Էթերի Թումանյան

Վիքիպեդիայում կան հոդվածներ Թումանյան ազգանունով այլ մարդկանց մասին։

Էթերի Թումանյան
Ծնվել է	հոկտեմբերի 30, 1923(1923-10-30) (100 տարեկան) Գանձակ, Ադրբեջանական ԽՍՀ, ԱԽՖՍՀ, ԽՍՀՄ
Քաղաքացիություն	ԽՍՀՄ և  Ռուսաստան
Ազգություն	հայ
Մասնագիտություն	լեզվաբան
Հաստատություն(ներ)	ՌԱԱ Ռուսաց լեզվի ինստիտուտ
Ալմա մատեր	Վ․ Բրյուսովի անվան պետական համալսարան (1947)
Կոչում	պրոֆեսոր
Գիտական աստիճան	բանասիրական գիտությունների դոկտոր (1972)
Տիրապետում է լեզուներին	ռուսերեն

էթերի Գրիգորի Թումանյան (հոկտեմբերի 30, 1923(1923-10-30), Գանձակ, Ադրբեջանական ԽՍՀ, ԱԽՖՍՀ, ԽՍՀՄ), հայ խորհրդային լեզվաբան։ Բանասիրական գիտությունների դոկտոր (1972)։

Կենսագրություն

Էթերի Թումանյանը ծնվել է 1923 թվականին Խորհրդային Ադրբեջանի Գանձակ քաղաքում։ 1947 թվականին ավարտել է Երևանի ռուսաց և օտար լեզուների ինստիտուտը։ 1954 թվականից ավագ գիտաշխատող ԽՍՀՄ ԳԱ լեզվաբանության ինստիտուտում։ Իր աշխատություններում հետազոտել է հայերենի հոլովաձևերի զարգացումը, հոդերի յուրահատկությունները, դասական հայերենի քերականությունը և ծագումնաբանական հարցեր («Հայերենի հնդեվրոպական անունների կառուցվածքը», 1978)։ Էթերին հին և ժամանակակից գրական հայերենի քերականական կառուցվածքի հարցերը քննել է համաժամանակյա և միաժամանակյա ուսումնասիրությամբ՝ ընդհանուր, համեմատական և սոցիոլոգիական լեզվաբանության տեսանկյունից։

Երկեր

• Ակնարկներ ժամանակակից գրական հայերենի հոլովական ձևերի զարգացման պատմության, 1962։
• Հոդերը ժամանակակից հայերենում, 1963։
• Հին հայերեն, 1971։
• Հնդեվրոպական անունների կառուցվածքը հայերենում, 1978։
• Լեզուն որպես հանրալեզվաբանական համակարգերի համակարգ, 1985։

Ծանոթագրություններ

Վիքիդարանն ունի նյութեր, որոնք վերաբերում են «Էթերի Թումանյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 233)։