Լորկայի ամրոց
 իսպ.՝ Castillo de Lorca | |
|---|---|
 Նկարագրություն | |
| Տեսակ | դղյակ և պատմական խումբ |
| Վարչական միավոր | Լորկա[1] |
| Երկիր |  Իսպանիա[1] |
 | |
 | |
 Castle of Lorca Վիքիպահեստում | |
Լորկայի ամրոց (իսպ.՝ Castillo de Lorca), միջնադարյան պաշտպանական կառույց Իսպանիայի Մուրսիա պրովինցիայի Լորկա քաղաքում։ Այն ունի 640x120 քառ. մետր չափեր և ամենամեծ ամրոցներից մեկն է Մուրսիա պրովինցիայում։ 1964 թվականի մարտի 5-ին հայտարարվել է Իսպանիայի պատմամշակութային հուշարձան և ստացել է RI-53-0000044 գրանցման համարը։
Պատմություն
[խմբագրել | խմբագրել կոդը]Հնագիտական ուսումնասիրությունները ցույց են տվել, որ ամրոցի ներկայիս տարածքը բնակեցված է եղել նոր քարի դարից։ 1999-2011 թվականներին պեղումներ են անցկացվել ամրոցում ու նրան հարող տարածքներում։ Դրանց արդյունքում պարզվել է, որ այդ տարածքում քաղաք է գոյություն ունեցել բրոնզի դարում։ Պեղումների արդյունքում այդտեղ հայտնաբերվել են գերեզմանոցներ, տներ ու պատեր։
Ամրոցի հիմնադրման ստույգ ժամանակը հայտնի չէ։ Այն կառուցվել է 9-15-րդ դարերում։ Ռեկոնկիստայի ընթացքում այն ռազմավարական կարևոր նշանակություն է ունեցել Պիրենեյան թերակղզու հարավ-արևելքում։ Երկար ժամանակ ամրոցը համարվել է անմատչելի, սակայն 1244 թվականին այն գրավել են Դոն Ալֆոնսոյի զորքերը, ով մի քանի տարի անց դարձել է Կաստիլիայի թագավոր Ալֆոնսո X: Վերջինիս օրոք ամրոցը վերակառուցվել է. կառուցվել են Ալֆոնսինա և Էսպոլոն կոչվող աշտարակները, ամրացվել են պատերը։ Արդյունքում մուսուլմանների կողմից կառուցված պալատից պահպանվել են միայն հիմքերն ու muro del Espaldón կոչվող պատերը։ Հետագա երկուսուկես դարերի ընթացքում ամրոցը՝ որպես պաշտպանական կառույց, ծառայել է քրիստանյաներին և եղել դիտակետ Գրանադայի ամիրայության հետ սահմանի վրա։
Հետագայում ամրոցը զբաղեցրել են հրեաները։ 1492 թվականին Գրանադայի գրավումից և սահմանի վերացումից հետո Լորկայի ամրոցը կորցրել է իր ռազմավարական նշանակությունը։ Ֆերդինանդի ու Իզաբելայի՝ հրեաների վտարելու հրամանից հետո ամրոցը դատարկվել է։ 18-րդ դարում այն մնացել է լքված, սակայն 19-րդ դարում՝ Իսպանիայի անկախության պատերազմի ժամանակ, վերակառուցվել է, ինչի արդյունքում կորցրել է իր միջնադարյան տեսքը։
1931 թվականի հունիսի 4-ին Լորկայի ամրոց հայտարարվել է Իսպանիայի ազգային հուշարձան, ինչպես նաև ընդգրկվել է մշակութային հետաքրքրություն ներկայացնող վայրերի ցանկում[2]։ Զբոսաշրջիկների համար ամրոցի տարածքում տեղի են ունենում միջնադարյան թեմատիկայով բեմադրություններ։
Ամրոցի պատերը զգալի վնասվել են 2011 թվականին տեղի ունեցած երկրաշարժի հետևանքով[3][4]։
Ծանոթագրություններ
[խմբագրել | խմբագրել կոդը]- ↑ 1,0 1,1 Wiki Loves Monuments monuments database — 2017.
- ↑ «Sobre el castillo de Lorca y el parador de turismo». Արխիվացված է օրիգինալից 2008 թ․ սեպտեմբերի 15-ին. Վերցված է 2021 թ․ հունվարի 27-ին.
- ↑ M. Carmen Cruz. «Minuto a minuto: El funeral por las víctimas será esta tarde en el recinto de Santa Quiteria». RTVE.es. Վերցված է 2012 թ․ օգոստոսի 3-ին.
- ↑ El terremoto de Lorca causa la «mayor catástrofe» patrimonial en Europa en los últimos años
Գրականություն
[խմբագրել | խմբագրել կոդը]- Rosalía Sala Vallejo, Lorca y su historia (R. Sala Vallejo, 1998), ISBN 84-923615-0-6.
- VV.AA, Castillos de España (Everest, 1997), ISBN 84-241-3816-3.
Արտաքին հղումներ
[խմբագրել | խմբագրել կոդը]- Ayuntamiento de Lorca (Իսպաներեն)
- Lorca Taller del Tiempo Արխիվացված 2005-09-01 Wayback Machine (Իսպաներեն)
- Ley 16/1985, de 25 de junio, de Patrimonio Histórico Español Արխիվացված 2009-10-05 Wayback Machine (Իսպաներեն)
- Sobre el Castillo y el Parador (Իսպաներեն)
 | Վիքիպահեստն ունի նյութեր, որոնք վերաբերում են «Լորկայի ամրոց» հոդվածին։ |
