Մարիա Հարությունյան
| Մարիա Հարությունյան | |
|---|---|
| Ծնվել է | սեպտեմբերի 17, 1995[1] (29 տարեկան) |
| Ծննդավայր | Տարտու, Էստոնիա[1] |
| Քաղաքացիություն |  Էստոնիա |
| Կրթություն | Audentes Sports Gymnasium[1], Վայոմինգի համալսարան[1] և Grand Canyon համալսարան[1] |
| Մասնագիտություն | լողորդ |
Մարիա Հարությունյան (էստ․՝ Maria Harutjunjan, սեպտեմբերի 17, 1995[1], Տարտու, Էստոնիա[1]), էստոնահայ լողորդուհի, Էստոնիայի 22-ակի չեմպիոն[2]։
Կենսագրություն
[խմբագրել | խմբագրել կոդը]Մարիա Հարությունյանը ծնվել է Տարտուում։ 2014 թվականին ավարտել է Տալլինի Audentes Sports Gymnasium-ը, իսկ 2019 թվականին՝ ԱՄՆ-ի Վայոմինգի համալսարանը՝ որպես բակալավր և 2021 թվականին Grand Canyon համալսարանը՝ որպես մագիստրոս[2]։
Համալսարանն ավարտելուց հետո ապրում և աշխատում է ԱՄՆ-ում[2]։
Մարզական կարիերա
[խմբագրել | խմբագրել կոդը]Լողորդի կարիերան սկսել է 2002 թվականին՝ Տարտուի լողի ակումբում մարզվելով Միխայիլ Կրուպնինի ղեկավարությամբ։ Մարիան Էստոնիայի բազմակի չեմպիոն է լողի տարբեր մրցաձևերում[2]։
2009-2014 թվականներին մարզվել է «Աուդենտես» մարզական ակումբում, իսկ 2014-2018 թվականներին՝ համալսարանում՝ Թոմ Ջոնսոնի ղեկավարությամբ։ 2015 թվականից «Գարանտ» մարզական ակումբի անդամ է[2]։
2012 թվականին Եվրոպայի առաջնությունում բրաս լողաոճի 50 մ մրցատարածությունում զբաղեցրել է 29-րդ տեղը և 47-րդը՝ 100 մ մրցատարածությունում։ Հետագա տարիներին նա ևս մասնակցել է աշխարհամասի առաջնություններին, սակայն նշանակալի հաջողություններ չի արձանագրել[2]։
Մարիան Էստոնիայի ամառային առաջնություններում (2010-2012, 2016, 2018) 14 անգամ դարձել է երկրի չեմպիոն բրասում և փոխանցումալողում և 8 անգամ՝ կարճ լողավազանում անցկացված առաջնություններում (2011-2012, 2018) բրաս լողաոճում, համակցված և փոխանցումալողում։ 2016 թվականին նա բարելավել է Էստոնիայի ռեկորդը փոխանցումալողում[2][3]։
2010-2018 թվականներին եղել է Էստոնիայի լողի ազգային հավաքականի անդամ[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 Eesti spordi biograafiline leksikon (эст.)
- ↑ 2,0 2,1 2,2 2,3 2,4 2,5 2,6 2,7 «Maria_Harutjunjan». www.esbl.ee. Վերցված է 2022 թ․ ապրիլի 5-ին.
- ↑ «Maria Harutjunjan püstitas USA-s uue Eesti rekordi». Sport (էստոներեն). 2016 թ․ նոյեմբերի 21. Վերցված է 2023 թ․ ապրիլի 28-ին.
Արտաքին հղումներ
[խմբագրել | խմբագրել կոդը]- «Wyoming's Harutjunjan Chases MW History At 2018 Championship» (անգլերեն). Վերցված է 2023 թ․ ապրիլի 28-ին.