Մերի Օսթին
| Մերի Օսթին անգլ.՝ Mary Austin | |
|---|---|
 Մերի Օսթինը «Ֆրեդի Մերկուրի․ Չպատմված պատմություն» ֆիլմում (2000) | |
| Ծնվել է | մարտի 6, 1951 (73 տարեկան) |
| Ծննդավայր | Ֆուլհեմ, Լոնդոնի կոմսություն, Անգլիա, Միացյալ Թագավորություն |
| Քաղաքացիություն | .svg){kind=small} Միացյալ Թագավորություն |
| Ազգություն | անգլիացի |
| Աշխատավայր | Biba? |
Մերի Օսթին (անգլ.՝ Mary Austin; մարտի 6, 1951, Ֆուլհեմ, Լոնդոնի կոմսություն, Անգլիա, Միացյալ Թագավորություն), 1970-1976 թվականներին բրիտանական Queen ռոք խմբի վոկալիստ Ֆրեդի Մերկուրիի ընկերուհի և օգնական։
1970-ականների վերջին իր հարցազրույցներից մեկի ժամանակ Ֆրեդի Մերկուրին խոստովանել է, որ Օսթինը «նրա ամբողջ կյանքի սերն է և մի մարդ, ում չի կարողացել փոխարինել ոչ մի սիրեկան», իսկ նրա հետ հարաբերությունները նա ընդունում էր որպես «ամուսնություն»[1][2]։ Մերիից բաժանվելուց հետո, Մերկուրին աշխատանքի է վերցրել նրան իր սեփական ընկերության մեջ և դարձել է նրա որդու՝ Ռիչարդի, կնքահայրը[3]։
Կենսագրություն
[խմբագրել | խմբագրել կոդը]Նա ծնվել է 1951 թվականի մարտի 6-ին Անգլիայի Լոնդոն քաղաքում՝ աշխատող դասի ընտանիքում։ Նրա երկու ծնողներն էլ խուլ էին։ Մերին ստիպված էր աշխատել 15 տարեկանից՝ սկզբում որպես քարտուղարուհի, հետո էլ՝ բուտիկում[4]։
Մերկուրին և Օսթինը ծանոթացել են 1969 թվականին՝ Queen խմբի կիթառահար Բրայան Մեյի շնորհիվ, ում հետ նա հանդիպում էր։ Մերկուրին առաջարկություն է արել Օսթինին 1973 թվականի Սուրբ Ծննդյան օրը[5]։ Մերին համաձայնվել է, սակայն նրանք այդպես էլ չեն ամուսնացել[6]։ 1973-1976 թվականներին նրանք միասին ապրում էին Լոնդոնում։ Մերին բաժանվել է Ֆրեդիից այն բանից հետո, երբ երգիչը խոստովանել է, որ բիսեքսուալ է[7][8]։ Մերկուրին մի քանի երգ է գրել Մերի Օսթինի մասին, հատկապես «A Night at the Opera» (1975) ալբոմի «Love Of My Life» երգը[9][10]։
Ֆրեդի Մերկուրին կտակել է նրան իր ունեցվածքի կեսը, ներառյալ Garden Lodge տունը Լոնդոնի Քենսինգթոն շրջանում և իր ձայնասկավառակների հետագա վաճառքից շահույթի իրավունքները[11]։ Օսթինը Mercury Phoenix Trust բարեգործական ֆոնդի անդամ է։ Արտիստի խնդրանքով նա նաև միակ մարդն է, ով տեղյակ է, թե որտեղ է թաղված Ֆրեդիի աճյունը[12][13]։
2017 թվականի Օսթինը հեռացրել է Garden Lodge-ի ցանկապատի վրա գտնվող Ֆրեդի Մերկուրիի հիշատակի վայրը, որի վրա երգչի երկրպագուները պատկերներ և գրություններ էին թողնում։ ԶԼՄ-ները դժգոհություն են հայտնել այս որոշման վերաբերյալ։
Անձնական կյանք
[խմբագրել | խմբագրել կոդը]Մերկուրիից բաժանվելուց հետո նա սկսել է հանդիպել երաժիշտ Ջո Բերթի հետ։ 1990-1993 թվականներին նա հարաբերությունների մեջ էր գտնվում ճարտարապետ Փիրս Քեմերոնի հետ։ Նրանք երկու որդի են ունեցել՝ Ռիչարդ և Ջեյմս։ 1998-ից 2006 թվականներին նա ամուսնացած էր բիզնեսմեն Նիք Հոլֆորդի հետ։
Հանրամատչելի մշակույթում
