Լուկա Կացելի
| Լուկա Կացելի հուն․՝ Λούκα Κατσέλη | |
| |
| Կուսակցություն՝ | Համահունական սոցիալիստական շարժում և Social Agreement? |
|---|---|
| Կրթություն՝ | Սմիթ Քոլեջ (1972), Փրինսթոնի համալսարան (1978) և Վուդրո Վիլսոնի անվան հասարակական և միջազգային հարաբերությունների դպրոց |
| Մասնագիտություն՝ | քաղաքական գործիչ, տնտեսագետ, ձեռնարկատեր և համալսարանի դասախոս |
| Ծննդյան օր | ապրիլի 20, 1952[1] (72 տարեկան) |
| Ծննդավայր | Աթենք, Հունաստան |
| Քաղաքացիություն |  Հունաստան
|
| Ի ծնե անուն | հուն․՝ Λουκία Κατσέλη |
| Հայր | Պելոս Կացելի |
| Մայր | Ալեկա Կացելի |
| Ամուսին | Գերասիմ Արսենիս |
Լուկա Կացելի (հուն․՝ Λούκα Κατσέλη, ապրիլի 20, 1952[1], Աթենք, Հունաստան), հույն քաղաքական գործիչ, որը 2011 թվականի հունիսի 17-ից զբաղեցնում է Հունաստանի աշխատանքի նախարարի պաշտոնը։
Կենսագրություն
[խմբագրել | խմբագրել կոդը]Լուկայի ծնողները` Պելոս և Ալեկա Կացելիները, արվեստի գործիչներ են։ 1972 թվականին գերազանցության դիպլոմով ավարտել է Սմիթ քոլեջը։ Մագիստրոսական երկու աստիճան է ստացել Փրինսթոնի համալսարանում՝ մասնագիտանալով տնտեսական քաղաքականության և միջազգային ֆինանսական գործունեության ոլորտներում։ 1978 թվականին դոկտորական աստիճան է ստացել Փրինսթոնում։
1977—1985 թվականներին աշխատել է որպես ասիստենտ, այնուհետև պրոֆեսոր Եյլի համալսարանում, որտեղ 1980 թվականին դարձել է լավագույն երիտասարդ դասախոս և ստացել Մարշալի ֆոնդի կրթաթոշակ (1982—1984): Հրավիրյալ դասախոս է եղել Լոնդոնի Birbeck և Աթենքի էկոնոմիկայի և բիզնեսի համալսարաններում։ 1987 թվականից դասավանդում է Աթենքի համալսարանում, որտեղ 1997- 2001 թվականներին զբաղեցրել է ռեկտորի պաշտոնը։
Մակրոտնտեսական միջազգային քաղաքականության վերաբերյալ շուրջ 40 աշխատությունների հեղինակ է։ Ամուսնացած է Գերասիմ Արսենիսի հետ։ Ունի երկու երեխա՝ որդին Դիմիտրիսը և դուստրը՝ Ամալյան։
Քաղաքական կարիերա
[խմբագրել | խմբագրել կոդը]Քաղաքական գործունեությունը սկսել է դեռևս 1976 թվականին։ 2009 թվականի հոկտեմբերի 4-ին նշանակվել է Հունաստանի Զարգացման, մրցակցության և ջրային տրանսպորտի հարցերով նախարար։ 2010 թվականի սեպտեմբերի 7-ին Յորգոս Պապանդրեուն մասշտաբային փոփոխություններ է իրականացրել երկրի կառավարությունում[2]։ Արդյունքում Լուկա Կացելին նշանակվել է աշխատանքի հարցերով նախարար[3]։
2012 թվականի մարտի 14-ին Հարիս Կաստանիդիսի հետ միասին ստեղծել է «Հանրային համաձայնություն» կուսակցությունը[4]։
Ծանոթագրություններ
[խմբագրել | խմբագրել կոդը]- ↑ 1,0 1,1 Deutsche Nationalbibliothek Record #170015017 // Gemeinsame Normdatei (գերմ.) — 2012—2016.
- ↑ «В правительстве Греции произошли масштабные перестановки». Արխիվացված է օրիգինալից 2010 թ․ սեպտեմբերի 14-ին. Վերցված է 2017 թ․ ապրիլի 10-ին.
- ↑ «Георгиос Папандреу изменил состав своего правительства — ana-mpa». Արխիվացված է օրիգինալից 2012 թ․ մարտի 11-ին. Վերցված է 2017 թ․ ապրիլի 10-ին.
- ↑ «Former PASOK ministers launch new party», Ekathimerini, 2012 թ․ մարտի 14
 | Վիքիպահեստն ունի նյութեր, որոնք վերաբերում են «Լուկա Կացելի» հոդվածին։ |
