Էստոնիայի ժամանակակից արվեստի թանգարան

Արտաքին պատկերներ
	Ղեկավար անձնակազմը
	Թանգարանի պատկերանիշը

Էստոնիայի ժամանակակից արվեստի թանգարան
Տեսակ	թանգարան
Երկիր	Էստոնիա
Ղեկավարության նստավայր	Տալլին, Էստոնիա
Հիմնադրվել է	2006
Կայք	ekkm.ee

Էստոնիայի ժամանակակից արվեստի թանգարան (էստ․՝ Eesti Kaasaegse Kunsti Muuseum, համառոտ՝ EKKM), թանգարան Էստոնիայի մայրաքաղաք Տալլինում, որը նվիրված է ժամանակակից արվեստին։

Էստոնիայի մշակութային կյանքի կենտրոններից մեկն է, որը հարստացնում է նրա գեղարվեստական բաղադրիչը` համագործակցելով այլ թանգարանների, պատկերասրահների և ցուցահանդեսների հետ։

Պատմություն և գործունեություն

Թանգարանը հիմնադրվել է 2006 թվականին՝ Անդերս Հորմի, Էլին Քարդի, Նեեմե Քյուլմի և Մարկո Լայմրեի կողմից։ 2016 թվականից թանգարանի պատասխանատուներն են Մարտեն Էսկոն և Յոհաննես Սյարեն, որոնք այնտեղ աշխատում են 2011 թվականից^[1]^[2]։

Թանգարանը ստեղծվել է Տալլինի ջերմաէլեկտրակենտրոնի լքված օժանդակ շենքում՝ Kultuurikatel մշակութային կենտրոնի և «Գորհոլ» մարզամշակութային համալիրի հարևանությամբ^[1]։

Թանգարանը ցուցահանդեսներ է անցկացնում և արվեստի գործեր հավաքում 2007 թվականից, 2010 թվականից՝ ապրիլ-դեկտեմբեր ամիսներին, անցկացնում է մշտական ցուցահանդեսային շրջանը։ 2011 թվականին թանգարանը սահմանել է ժամանակակից արվեստի սեփական մրցանակը` Köler Prize-ը^[3], որն ուղեկցվում է հավակնորդների ցուցահանդեսով^[2]։

2013 թվականին Valge Kuup ցուցահանդեսային ընկերության գրասենյակի հետ համատեղ թանգարանում բացվել է «Լուգեմիկ» գրախանութը, որտեղ կա նաև սրճարան։ Հետագայում ստեղծվել է ISFAG ուսանողական պատկերասրահը^[2]։

Էստոնիայի ժամանակակից արվեստի թանգարանին աջակցում են Էստոնիայի մշակույթի նախարարությունը, Էստոնիայի մշակութային հիմնադրամը և Արվեստի նախաձեռնություննեիր հիմնադրամը^[1]։

Թանգարանի ընդհանուր օպերացիոն բյուջեն մոտ 175 հազար եվրո է, որը կազմվում է 12-15 առանձին դրամաշնորհներից^[1]։

Ծանոթագրություններ

↑ ^1,0 ^1,1 ^1,2 ^1,3 «I is for Institute — ICA Philadelphia | Conversation with Marten Esko, Contemporary Art Museum of Estonia (EKKM)». iisforinstitute.icaphila.org. Վերցված է 2021 թ․ մայիսի 7-ին.
↑ ^2,0 ^2,1 ^2,2 «» Contemporary Art Museum of Estonia (EKKM)». Contemporary Art Museum of Estonia (EKKM) (ամերիկյան անգլերեն). Վերցված է 2021 թ․ մայիսի 7-ին.
↑ About the Köler Prize, generally

Արտաքին հղումներ

Վիքիպահեստն ունի նյութեր, որոնք վերաբերում են «Էստոնիայի ժամանակակից արվեստի թանգարան» հոդվածին։

[:0-1] 1,0 ^1,1 ^1,2 ^1,3 «I is for Institute — ICA Philadelphia | Conversation with Marten Esko, Contemporary Art Museum of Estonia (EKKM)». iisforinstitute.icaphila.org. Վերցված է 2021 թ․ մայիսի 7-ին.

[:1-2] 2,0 ^2,1 ^2,2 «» Contemporary Art Museum of Estonia (EKKM)». Contemporary Art Museum of Estonia (EKKM) (ամերիկյան անգլերեն). Վերցված է 2021 թ․ մայիսի 7-ին.

[3] About the Köler Prize, generally

[1]

[2]

[3]