Լենա Ստամբոլցյան
 | |
|---|---|
| Ծնվել է | սեպտեմբերի 13, 1926 |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | 2011 |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1950) |
| Մասնագիտություն | բժիշկ |
| Գիտական աստիճան | բժշկական գիտությունների դոկտոր (1973) և պրոֆեսոր (1979) |
| Աշխատավայր | Երևանի Մխիթար Հերացու անվան Պետական Բժշկական Համալսարան և Երևանի Մխիթար Հերացու անվան Պետական Բժշկական Համալսարան |
Լենա (Ելենա) Պարույրի Ստամբոլցյան (սեպտեմբերի 13, 1926, Երևան, Հայկական ԽՍՀ, ԱԽՖՍՀ, ԽՍՀՄ - 2011), հայ ֆթիզիատոր։ Բժշկական գիտությունների դոկտոր (1973), պրոֆեսոր (1979)։
Կենսագրություն
[խմբագրել | խմբագրել կոդը]Լենա Ստամբոլցյանը ծնվել է Երևանում։ 1950 թվականին ավարտել է Երևանի բժշկական ինստիտուտը։ 1964-1978 թվականներին աշխատել է Երևանի բժշկական ինստիտուտում, 1966-1969 թվականներին՝ Ալժիրում, 1978-1992 թվականներին՝ Երևանի բժիշկների կատարելագործման ինստիտուտի տուբերկուլոզի ամբիոնում, 1992 թվականից եղել է Հայկական բժշկական ինստիտուտի ֆթիզիատրիայի դասընթացների վարիչ։ 1972-1980 թվականներին եղել է ՀԽՍՀ առողջապահության նախարարության գլխավոր ֆթիզիատոր, 1985-2000 թվականներին՝ գլխավոր մասնագետ՝ մանկական տուբերկուլոզի գծով[1]։ 1997-2011 թվականներին ղեկավարել է Հայկական բժշկական ինստիտուտի ֆտիզիատրիայի ամբիոնը[2]։
Աշխատանքները վերաբերում են տուբերկուլոզի հակահամաճարակաբանության, կլինիկայի, բուժման հարցերին[3]։ Ունի 108 տպագրված աշխատություն, 2 դասագիրք, որից մեկը` հայերենով, տուբերկուլյոզի բուժման համար ռացիոնալիզատորական առաջարկություն և 4 մեթոդական մշակումներ։ Եղել է 3 թեկնածուական թեզերի ղեկավար։ Կյանքի վերջին տարիներին զբաղվել է տուբերկուլյոզի համաճարակաբանությամբ, կլինիկայի և բուժման հարցերով[2]։
Մահ
[խմբագրել | խմբագրել կոդը]Մահացել է 2011 թվականին։ Թաղված է Նուբարաշենի գերեզմանատանը[4]։
Երկեր
[խմբագրել | խմբագրել կոդը]- Տուբերկուլոզի պրոֆիլակտիկան, Լենա Ստամբոլցյան, ՀԽՍՀ Առողջապահության նախարարության հանրապետական սանլուստուն, Երևան, 1979։
- Ֆթիզիատրիա։ Բժշկական ձեռնարկ, Ե.Պ. Ստամբոլցյան, խմբագիր` Մ. Հովնանյան, Հայկական բժշկական ինստիտուտ, Երևան, 2001։
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ 2,0 2,1 «Մեր երախտավորները | ՀԱՅԿԱԿԱՆ ԲԺՇԿԱԿԱՆ ԻՆՍՏԻՏՈՒՏ». Վերցված է 2019 թ․ մարտի 1-ին.
- ↑ ՀՀ Գիտությունների ազգային ակադեմիայի հիմնարար գիտական գրադարան
- ↑ «The memorial of Stamboltsyan Lena (Լենա Ստամբոլցյան Պարույրի) buried at Yerevan's Nubarashen cemetery». hush.am. Վերցված է 2016 թ․ դեկտեմբերի 24-ին.