Կոնստանտին Գոլիցին

Կոնստանտին Գոլիցին
հոկտեմբերի 2 (14), 1893 - հունվարի 25, 1938 (44 տարեկան)
Ծննդավայր	Կրոնշտադտ, Պետերգոֆյան գավառ, Սանկտ Պետերբուրգի նահանգ, Ռուսական կայսրություն
Մահվան վայր	Լենինգրադ, ՌԽՖՍՀ, ԽՍՀՄ
Զորատեսակ	Ռազմածովային նավատորմ
Կոչում	3-րդ կարգի ճարտարագետ- նավատորմապետ
Մարտեր/; պատերազմներ	Առաջին համաշխարհային պատերազմ
Կրթություն	Ֆ․ Ձերժինսկու անվան բարձրագույն ռազմածովային ինժեներական ուսումնարան
Պարգևներ	և

Կոնստանտին Գոլիցին (ռուս.՝ Константин Васильевич Голицин, հոկտեմբերի 2 (14), 1893, Կրոնշտադտ, Պետերգոֆյան գավառ, Սանկտ Պետերբուրգի նահանգ, Ռուսական կայսրություն - հունվարի 25, 1938(1938-01-25), Լենինգրադ, ՌԽՖՍՀ, ԽՍՀՄ), խորհրդային ռազմա-ծովային գործիչ, ճարտարագետ, Կարմրադրոշ Բալթիական նավատորմի գլխավոր ռազմական նավահանգստի Ծովային գործարանի նավաշինական բաժնի պետ, 3-րդ կարգի ճարտարագետ- նավատորմապետ (1936)^[1]։

Կենսագրություն

Կոնստանտին Գոլիցինը ծնվել է ծովային ինժեներական ուսումնարանի բուժակի ընտանիքում։ 1903-1906 թվականներին սովորել է Կրոնշտադտի ռեալական ուսումնարանում, 1906-1910 թվականներին` Սանկտ-Պետերբուրգի 1-ին ռեալական ուսումնարանում։ 1910-1914 թվականներին սովորել է Մոսկվայի ճարտարագիտական ուսումնարանի նավաշինական բաժանմունքում և ստացել գարդեմարին-նավաշինարարի կոչում^[2]։ 1914 թվականի հուլիսի 16-ին Պետրոգրադում ստացել է կորպուսի նավաշինական ճարտարագետի պոդպորուչիկի կոչում։ 1914 թվականի հուլիսի 23-ին ընդգրկվել է 1-ին Բալթիական նավատորմի անձնակազմում։ 1914 թվականի օգոստոսի 3-ին ազատվել է` Ծովակալական նավաշինական գործարանում աշխատելու համար։ Եղել է «Պոլտավա» և «Գանգուտ» գծանավերի, «Բորոդինո» և «Նավարին» գծային հածանավերի շինարարի օգնական, 1917 թվականի ապրիլի 15-ին (այլ տվյալներով 1916 թվականի աշնանը)` «Ավրորա» հածանավի նորոգման աշխատանքների վարիչ^[3]։ 1918 թվականին Ծովակալական գործարանի նավաշինական գրասենյակի ինժեներ։ 1919 թվականին «Նոր Ծովակալություն» գործարանի նավաշինական արտադրամասի վարիչ։ 1921 թվականի հունվարի 1-ից Ծովակալական գործարանի նավաշինական արտադրամասի (1924 թվականից նավաշինական բաժնի) վարիչ և ռազմածովային ուսումնարանի դասախոս (1921 թվականի հոկտեմբերի 18-ից մինչև 1931), 1926 թվականի հուլիսի 20-ից Բալթիկ ծովի (Կ-10) Գլխավոր ռազմական նավահանգստի գլխավոր նավաշինական ինժեներ։ 1929 թվականի հոկտեմբերի 1-ից անցել է գործառույթների իրականացման, 1930 թվականի հունվարի 8-ից` պաշտոնակատար, 1930 թվականի մարտի 19-ից հաստատվել է գլխավոր նավաշինական ինժեների պաշտոնում։ 1935 թվականի մարտի 9-ից եղել է Կարմրադրոշ Բալթիական նավատորմի Գլխավոր ռազմական նավահանգստի նավաշինական բաժամունքի վարիչը^[4]։ 1936 թվականի ապրիլի 11-ից կատարել է նույն բաժնի վարիչի պարտականությունները^[5]։

Հասցե

Կրոնշտադտ, Սովետական փողոց, տուն 39, բնակարան 5։

Պարգևներ

Սուրբ Ստանիսլավի 3-րդ աստիճանի շքանշան (1916)
Ռոմանովների տան 300-ամյա հոբելյանին նվիրված բաց բրոնզագույն մեդալ (1913)
Կարմիր Աստղի շքանշան (1934)

Աստիճաններ

Պոդպորուչիկ ККИ (ВП № 1275, 16.07.1914). 03.08.1914 հաշվառված է կորպուսում (ВП № 1284)
Պորուչիկ ККИ (ВП № 1610, 30.07.1916)

Պատժամիջոցներ

Ազատվել է 1937 թվականին 43-«բ» հոդվածով^[6]։ Ձերբակալվել է 1937 թվականի դեկտեմբերի 18-ին խմբակային գործով։ ՆԳԺԿ Հանձնաժողովի և ԽՍՀՄ Դատախազության 1938 թվականի հունվարի 17-ի որոշմամբ ՌՍՖՍՀ ՔՕ 58-7-10-11 հոդվածներով դատապարտվել է պատժի առավելագույն չափին։ Գնդակահարվել է Լենինգրադում 1938 թվականի հունվարի 25-ին։

Գրականություն

Ленинградский мартиролог: 1937-1938.
Близниченко С. С. К 120-летию со дня рождения инженер-флагмана 3 ранга К.В. Голицына // Военно-исторический архив. 2015. № 6. С. 62—75.

Ծանոթագրություններ

↑ Приказ 01713/п от 31 мая 1936.
↑ Произведён 16 июля 1914.
↑ Приказ Главного морского штаба № 230.
↑ Приказ РВС СССР № 216 от 19 марта 1930.
↑ Приказ по Краснознамённому Балтийскому флоту № 062.
↑ Приказ НКО СССР № 01026 от 17 октября 1937.

Արտաքին հղումներ

[1] Приказ 01713/п от 31 мая 1936.

[2] Произведён 16 июля 1914.

[3] Приказ Главного морского штаба № 230.

[4] Приказ РВС СССР № 216 от 19 марта 1930.

[5] Приказ по Краснознамённому Балтийскому флоту № 062.

[6] Приказ НКО СССР № 01026 от 17 октября 1937.

[1]

[2]

[3]

[4]

[5]

[6]