Դենիս Պետրով
| Դենիս Պետրով | ||
|---|---|---|
 | ||
| Անձնական տեղեկություն | ||
| Սեռ՝ | արական | |
| Մասնագիտացում՝ | գեղասահորդ | |
| Երկիր՝ |  Ռուսաստան | |
| Ծննդյան ամսաթիվ՝ | մարտի 3, 1968 (56 տարեկան) | |
| Ծննդավայր՝ | Լենինգրադ, ՌԽՖՍՀ, ԽՍՀՄ | |
Պարգևներ  | ||
Դենիս Պետրով (ռուս.՝ Петров Денис Алексеевич, մարտի 3, 1968, Լենինգրադ, ՌԽՖՍՀ, ԽՍՀՄ), խորհրդային և ռուս գեղասահորդ, ով հանդես է եկել զուգասահքում Ելենա Բեչկեի հետ, ում հետ էլ 1992 թվականին Ալբերվիլում կայացած օլիմպիադայում դարձել է արծաթե մրցանակակիր (Համատեղ թիմի դրոշի ներքո)։ ԽՍՀՄ սպորտի վաստակավոր վարպետ (1992):
Բացի այդ՝ այս զույգը 1989 թվականի Աշխարհի առաջնության բրոնզե մրցանակակիր էր, ինչպես նաև Եվրոպայի առաջնությունների (1991 և 1992 թվականներ) կրկնակի արծաթե մրցանակակիրներ։
Մարզվել են Թամարա Մոսկվինայի ղեկավարությամբ։
1992 թվականի Օլիմպիական խաղերից հետո նրանք հեռացան սիրողական սպորտից և շրջագայել են ԱՄՆ-ում՝ «Stars on Ice» մրցաշրջանով, ինչպես նաև մասնակցել են պրոֆեսիոնալների միջև կայացած աշխարհի առաջնություններին, ինչն էլ հաղթել են 1996 թվականին։
Դենիս Պետրովը և Ելենա Բեչկեն ամուսնացած են եղել 1990 թվականից մինչև 1995 թվականը։ Ամուսնալուծությունից հետո շարունակել են հանդես գալ որպես պարազույգ մինչև 2000 թվականը։
2005 թվականի հուլիսին Դենիս Պետրովն ամուսնացել է չին գեղասահորդուհի Չեն Լուի հետ։ Նրանք ունեն երկու երեխա՝ որդի Նիկիտան և դուստր Անաստասիան։ Ընտանիքն ապրում է Չինաստանում՝ Շենժեն քաղաքում, որտեղ Չեն Լուն ղեկավարում է Գեղասահքի ակադեմիան[1]։
2007 թվականին Չեն Լուն և Դենիս Պետրովը աջակցեցին 2014 թվականին Սոչիում կայանալիք Ձմեռային օլիպիական խաղերի հայտը։ Աջակցելու ծրագրի շրջանակներում նրանք ժամանել են Ռուսաստան և վարպետության դաս են անցկացրել երիտասարդ գեղասահորդների համար։
Սպորտային ձեռքբերումներ
[խմբագրել | խմբագրել կոդը]- Բեչկեի հետ
| Մրցումներ | 1988 | 1989 | 1990 | 1991 | 1992 | 1993 | 1994 | 1995 | 1996 | 1997 | 1998 | 1999 |
|---|---|---|---|---|---|---|---|---|---|---|---|---|
| Ձմեռային օլիմպիական խաղեր | 2 | |||||||||||
| Գեղասահքի աշխարհի առաջնություն | 3 | 4 | 4 | |||||||||
| Գեղասահքի Եվրոպայի առաջնություն | 2 | 2 | ||||||||||
| Գեղասահքի ԽՍՀՄ առաջնություն | 4 | 1 | ||||||||||
| Trophée Lalique | 1 | 1 | 3 | |||||||||
| NHK Trophy | 2 | 1 | ||||||||||
| Բարի կամքի խաղեր | 3 | |||||||||||
| Պրոֆեսիոնալների միջև աշխարհի առաջնություններ | 2 | 2 | 2 | 2 | 1 | 2 |
Ծանոթագրություններ
[խմբագրել | խմբագրել կոդը]- ↑ «Свадьба китайской «бабочки на льду» и российского «ледового принца»». Արխիվացված է օրիգինալից 2009 թ․ նոյեմբերի 27-ին. Վերցված է 2019 թ․ օգոստոսի 20-ին.