Ինդորհոկեյ
| Ինդորհոկեյ | |
|---|---|
 | |
| Տեսակ | floorball? և հոկեյ |
 Indoor hockey Վիքիպահեստում | |
Ինդորհոկեյ (ինդոր-հոկեյ, անգլ.՝ indoor hockey от indoor՝ «ներսում» + hockey՝ «հոկեյ»), թիմային մարզաձևերից մեկը՝ մականախաղի տեսակ։ Ի տարբերություն ավանդական մականախաղի, այն ներառված չէ օլիմպիական ծրագրում[1]։
Կանոններ
[խմբագրել | խմբագրել կոդը]Հանդիպումներն անցկացվում են փակ դահլիճներում: Բացի այդ, ինդորհոկեյն ունի ավելի փոքր խաղահրապարակ՝ սովորաբար 20 x 40 մետր[2], որը համապատասխանում է հանդբոլի խաղահրապարակին, իսկ մրցակիցների թիվը յուրաքանչյուր թիմում վեցն է (հինգ դաշտային խաղացող և մեկ դարպասապահ), մինչդեռ մականախաղում այդ թիվը տասնմեկ է:
Խաղը տևում է երկու խաղակես՝ յուրաքանչյուրը քսան րոպե (ինչպես մինի ֆուտբոլում): Դարպասն ունի երկու մետր բարձրություն, երեք մետր լայնություն և առնվազն մեկ մետր խորություն (ինչպես հանդբոլում): Մականներն ու գնդակները նման են մականախաղի ժամանակ օգտագործվողներին, բայց, որպես կանոն, ավելի թեթև են: Խաղացողներին արգելվում է հարվածել գնդակին, այն կարելի է միայն առաջ տանել կամ շեղել, նաև չի կարելի գնդակը հատակից օդ բարձրացնել:
Խաղալու առանձնահատկություններ
[խմբագրել | խմբագրել կոդը]Սովորական մականախաղի համեմատ, ինդորհոկեյի մարզիկները տարբերվում են ավելի բարձր արագությամբ և ուժով (ներառյալ դիմացկունությունը), ավելի առաջադեմ տեխնիկական հմտություններով և հնարքներով, ինչպես նաև շատ ավելի արագ որոշումներ կայացնելու ունակությամբ: Մարզիչները պնդում են, որ մարզումների ժամանակ ձեռք է բերվում առավելագույն էֆեկտ՝ մարմնի համակարգերի հատուկ տեղաշարժերի շնորհիվ, որոնք գրեթե երբեք չեն լինում մականախաղի մարզումների ժամանակ[3]։
Պատմություն
[խմբագրել | խմբագրել կոդը]Ինդորհոկեյը ծագել է Գերմանիայում՝ նպատակ ունենալով բարելավել մականախաղի թիմերի մարզումների հնարավորությունները, որոնք չափազանց խնդրահարույց էին ձմռանը։ 1972 թվականին տեղի ունեցավ ակումբների միջև ինդորհոկեյի առաջին մրցաշարը, իսկ 1974 թվականին Եվրոպայի մականախաղի ֆեդերացիան անցկացրեց ազգային թիմերի առաջին մրցաշարը[3]։ 2003 թվականին Լայպցիգում անցկացվեց ինդորհոկեյի աշխարհի գավաթի առաջին խաղարկությունը. կանանց և տղամարդկանց թիմերի միջև մրցաշարերում հաղթողը Գերմանիայի հավաքականն էր։
Ծանոթագրություններ
[խմբագրել | խմբագրել կոդը]- ↑ Народная газета(չաշխատող հղում)
- ↑ Вместо хоккея на траве — индорхоккей
- ↑ 3,0 3,1 Почему хоккей на траве в России тормозит? Արխիվացված 2019-08-26 Wayback Machine (անգլ.)