Էդվարդ Միքայելյան
- Վիքիպեդիայում կան հոդվածներ Միքայելյան ազգանունով այլ մարդկանց մասին։
| Էդվարդ Միքայելյան | |
|---|---|
| Ծնվել է | մայիսի 25, 1950 (74 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | սպորտային մարմնամարզիկ |
| Պարգևներ և մրցանակներ |  |
Էդվարդ Բալաբեկի Միքայելյան[1] (մայիսի 25, 1950, Երևան, Հայկական ԽՍՀ, ԽՍՀՄ), ԽՍՀՄ մարմնամարզիկ, մարզիչ, ԽՍՀՄ առաջնությունների բազմաթիվ մրցանակակիր, աշխարհի առաջնության (1974) և Օլիմպիական խաղերի մրցանակակիր (1972)։ ԽՍՀՄ միջազգային դասի սպորտի վարպետ։
Կենսագրություն
[խմբագրել | խմբագրել կոդը]Էդվարդ Միքայելյանը սպորտային մարմնամարզությամբ սկսվել է զբաղվել 1960 թվականից՝ Հայկական ԽՍՀ վաստակավոր վարպետ Լեոնիդ Զախարյանի մոտ։ 1967-1974 թվականներին մտել է ԽՍՀՄ ազգային հավաքականի մեջ, որի կազմում Մյունխենի Օլիմպիական խաղերին և Վարնայի աշխարհի առաջնությանը դարձել է արծաթե մեդալակիր։ Սպորտային կարիերան ավարտել 1976 թվականին։
Հետագայում զբաղվել է մարզչական գործունեությամբ։ 1993-1994 թվականներին եղել է Հայաստանի սպորտային մարմնամարզության ազգային հավաքականի գլխավոր մարզիչը։ 1995 թվականին տեղափոխվել է ԱՄՆ։ 2006 թվականից աշխատում է Սակրամենտոյի մարմնամարզական կենտրոնում։
Ընտանիք
[խմբագրել | խմբագրել կոդը]Ռուբեն Միքայելյանը (1952-2008)՝ եղբայրը, ԽՍՀՄ սպորտային մարմնամարզության չեմպիոն է՝ ձիերի վրա արած վարժություններով (1975)։
Ծանոթագրություններ
[խմբագրել | խմբագրել կոդը]- ↑ Որոշ աղբյուրներում Էդվարդ Միքայելյանի հայրանունը սխալմամբ նշվում է Բալբեկի կամ Բեգլարի