Միքայել Մալունցյանի անվան արվեստի դպրոց
| Միքայել Մալունցյանի անվան արվեստի դպրոց | |
|---|---|
| Տեսակ | դպրոց |
| Հիմնադրված է | 1982 |
| Անվանված է | Միքայել Մալունցյան |
| Երկիր |  Հայաստան |
| Տեղագրություն | Երևան |
| Հասցե | Էրեբունի վարչական շրջան, Ավանեսովի 10 |
Միքայել Մալունցյանի անվան արվեստի դպրոց, կրթադաստիարակչական ուսումնական հաստատություն Երևանի Էրեբունի վարչական շրջանում։
Պատմություն
[խմբագրել | խմբագրել կոդը]Երևանի Միքայել Մալունցյանի անվան արվեստի դպրոցը հիմնադրվել է 1982 թվականին Երևանի Օրջոնիկիձե թաղամասում՝ որպես թիվ 2 արվեստի դպրոց։
1993 թվականին անվանակոչվել է ՀԽՍՀ ժողովրդական արտիստ, դիրիժոր, մանկավարժ Միքայել Մալունցյանի անունով։ 2003 թվականին ՀՀ կառավարության որոշմամբ վերակազմավորվել է որպես «Երևանի Մ. Մալունցյանի անվան արվեստի դպրոց» ՊՈԱԿ, 2009 թվականին Երևանի ավագանու որոշմամբ վերակազմավորվել է որպես «Երևանի Մ. Մալունցյանի անվան արվեստի դպրոց» ՀՈԱԿ[1]։
Բաժիններ
[խմբագրել | խմբագրել կոդը]- Երաժշտական
- Երաժշտական բաժնի աշակերտներից շատերը հանրապետական և միջազգային մրցույթների դափնեկիրներ են, ընդգրկված են Հայաստանի «Նոր անուններ»[2] ծրագրում և պարբերաբար ելույթներ են ունենում ինչպես Հայաստանում, այնպես էլ արտերկրում։ Ելույթներ են ունեցել Հայաստանի պետական կամերային նվագախմբի, Հայաստանի պետական ֆիլհարմոնիկ նվագախմբի հետ։
- Պարարվեստի
- 2010 թվականին Երևանի երաժշտական և արվեստի դպրոցների ստուգատես-փառատոնին ճանաչվել է որպես լավագույն պարարվեստի բաժին և պարգևատրվել Երևանի քաղաքապետի պատվոգրով։ 2011 թվականին բաժնի դասական պարի դասարանը հրավիրվել է ելույթ ունենալու Վլադիմիր Սպիվակովի «Մոսկվան դիմավորում է ընկերներին» միջազգային փառատոնի բացման հանդիսավոր արարողությանը։ Բաժնում գրեթե ամեն տարի բեմադրվում են պարային ներկայացումներ, որոնք արժանանում են մասնագետների բարձր գնահատանքին։
- Գեղարվեստի
- Գեղարվեստի /այժմ Կերպարվեստի/ բաժինը պարբերաբար մասնակցում է հանրապետական և միջազգային մրցույթ-ցուցահանդեսների, արժանանում բարձր կարգի մրցանակների։
- Թատերական
- Թատերական բաժինը գործում է 2008 թվականից։ Պարբերաբար մասնակցում է հանրապետությունում կազմակերպվող թատերական և ասմունքի փառատոների և մրցույթների՝ արժանանալով բարձր կարգի մրցանակների։
Ծանոթագրություններ
[խմբագրել | խմբագրել կոդը]- ↑ Միքայել Մալունցյանի անվան արվեստի դպրոց
- ↑ «Հայ շնորհալիները՝ ՌԴ Սուզդալ քաղաքում կայացած «Նոր անուններ» 21-րդ միջազգային ամառային ստեղծագործական դպրոցում». haynews.am. Արխիվացված է օրիգինալից 2013 թ․ հոկտեմբերի 22-ին. Վերցված է 2018 թ․ հունվարի 23-ին.