Կանո Տականոբու
Կանո Տականոբու ճապ.՝ 狩野孝信 | |
---|---|
Ծնվել է | դեկտեմբերի 1, 1571 կամ դեկտեմբերի 11, 1571 |
Ծննդավայր | Կիոտո, Ճապոնիա |
Վախճանվել է | հոկտեմբերի 18, 1618 (46 տարեկան) |
Քաղաքացիություն | Ճապոնիա |
Մասնագիտություն | նկարիչ |
Ուսուցիչ | Կանո Էյտոկու |
Հայր | Կանո Էյտոկու |
Զավակներ | Կանո Տանյու, Կանո Նաոնոբու և Կանո Յասունոբու |
Ազգականներ | Sassa Narimasa? |
![]() |
Կանո Տականոբու (ճապ.՝ 狩野 孝信, դեկտեմբերի 1, 1571 կամ դեկտեմբերի 11, 1571, Կիոտո, Ճապոնիա - հոկտեմբերի 18, 1618), Աձուտի-Մոմոյամայի ժամանակաշրջանի ճապոնացի նկարիչ, Կանո գեղարվեստի դպրոցի վարպետ։
Կանո Տականոբուն հռչակավոր նկարիչ Կանո Էյտոկուի որդին էր, նկարիչներ Կանո Տանյուի, Կանո Նաոնոբուի և Կանո Յասունոբուի հայրը։
Կյանք և ստեղծագործություն
[խմբագրել | խմբագրել կոդը]Կանո Տականոբուն ծնվել է 1571 թվականի դեկտեմբերի 1-ին Կիոտոյում[1]։ Նա Կանոյի գեղարվեստի դպրոցի ղեկավար հռչակավոր նկարիչ Կանո Էյտոկուի կրտսեր որդին էր և նկարիչ Կանո Միցունոբուի կրտսեր եղբայրը[2][3]։
Երբ մոտավորապես 1610-1615 թվականներին Կանո Նագանոբուն (1577-1654), Կանո Էյտոկուի ավագ եղբայրը իշխանության եկած սյոգունատ Տոկուգավայի հրամանով տեղափոխվեց Էդո քաղաք, Կանո Տականոբուն դարձավ Կանո դպրոցի Կիոտոյի մասնաճյուղի ղեկավարը։ Այդ ժամանակ Տականոբուն իշխանությունից և հարուստ ազնվականներից բազմաթիվ աշխատանքների պատվերներ էր ստանում։ Կանո Էյտոկուի մահից հետո միայն Նագանոբուն և Տականոբուն բավականաչափ հմտություն և հեղինակություն ունեին, որպեսզի ղեկավարեին դպրոցը և դպրոցի վարպետությունն ու ավանդույթները փոխանցեին աշակերտներին[2]։
Սյոգունատ Տոկուգավայից ստացված ֆինանսական օժանդակության շնորհիվ Տականոբուն 1614 թվականին ստեղծեց զարդանկարներ կայսր Գո-Միձունոոի նոր պալատի համար։ Աշխատանքներում ներառված էին պալատի և հարակից շինությունների բազմաթիվ շարժական վահանակներ[4]։ Կիոտոյի Կայսերական պալատի Սիսին գահադահլիճում գտնվող երեսուներկու չինացի իմաստունների պատկերով քսաներեք վահանակների հեղինակը նույնպես համարվում է Կանո Տականոբուն[5]։ Զարդանկարները կատարվել էին մետաքսի վրա և ամրացվել փայտյա վահանակներին։ Չինացի իմաստունները համարվում էին պալատական զարդանկարների հիմնական ավանդական թեման, քանի որ միապետերին դուր էր գալիս, որ իրենց անձնավորում էին իմաստության և բարոյականության այս տիպարների հետ[5]։ Այս զարդանկարները համարվում են նկարչի ներկայումս պահպանված արվեստի այն սակավաթիվ աշխատանքներից, որոնք գտնվում են պալատի դահլիճում[6]։
