Լորկայի ամրոց

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Լորկայի ամրոց
իսպ.՝ Castillo de Lorca
Castillo de Lorca1.jpg
Տեսակդղյակ և Conjunto histórico[1]
Վարչական միավորԼորկա[1]
ԵրկիրFlag of Spain.svg Իսպանիա[1]
Կոորդինատներ: 37°40′39.000000100007″ հս․ լ. 1°42′20.9999881″ ամ. ե. / 37.67750000002777711° հս․. լ. 1.705833330028° ավ. ե. / 37.67750000002777711; 1.705833330028
Castle of Lorca Վիքիպահեստում

Լորկայի ամրոց (իսպ.՝ Castillo de Lorca), միջնադարյան պաշտպանական կառույց Իսպանիայի Մուրսիա պրովինցիայի Լորկա քաղաքում: Այն ունի 640x120 քառ. մետր չափեր և ամենամեծ ամրոցներից մեկն է Մուրսիա պրովինցիայում: 1964 թվականի մարտի 5-ին հայտարարվել է Իսպանիայի պատմամշակութային հուշարձան և ստացել է RI-53-0000044 գրանցման համարը:

Պատմություն[խմբագրել | խմբագրել կոդը]

Հնագիտական ուսումնասիրությունները ցույց են տվել, որ ամրոցի ներկայիս տարածքը բնակեցված է եղել նոր քարի դարից: 1999-2011 թվականներին պեղումներ են անցկացվել ամրոցում ու նրան հարող տարածքներում: Դրանց արդյունքում պարզվել է, որ այդ տարածքում քաղաք է գոյություն ունեցել բրոնզի դարում: Պեղումների արդյունքում այդտեղ հայտնաբերվել են գերեզմանոցներ, տներ ու պատեր:

Ամրոցի հիմնադրման ստույգ ժամանակը հայտնի չէ: Այն կառուցվել է 9-15-րդ դարերում: Ռեկոնկիստայի ընթացքում այն ռազմավարական կարևոր նշանակություն է ունեցել Պիրենեյան թերակղզու հարավ-արևելքում: Երկար ժամանակ ամրոցը համարվել է անմատչելի, սակայն 1244 թվականին այն գրավել են Դոն Ալֆոնսոյի զորքերը, ով մի քանի տարի անց դարձել է Կաստիլիայի թագավոր Ալֆոնսո X: Վերջինիս օրոք ամրոցը վերակառուցվել է. կառուցվել են Ալֆոնսինա և Էսպոլոն կոչվող աշտարակները, ամրացվել են պատերը: Արդյունքում մուսուլմանների կողմից կառուցված պալատից պահպանվել են միայն հիմքերն ու muro del Espaldón կոչվող պատերը: Հետագա երկուսուկես դարերի ընթացքում ամրոցը՝ որպես պաշտպանական կառույց, ծառայել է քրիստանյաներին և եղել դիտակետ Գրանադայի ամիրայության հետ սահմանի վրա:

Vista del castillo de Lorca.jpg

Հետագայում ամրոցը զբաղեցրել են հրեաները: 1492 թվականին Գրանադայի գրավումից և սահմանի վերացումից հետո Լորկայի ամրոցը կորցրել է իր ռազմավարական նշանակությունը: Ֆերդինանդի ու Իզաբելայի՝ հրեաների վտարելու հրամանից հետո ամրոցը դատարկվել է: 18-րդ դարում այն մնացել է լքված, սակայն 19-րդ դարում՝ Իսպանիայի անկախության պատերազմի ժամանակ, վերակառուցվել է, ինչի արդյունքում կորցրել է իր միջնադարյան տեսքը:

1931 թվականի հունիսի 4-ին Լորկայի ամրոց հայտարարվել է Իսպանիայի ազգային հուշարձան, ինչպես նաև ընդգրկվել է մշակութային հետաքրքրություն ներկայացնող վայրերի ցանկում[2]: Զբոսաշրջիկների համար ամրոցի տարածքում տեղի են ունենում միջնադարյան թեմատիկայով բեմադրություններ:

Ամրոցի պատերը զգալի վնասվել են 2011 թվականին տեղի ունեցած երկրաշարժի հետևանքով[3][4]:

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]