Փոխաբերական իմաստ

Վիքիպեդիայից՝ ազատ հանրագիտարանից
Jump to navigation Jump to search

Փոխաբերական իմաստ, բառի փոխաբերական կիրառությամբ արտահայտված իմաստը։ Հաղորդակցման ժամանակ բառերը կիրառվում են ոչ միայն ուղղակիորեն, այլև՝ փոխաբերաբար։ Փոխաբերական իմաստն հանդես է գալիս լեզվի հասարակական, գործառական, տարածական և անհատական բազմաթիվ տարբերակներում, գործածության տարբեր չափերով ու եղանակներով։ Փոխաբերական իմաստն արտահայտվում է փոխաբերությամբ, փոխանունությամբ և սինեկդոխայով։ Փոխաբերական իմաստը գեղարվեստական խոսքի ոճավորման ելակետային հնարավորություններից է, մարդկային լեզվագործունեության հիմնարար միջոցներից։ Լեզվի զարգացման տարբեր շրջաններում բառերը կարող են ունենալ զանազան փոխաբերական իմաստներ։ Դրանք լեզվի զարգացման և կատարելագործման մեջ ունեն կարևոր նշանակություն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png