Հարթատերև ձնծաղիկ
Հարթատերև ձնծաղիկ | |
Դասակարգում | |
Թագավորություն | Բույսեր (Plantae) |
Ենթատիպ | Սերմնավոր բույսեր (Spermatophytes) |
Կարգ | Ծնեբեկածաղկավորներ (Asparagales) |
Ընտանիք | Շքանարգիզազգիներ (Amaryllidaceae) |
Ենթաընտանիք | Amaryllidoideae |
Տրիբա | Galantheae |
Ցեղ | Ձնծաղիկ (Galanthus) |
Տեսակ | Հարթատերև ձնծաղիկ (G. platyphyllus) |
Միջազգային անվանում | |
Galanthus platyphyllus | |
Տարածվածություն | |
Տաքսոնի տարածվածությունը |
Հարթատերև ձնծաղիկ (լատին․՝ Galanthus platyphyllus), շքանարգիզազգիների (Amaryllidaceae) ընտանիքին, ձնծաղիկների (Galanthus) ցեղին պատկանող բազմամյա սոխուկավոր բույս։
Տարածում և էկոլոգիա[խմբագրել | խմբագրել կոդը]
Հանդիպում է Վրաստանում և Հյուսիսային Օսիայում։ Էնդեմիկ է։
Աճում է ենթալպյան և ալպյան մարգագետիններում։ Երբեմն լանջերից իջնում է կիրճեր։
Բուսաբանական նկարագիր[խմբագրել | խմբագրել կոդը]
Սոխուկը ունի 4-5 սմ երկարություն, 2,5-3,5 սմ տրամագիծ, արտաքին ծաղկաթեփուկները սպիտակ են։ Տերևապատյանը ունի 3-5 սմ երկարություն։
Ցողունը հավասար է տերևներին կամ մի փոքր գերազանցում է դրանց։
Տերևները մուգ կանաչ են, փայլուն, լայն երկարավուն-նշտարաձև, հարթ, վերին մասում՝ մինչև 20 սմ երկարությամբ, իսկ ներքևում՝ նեղացած կոթունով։ Ծաղկման ժամանակ ունեն 15-16 սմ երկարություն և 1-1,5 սմ լայնություն, իսկ ծաղկումից հետո՝ 20-25 սմ երկարություն և 3-3,5 սմ լայնություն։
Ծաղկակրի երկարությունը 10-15 սմ է, ծաղկումից հետո՝ 20-22 սմ։ Թևի երկարությունը 3-5 սմ է, իսկ ծաղկակոթինը՝ 1,5-2 սմ։
Արտաքին ծայրամասային բլթերը նեղ էլիպսաձև կամ երկարավուն ձվաձև են, 1,8-2,7 սմ երկարությամբ և 0,8-1,5 սմ լայնությամբ, սրածայր գագաթով ներքին՝ 0,8-1 սմ երկարությամբ և 0,5 սմ լայնությամբ, հակադարձ, փոքր կտրվածքով կամ համարյա բութ, անհամապատասխան ձևի կանաչ բծով կամ ընդհանրապես առանց բծի։ Առէջը ունի 0,4-0,5 սմ երկարություն, փոշանոթը բութ է՝ վերևում փոքր-ինչ նեղացած։ Սերմնարանի տրամագիծը 0,3-0,4 սմ է։ Ծաղկում է ապրիլ-մայիս ամիսներին։
Քրոմոսոմների թիվը 2n=24 է[1]։
Ծանոթագրություններ[խմբագրել | խմբագրել կոդը]
- ↑ Артюшенко З.Т. Амариллисовые СССР. — Л.: Наука, 1970. — С. 80. — 179 с. (Ստուգված է 30 Մարտի 2010)
Գրականություն[խմբագրել | խմբագրել կոդը]
- Артюшенко З.Т. Амариллисовые СССР. — Л.: Наука, 1970. — С. 80. — 179 с.
Վիքիցեղերն ունի նյութեր, որոնք վերաբերում են «Հարթատերև ձնծաղիկ» հոդվածին։ |
Վիքիպահեստն ունի նյութեր, որոնք վերաբերում են «Հարթատերև ձնծաղիկ» հոդվածին։ |
|