1617 թվականին Տականոբուի ավագ որդին, Կանո Տանյուն մեկնեց Էդո քաղաք և դարձավ սյոգունատ Տոկուգավայի առաջին պաշտոնական գեղանկարիչը (գոյո էսի (ճապոներեն))[7][8]։ Տականոբուի մահից հետո Կիոտոյի Կանոյի դպրոցը ղեկավարեց նրա երկրորդ որդին Կանո Նաոնուբոն (1607-1650), բայց 1630 թվականին նա նույնպես տեղափոխվեց Էդո և այնտեղ ստացավ գոյո էսսիի կարգավիճակ[9][8]։ Կիոտոյի դպրոցը սկզբում ղեկավարում էր Կանո Սադանոբուն, այնուհետև Տականոբուի ամենակրտսեր որդին Կանո Յասունոբուն։ Նա նույնպես գնաց Էդո ավագ եղբայրների մոտ, մնալով Կիոտոյի դպրոցի պաշտոնական ղեկավարը[10]։
Գրականություն
[խմբագրել | խմբագրել կոդը]- Gerhart, Karen M. (2003). «Talent, Training, and Power: The Kano Painitng Workshop in the Seventeenth Century». In Brenda G., Jordan; Virginia, Weston (eds.). Copying the Master and Stealing His Secrets. University of Hawai'i Press. էջեր 9–30. ISBN 9780824862008 – via Project MUSE.
{{cite book}}
: Invalid|url-access=yes
(օգնություն) - Lillehoj, Elizabeth (2011). Art and Palace Politics in Early Modern Japan, 1580s–1680s. Brill Publishers. ISBN 90-04-20612-4.
- Yamashita, Yūji (2004). Kanō-ha ketteiban 狩野派決定版. Bessatsu Taiyō (Japanese). Heibonsha. ISBN 978-4-58292131-1. OCLC 64782262.
{{cite book}}
: Cite has empty unknown parameter:|1=
(օգնություն)CS1 սպաս․ չճանաչված լեզու (link) - Yasumura, Toshinobu (2006). Motto Shiritai Kanō-ha: Tan'yū to Edo Kanō-ha もっと知りたい狩野派: 探幽と江戸狩野派. Tokyo Bijutsu. ISBN 978-4-8087-0815-3.
{{cite book}}
: Cite has empty unknown parameter:|1=
(օգնություն)
Պատկերասրահ
[խմբագրել | խմբագրել կոդը]-
«Կայսր Վենի և ձկնորս Լյույ Շանի հանդիպումը», ձախ հատված
-
«Կայսր Վենի և ձկնորս Լյույ Շանի հանդիպումը», աջ հատված
-
«Գո-Յոձեյ կայսրը»
-
Շիկիբու Մուրասակիի դիմանկարը
-
Ռակուտյու ռակուգաի ոճի զարդանկար
Ծանոթագրություններ
[խմբագրել | խմբագրել կոդը]- ↑ Yamashita, 2004, էջ 60
- ↑ 2,0 2,1 Gerhart, 2003, էջ 15
- ↑ Yasumura, 2006, էջ 14
- ↑ Lillehoj, 2011, էջեր 88–89
- ↑ 5,0 5,1 Lillehoj, 2011, էջ 91
- ↑ Lillehoj, 2011, էջ 96
- ↑ «Portrait of Kanô Tan'yû». e-museum: National Treasures and Important Cultural Properties of National Museums, Japan. Արխիվացված է օրիգինալից 2017 թ․ փետրվարի 12-ին. Վերցված է 2017 թ․ փետրվարի 11-ին.
- ↑ 8,0 8,1 Yasumura, 2006, էջ 44
- ↑ Gerhart, 2003, էջեր 15–16
- ↑ Gerhart, 2003, էջ 16
![]() |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կանո Տականոբու կատեգորիայում։ |