Խաղաղ օր պատերազմի վերջում
 ռուս.՝ Спокойный день в конце войны | |
|---|---|
| Երկիր |  ԽՍՀՄ |
| Ժանր | ռազմական ֆիլմ |
| Թվական | 1970 |
| Լեզու | ռուսերեն |
| Ռեժիսոր | Նիկիտա Միխալկով |
| Սցենարի հեղինակ | Ռուստամ Իբրահիմբեկով |
| Դերակատարներ | Սերգեյ Նիկոնենկո, Նատալյա Արինբասարովա, Ալեքսանդր Կայդանովսկի, Յուրի Բոգատիրև, Լև Դուրով, Ալեքսանդր Պորոխովշիկով և Վալենտին Սմիրնիտսկի |
| Երաժշտություն | Էդուարդ Արտեմև |
| Կինոընկերություն | Մոսֆիլմ |
| Տևողություն | 38 րոպե |
«Խաղաղ օր պատերազմի վերջում» (ռուս.՝ «Спокойный день в конце войны»), 1970 թվականի խորհրդային կարճամետրաժ կինոֆիլմ, Նիկիտա Միխալկովի ռեժիսորական աշխատանքը Ռուստամ Իբրահիմբեկովի «Հանգիստ օր» վեպի մոտիվներով[1][2]։
Սյուժե
[խմբագրել | խմբագրել կոդը]1944 թվական։ Ռազմաճակատը տեղափոխվել է դեպի արևմուտք, և Բելառուսի ազատագրված տարածքում պատերազմն ավարտվել է։ Հին եկեղեցում հանգստանում են երկու վիրավոր զինվորներ, որոնցից մեկը Վոլոգդայի մարզի Իրխինո գյուղից միամիտ-երազկոտ, բացսիրտ և ուրախ զինվոր Անդրյուշան է, մյուսը՝ հոգնած, ցինիկ սերժանտը։ Անդրյուշան հայտնաբերում է գողացված նկարներով գերմանացիների թողած արկղերը։ Դրանք նայելու համար նա թույլ չի տալիս նկարները տանել մեքենայով՝ ասելով, որ դրանք չի տա առանց փաստաթղթի։ Մեքենայով գնում է սերժանտը, սակայն տեղ չլինելու պատճառով կազակ աղջիկ Ադալաթը մնում է սպասելու այլ տրանսպորտի։ Անդրյուշան նկարները կախում է պատին և հիանում նրանցով։
Անդրյուշան և Ադալաթը խոսում են, ծիծաղում, լողանում են գետում, և ամեն ինչ սովորական խաղաղ օր է հիշեցնում։ Բայց գետից վերադառնալով՝ նրանք ցախատան մոտ տեսնում են գերմանացի զինվորների խումբ։ Նրանք քիչ են, և տղան հնարավորություն ունի հաղթել թշնամիներին։ Նա ամեն ինչ հաշվարկում է և գործում հանգիստ՝ մեկ առ մեկ սպանելով թշնամիներին։ Արդյունքում կենդանի է մնում միայն մեկ գերմանացի զինվոր, որն այրում է ցախատունը նկարների հետ։ Փրկելով նկարները կրակից՝ Անդրեյը զոհվում է։ Ադալաթը կրակում է փախչող գերմանացի զինվորի վրա, բայց վրիպում է, և նա փախչում է։ Ադալաթը դասավորում է նկարները և գիշերը խփում է եկեղեցու զանգը, որպեսզի գրավի անցնող մեքենայի ուշադրությունը։
Դերերում
[խմբագրել | խմբագրել կոդը]- Սերգեյ Նիկոնենկո – Անդրեյ
- Նատալյա Արինբասարովա – Ադալաթ
- Ալեքսանդր Կայդանովսկի – Կոլյա, վիրավոր սերժանտ
- Իրինա Դյոմինա – փորձագետ արվեստաբան
- Յուրի Բոգատիրյով – գերմանացի
- Լև Դուրով – գերմանացի
- Ալեքսանդր Պորոխովշչիկով – գերմանացի
- Վալենտին Սմիրնիտսկի – գերմանացի
- Ալեքսանդր Յուդին – գերմանացի
Ծանոթագրություններ
[խմբագրել | խմբագրել կոդը]- ↑ «Հանգիստ օր պատերազմի վերջում» ֆիլմը kino-teatr.ru կայքում
- ↑ «Հանգիստ օր պատերազմի վերջում» ֆիլմը kinopoisk.ru կայքում
|
