Կառլոս Նասար
| Կառլոս Նասար | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | ծանրամարտիկ |
| Երկիր՝ |  Բուլղարիա |
| Ծննդյան ամսաթիվ՝ | մայիսի 12, 2004 (20 տարեկան) |
| Ծննդավայր՝ | Փարիզ, Ֆրանսիա[1] |
Կառլոս Նասար (բուլղար․՝ Карлос Насар, մայիսի 12, 2004, Փարիզ, Ֆրանսիա[1]), բուլղարացի մարզիկ, ծանրորդ, 2021 թվականի աշխարհի չեմպիոն, 2023 թվականի Եվրոպայի չեմպիոն և այդ առաջնության լավագույն ծանրորդ[2], 2021 և 2022 թվականների Եվրոպայի առաջնությունների մրցանակակիր, 2019 թվականի աշխարհի երիտասարդների չեմպիոն, 2018 և 2019 թվականների Եվրոպայի երիտասարդների չեմպիոն։
Կենսագրություն
[խմբագրել | խմբագրել կոդը]Կառլոս Նասարը ծնվել է 2004 թվականին։ Մայրը բուլղարուհի է, հայրը՝ լիբանանցի։ Կառլոսը մեծացել է Չերվեն Բրյագում, որտեղ էլ սկսել է զբաղվել ծանրամարտով։
2018 և 2019 թվականներին Եվրոպայի պատանեկան առաջնություններում, նախ մինչև 69 կգ քաշային կարգում, այնուհետև մինչև 81 կգ քաշային կարգում զբաղեցրել Է առաջին տեղը և դարձել Եվրոպայի չեմպիոն։
2019 թվականին Լաս Վեգասում տեղի ունեցած աշխարհի պատանեկան առաջնությունում մինչև 73 կգ քաշային կարգում նա 291 կգ արդյունքով նվաճել է ոսկե մեդալ[3]։
2021 թվականի ապրիլին Մոսկվայում տեղի ունեցած Եվրոպայի առաջնությունում մինչև 81 կգ քաշային կարգում Կառլոսը 369 կգ արդյունքով գրավել է երկրորդ տեղը։ Բուլղարացի մարզիկը պոկում վարժությունում նվաճել է փոքր արծաթե մեդալ, իսկ հրում վարժությունում եղել է առաջինը և սահմանել Եվրոպայի նոր ռեկորդ։
2021 թվականի դեկտեմբերին Տաշքենդում տեղի ունեցած Եվրոպայի առաջնությունում մինչև 81 կգ քաշային Կառլոս Նասարը երկու վարժությունների հանրագումարով 374 կգ քաշային կարգում դարձել է մրցաշարի հաղթող․ պոկում վարժությունում նա փոքր արծաթե մեդալ է նվաճել, իսկ հրում վարժությունում բարձրացրել է 208 կիլոգրամանոց ծանրաձողը և գրանցել աշխարհի ռեկորդ[4]։
2022 թվականին Բոգոտայում տեղի ունեցած աշխարհի առաջնությունում մինչև 89 կգ քաշային կարգում Կառլոսը 220 կգ քաշով համաշխարհային ռեկորդ է սահմանել հրում վարժությունում։ Պոկում վարժությունում բուլղարացի ծանրորդը չի կարողացել գրանցել քաշը և երկու վարժությունների հանրագումարում մնացել է առանց արդյունքի։
2023 թվականին Երևանում տեղի ունեցած Եվրոպայի առաջնությունում բուլղարացի ծանրորդը երկու համաշխարհային ռեկորդ է սահմանել․ մինչև 89 կգ քաշային կարգում 18-ամյա ծանրորդն աչքի է ընկել 395 կգ արդյունքով (174 կգ պոկում և 221 կգ հրում)։ Հրում վարժությունում Նասարը բարելավել է սեփական համաշխարհային ռեկորդը, որը նախկինում կազմում էր 220 կգ։ Ծանրորդը հանրագումարով գերազանցել է իտալացի Անտոնիո Պիցոլատոյի (392 կգ) համաշխարհային ռեկորդը։
Նվաճումներ
[խմբագրել | խմբագրել կոդը]| Արդյունք | Քաշ | Թվական | Մրցաշարի վայր | Պոկում | Հրում | Ընդհանուր քաշ |
 Ոսկի |
մինչև 81 կգ | 2021 | Տաշքենդ, Ուզբեկստան | 166,0 | 208,0 WR | 374,0 |
| Արդյունք | Քաշ | Թվական | Մրցաշարի վայր | Պոկում | Հրում | Ընդհանուր քաշ |
 Արծաթ |
մինչև 81 կգ | 2021 | Մոսկվա, Ռուսաստան | 163,0 | 206,0  Էրիտրեա |
369,0 |
| Արծաթ |
մինչև 86 կգ | 2022 | Տիրանա, Ալբանիա | 171,0 | 211,0 Էրիտրեա |
382,0 |
| Ոսկի |
մինչև 61 կգ | 2023 | Երևան, Հայաստան | 174,0 | 221,0 WR | 395,0 WR |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 https://bnr.bg/varna/post/101656652
- ↑ «Երևանյան ԵԱ-ի լավագույն ծանրորդները». VNews. Վերցված է 2023 թ․ ապրիլի 26-ին.
- ↑ «Болгарский штангист завоевал золотую медаль на Чемпионате мира среди кадетов в США». rus.bg (ռուսերեն). Վերցված է 2021 թ․ ապրիլի 11-ին.
- ↑ «Карлос Насар одержал победу на чемпионате мира по тяжелой атлетике». ironmuscles.org (ռուսերեն). Վերցված է 2021 թ․ դեկտեմբերի 13-ին.