Ելիզավետա Դալսկայա

Ելիզավետա Դալսկայա
Ծնվել է	սեպտեմբերի 22 (հոկտեմբերի 4), 1899
Ծննդավայր	Ալատիր, Սիմբիրսկի նահանգ, Ռուսական կայսրություն
Մահացել է	օգոստոսի 25, 1962(1962-08-25) (62 տարեկան)
Մահվան վայր	Եկատերինբուրգ, ՌԽՖՍՀ, ԽՍՀՄ
Գերեզման	Ivanovskoe cemetery
Քաղաքացիություն	ԽՍՀՄ
Մասնագիտություն	դերասանուհի
Պարգևներ և մրցանակներ	և

Ելիզավետա Կոնստանտինովնա Դալսկայա (ռուս.՝ Елизавета Константиновна Дальская, նաև՝ Ամման-Դալսկայա, սեպտեմբերի 22 (հոկտեմբերի 4), 1899, Ալատիր, Սիմբիրսկի նահանգ, Ռուսական կայսրություն - օգոստոսի 25, 1962(1962-08-25), Եկատերինբուրգ, ՌԽՖՍՀ, ԽՍՀՄ), դերասանուհի, ՌԽՖՍՀ վաստակավոր արտիստ (1942), ՌԽՖՍՀ ժողովրդական արտիստ (1956)։

Կենսագրություն

Ելիզավետա Կոնստանտինովնա Դալսկայան ծնվել է 1899 թվականի սեպտեմբերի 22-ին (հոկտեմբերի 4-ին ) (այլ տվյալներով՝ սեպտեմբերի 21-ին (3 հոկտեմբերի)) բանվորական ընտանիքում, Սիմբիրսկի նահանգի Ալատիրի գավառի Ալատիր քաղաքում, ներկայիս Չուվաշիայում։ Հայրը շոգեքարշի մեքենավար էր։

Կազանի Մարինյան կանանց գիմնազիան ավարտելուց հետո աշխատել է երկաթուղային գրասենյակում։ Նա սովորել է դրամատիկական ստուդիայում։ 1919-1921 թվականներին աշխատել է Կազանի ժողովրդական տան խմբում։

1921-1934 թվականներին աշխատել է Ուրալյան թատերական միավորման «Ռամպա» դրամատիկական կոլեկտիվում։ Այդ թատերական խմբերի հետ շրջագայել է Սարապուլում, Իժևսկում, Ելաբուգում, Բիյսկում, Բորիսոգլեբսկում, Չիստոպոլում , Շադրինսկում, Իրբիտում, Չելյաբինսկում, Տրոիցկում, Նադեժդինսկում, Նովի Լյալեում, Տյումենում։

1934 թվականից եղել է Սվերդլովսկի դրամատիկական թատրոնի դերասանուհի։

Մահացել է 1962 թվականի օգոստոսի 25-ին։ Թաղված է Եկատերինբուրգի Իվանովսկի գերեզմանատանը։

Դերեր

• Լիզա («Խելքից պատուհաս» Ա. Ս. Գրիբոյեդով),
• Դորինա («Տարտյուֆ» Մոլիեր),
• Մարիա Անտոնովնա («Ռեվիզոր» Ն. Վ. Գոգոլ)։

1934 թվականից Սվերդլովսկի թատրոնում՝

• Լարիսա, Կատերինա և Տուգինա («Անօժիտը», «Փոթորիկ» և «Վերջին զոհը» Ալեքսանդր Օստրովսկի),
• Աննա Կարենինա («Աննա Կարենինա» ըստ Լ. Ն. Տոլստոյի),
• Նադեժդա Մոնախովա («Բարբարոսները»), Ռաշել («Վասսա Ժելեզնովա»), Վարվառա («Հովեկները») - Մաքսիմ Գորկի,
• Ելենա Անդրեևնա, Արկադինա և Ռանևսկայա («Քեռի Վանյա», «Ծովաորոր» և «Բալենու այգին», Անտոն Չեխով),
• Թագուհի Իրինա («Արքա Ֆյոդոր Իոաննովիչ» Ա. Կ. Տոլստոյ),
• Վարվառա («Երջանկություն» Պ. Ա. Պավլենկո և Ս. Ա. Ռադզինսկի),
• Ֆիլումենա Մարտուրանո («Ֆիլումենա Մարտուրանո» Է. Դե Ֆիլիպպո),
• Լյուբով Յարովայա («Լյուբով Յարովայա» Կ. Ա. Տրենև)։
• Էպիզոդիկ դեր Դմիտրո Գորիցվիտ ֆիլմում, 1961

Մասնավորապես դերասանուհուն հաջողվում էր խաղալ ուժեղ բնավորությամբ կանանց դերեր, ինչպիսիք են, Կատերինան «Փոթորիկում», Աննա Կարենինա, Լյուբով Յարովայա։

Ընտանիք

Ամուսինը, Դալսկի Դմիտրի Իվանովիչը (1899-1962), դերասան էր և ռեժիսոր։

Գրականություն

• Десять лет Свердловского драматического театра. — Свердловск, 1940.
• Немченко Л. Д. Народная артистка РСФСР Е. К. Амман-Дальская. — Свердловск, 1959.
• Панфилов А. П. Свердловский драматический театр. — Свердловск, 1957.
• Матафонова Ю. К. Свердловский драматический. — Свердловск, 1980.
• Матафонова Ю. К. Кумиры сцены. — Екатеринбург, 2000.