Էդվարդ դե Բոնո
Էդվարդ դե Բոնո անգլ.՝ Edward de Bono | |
|---|---|
 | |
| Ծնվել է | Մայիսի 19, 1933 |
| Ծննդավայր | Մալթա, Մեծ Բրիտանիայի թագավորություն |
| Վախճանվել է | հունիսի 9, 2021[1] (88 տարեկան) |
| Վախճանի վայր | Մալթա |
| Մասնագիտություն | գրող, հոգեբան |
| Քաղաքացիություն | .svg){kind=small} Միացյալ Թագավորություն |
| Կրթություն | Օքսֆորդ |
| Գիտական աստիճան | փիլիսոփայության դոկտոր |
| Աշխատավայր | Քեմբրիջի համալսարան և Պրետորիայի համալսարան |
| Պարգևներ | |
| Կայք | edwarddebono.com |
 Edward de Bono Վիքիպահեստում | |
Էդվարդ դե Բոնո (անգլ.՝ Edward de Bono, մայիսի 19, 1933[3], Մալթա, Մեծ Բրիտանիայի թագավորություն - հունիսի 9, 2021[1], Մալթա), բրիտանացի հոգեբան, փորձագետ ստեղծագործ մտածելակերպի ոլորտում։
Կենսագրություն[խմբագրել | խմբագրել կոդը]
Էդվարդ Չարլզ Ֆրենսիս Պուբլիուս դե Բոնոն ծնվել է մայիսի 19-ին 1933 թվականին Մալթայում։ Ավարտել է Սբ. Մարտինի քոլեջը Մալթայում։ Հետագայում ստանում է բժշկագիտության դոկտորի աստիճան Մալթայի համալսարանում, իսկ հետագայում որպես Ռոդսի կրթաթոշակ ստացող սովորել է Օքսֆորդում, Քրայթ-Չերչ քոլեջում, որտեղ ստանում է մագիստրոսի կոչում հոգեբանությունից։ Դե Բոնոն նույնպես ստանում է բժշկագիտության դոկտորի աստիճան Թրինթի քոլեջում Քեմբրիջում, ինչպես նաև իրավագիտության դոկտորի աստիճան Դանդիի համալսարանում։ Էդուարդ դե Բոնոն աշխարհին հայտնի է ինչպես գործնական մտածելակերպի հմտությունների զարգացման առաջատար մասնագետ։ Նա գիտության մեջ ներքաշել է «Լաթերալ մտածելակերպ» հասկացությունը, որը հետագայում ներառվել է Օքսվորդի ժամանակակից անգլերենի բառարանում։ Դե Բոնոն մշակել է գիտական մեթոդների համակարգ, որը մարդու մեջ զարգացնում է ստեղծագործող մտածելակերպի հմտությունները, ինչպես նա ասում էր՝ «հավասարակշռված մտածելակերպ»[4]։
Դե Բոնոն քառասունհինգ գրքի հեղինակ է, որոնք թարգմանվել են քսանյոթ լեզուներով, նկարահանված են երկու գիտական ֆիլմեր։ Գիտնականը կարդացել է դասախոսություններ աշխարհի քառասունհինգ երկրներում և հանդես էր գալիս միջազգային խոշորագույն գիտաժողովներում, իսկ 1989 թվականին նրան առաջարկվել է Նոբելյան մրցանակի հավակնորդների հանձնաժողովի նախագահի պաշտոնը։ Հավասարակշռված մտածելակերպի մշակման մեթոդիկային են դիմել առաջատար արդյունաբերական կազմակերպությունները, ինչպիսիք են IBM, NTT (Ճապոնիա), Du Pont, Eriksson, Ford և ալյն։ Ներկայիս պահին Էդվարդ դե Բոնոն հատուկ կրթական ծրագրի ղեկավար է, որը կյանքի է կոչում երեխաների ստեղծագործ մտածելակերպի զարգացման ծրագիրը հանրակրթական դպրոցներում[4]։
Լաթերալ մտածելակերպ[խմբագրել | խմբագրել կոդը]
Բրիտանացի գիտնական Էդվարդ դե Բոնոն բազմաթիվ մեթոդներ է առաջարկել ստեղծագործելու և մտածելակերպի մասին։ Նա համարվում է «լաթերալ մտածելակերպ» տերմինի հիմնադիրը, որը էապես տարբերվում է ուղղահայաց մտածելակերպից նրանով, որ հարցականի տակ է դնում սկզբնական պայմանները։ Լաթերալ մտածելակերպի օրինակներից մեկը համարվում է վեց գլխարկների մեթոդը (սպիտակը մարմնավորում է անալիտիկ մտածելակերպը, սևը՝ քննադատական, դեղինը՝ լավատեսական, կանաչը՝ ստեղծագործող մտածելակերպը, իսկ կապույտը՝ հեռանկարային մտածելակերպը)։ Փոխաբերական իմաստով հագնելով գլխարկներից որևէ մեկը` մարդը կարող է նայել խնդրին մի քանի տեսանկյունից[5]։
Երկեր[խմբագրել | խմբագրել կոդը]
- Էդվարդ դե Բոնո «Մտածողության վեց գլխարկներ»
- «Ոչ ստանդարտ մտածելակերպ»
- «Ջրային տրամաբանություն» WATER LOGIC
- «Լաթերալ մտածելակերպ»
- «Սովորեցրեք ձեր երեխային մտածել»
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Father of lateral thinking, Edward de Bono, has died
- ↑ Rhodes Scholar Database
- ↑ Internet Speculative Fiction Database — 1995.
- ↑ 4,0 4,1 Էդվարդ դե Բոնո, Մտածողության վեց գլխարկներ, Սանկտ-Պետերբուրգ, 1997, էջ 10
- ↑ Էդվարդ դե Բոնո, Լաթերալ մտածելակերպ