Դենիս վան Աարսսեն
| Դենիս վան Աարսսեն | |
|---|---|
 | |
| Հիմնական տվյալներ | |
| Բնօրինակ անուն | Dennis van Aarssen |
| Ծնվել է | հունիսի 2, 1994 (30 տարեկան) Նիդերլանդներ |
| Երկիր |  Նիդերլանդների Թագավորություն |
| Մասնագիտություն | երգիչ |
| Լեյբլ | 8ball Music |
| Կայք | dennisvanaarssen.com |
 Dennis van Aarssen Վիքիպահեստում | |
Դենիս վան Աարսսեն (հոլ.՝ Dennis van Aarssen, հունիսի 2, 1994, Նիդերլանդներ), նիդերլանդացի երաժիշտ, «Հոլանդիայի ձայնը» հեռուստատեսային երաժշտական նախագծի 9-րդ եթերաշրջանի հաղթող։
Առավելապես հայտնի է 80-ականների ամերիկյան ռետրո երաժշտական, հատկապես Ֆրենկ Սինատրայի ստեղծագործությունների կրկնօրինակումներով։
Կենսագրություն
[խմբագրել | խմբագրել կոդը]Նիդերլանդների Դորդրեխտ քաղաքում ծնված Դենիս վան Աարսսենը իր մանկությունն ու պատանեկությունն անցկացրել է Շփեյք գյուղական բնակավայրում։ Մանուկ հասակում վերջինս մտածում էր նկարիչ դառնալու համար, իսկ երաժշտության նկատմամբ սերը ապագա երաժշտի մոտ արթնացել է յոթ տարեկան հասակում՝ Ռոբի Ուիլյամսի «Swing When You Winning» երգի կապակցությամբ։
Ավագ դպրոցում ուսանելու ժամանակ Դենիսն առաջին անգամ մասնակցում է երգի մասնավոր դասերին և հանդես գալիս երաժշտական նվագախմբում։ Երեք տարի անց նա դադարեցնում է իր դասընթացներն ու որոշում ձայնագրել սեփական երաժշտական կատարումը՝ այն ներբեռնելով սեփական ՅուԹյուբյան ալիք։ Հետագա տարիներին Դենիս վան Աարսենը նվագում է մի քանի տարբեր խմբերում՝ տարբեր ժանրերում։
Ավագ դպրոցն ավարտելուց հետո վան Աարսսենն ընդունվում է Թիլբուրգի ռոք ակադեմիա, սակայն շուտով դուրս է մնում։ Այնուհետև նա որոշում է մասնակցել HBO-ի դասընթացին։ Դասընթացի ավարտից հետո՝ 2017 թվականին, Դենիսը սկսում է աշխատել «Թալմարկ»-ում որպես ծրագրի ղեկավար՝ գրեթե հրաժարվելով երաժիշտ դառնալու երբեմնի երազանքից։
Այնուամենայնիվ, 2018 թվականին նա մասնակցում է հոլանդական նշանավոր «Topper Gezocht!» մրցույթին, սակայն չի կարողանում հաղթահարել առաջին փուլի բարիերը։ Երաժշտական մրցակցությունը նոր մոտիվացիա է հաղորդում Դենիս վան Աարսսենին և վերջինս որոշում է կայացնում մասնակցել «Հոլանդիայի ձայնը» նախագծի 9-րդ եթերաշրջանին՝ կույր լսումների ընթացքում կատարելով Ֆրենկ Սինատրայի «That's life» ստեղծագործությունը[1][2]։ Արդյունքում, Դենիսը դառնում է հեռուստանախագծի հաղթող[3]։ Այդ տարում՝ 2019 թվականին, լույս է տեսնում երաժշտի առաջին ալբոմը՝ «Modern Modern» վերնագրով։
Ծանոթագրություններ
[խմբագրել | խմբագրել կոդը]- ↑ Dit is M NPOstart
- ↑ Dennis van The Voice of Holland vanavond bij RTL Late Night televizier
- ↑ Winnaar negende seizoen The voice of Holland bekend, NU.nl, 22 februari 2019
 | Վիքիպահեստն ունի նյութեր, որոնք վերաբերում են «Դենիս վան Աարսսեն» հոդվածին։ |
| ||||||
