվացված պատճենը». Արխիվացված է օրիգինալից 2020 թ․ սեպտեմբերի 21-ին. Վերցված է 2017 թ․ օգոստոսի 25-ին.
- ↑ ««Яндекс.Такси» запустили в Молдавии — Meduza». Meduza (ռուսերեն). Վերցված է 2017 թ․ հուլիսի 25-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Յանդեքս․Տաքսի» հոդվածին։ |
| ||||||