[խմբագրել | խմբագրել կոդը]Ռոնալդ Ռիթեր և Էվերմոր Սուսանի «Խոսակցություն Ֆրեդի Մերկուրիի հետ» (անգլ.՝ «Conversations With Freddie Mercury») գրքում Մերիին մի ամբողջ գլուխ է հատկացվել։ Տեղեկություններ նրա մասին կարելի է գտնել նաև Մերկուրիի կենսագրական գրքերի մեջ, օրինակ, Մարկ Բլեյքի «Ֆրեդի Մերկուրի․ Կախարդության տեսակ» (անգլ.՝ «Freddie Mercury: A Kind Of Magic») կամ Դևիդ Բրեթի «Ֆրեդի Մերկուրի․ Ինտիմ կենսագրություն» (անգլ.՝ «Freddie Mercury: An Intimate Biography») գրքերում։
Օսթինը հայտնվել էր Ֆրեդի Մերկուրիի մասին վավերագրական կենսագրական «Ֆրեդի Մերկուրի․ Չպատմված պատմությունը» (անգլ.՝ «Freddie Mercury: The Untold Story») (2000) ֆիլմում։ Ներկայումս նա հանրային մարդ չէ և հազվադեպ է հարցազրույցներ տալիս։
Ամերիկաբրիտանյան «Բոհեմական Ռապսոդիա» ֆիլմում նրա դերը կատարել է Լյուսի Բոյնտոնը։
Ծանոթագրություններ
[խմբագրել | խմբագրել կոդը]- ↑ For A Song: The Mercury that’s rising in rock is Freddie the satiny seductor of Queen//«People Magazine», 12 мая 1977 года
- ↑ St. Michael, Mick. Queen in their own words(անգլ.). — London: Omnibus Press, 1994. — ISBN 978-0-7119-3014-8.
- ↑ Jones, Lesley-Ann (2012). Mercury: An Intimate Biography of Freddie Mercury. Simon and Schuster. էջ 83. ISBN 978-1-4516-6397-6.
- ↑ «Mary Austin». IMDb. Վերցված է 2020 թ․ մարտի 28-ին.
- ↑ «Mary Austin – Biography 2020». Nestlords (ամերիկյան անգլերեն). Արխիվացված է օրիգինալից 2020 թ․ մարտի 28-ին. Վերցված է 2020 թ․ մարտի 28-ին.
- ↑ Bertram, Colin. «Meet Mary Austin, the Woman Who Stole Freddie Mercury's Heart». Biography (ամերիկյան անգլերեն). Վերցված է 2020 թ․ մարտի 28-ին.
- ↑ Вигг, Дэвид. Интервью с Мэри Остин Արխիվացված 2008-06-18 Wayback Machine // OK! — 2000. — 17 марта.
- ↑ Jones 2011, էջ. 3, Ch. 7, Mary
- ↑ Origjanska, Magda (2017 թ․ հուլիսի 18). «Mary Austin: The woman who inspired Freddie Mercury as a muse and stood by him at the end». The Vintage News (ամերիկյան անգլերեն). Վերցված է 2019 թ․ հունիսի 25-ին.
- ↑ Parker, Lyndsey (2017 թ․ սեպտեմբերի 8). «Brian May discusses the unusual, beautiful love story in Freddie Mercury biopic». Yahoo! Entertainment. Արխիվացված օրիգինալից 2018 թ․ մարտի 13-ին. Վերցված է 2018 թ․ հուլիսի 17-ին.
- ↑ «Freddie Mercury's 'wife' Mary Austin 'could never let him go' until he died» (անգլերեն). The Daily Star. Վերցված է 2019 թ․ հոկտեմբերի 28-ին.
- ↑ Меркьюри завещал мне свои миллионы Արխիվացված 2010-10-23 Wayback Machine // Daily Mail Weekend. — 2000. — 22 января.
- ↑ Неизвестные фотографии Фредди Меркьюри пролили свет на отношения с его «незаменимой женой» Мэри Остин(չաշխատող հղում)
Արտաքին հղումներ
[խմբագրել | խմբագրել կոդը]- Մերի Օսթին Internet Movie Database կայքում
|
