Գորիսի Սերո Խանզադյանի անվան թիվ 6 հիմնական դպրոց

Գորիսի Սերո Խանզադյանի անվան թիվ 6 հիմնական դպրոց
Տեսակ	դպրոց
Հիմնադրված է	սեպտեմբերի 19, 1921
Անվանված է	Սերո Խանզադյան
Տնօրեն	Աշոտ Գևորգյան
Երկիր	Հայաստան
Տեղագրություն	Գորիս
Հասցե	Գորիս Գետափնյա փող., 1 շենք
Կայք	goris6.schoolsite.am

Գորիսի Սերո Խանզադյանի անվան թիվ 6 հիմնական դպրոց, հանրակրթական դպրոց ՀՀ Սյունիքի մարզի Գորիս քաղաքում։

Դպրոցի պատմությունը

Դպրոցը հիմնադրվել է 1921 թվականի սեպտեմբերի 19-ին` որպես քաղաքի երկրորդ յոթնամյա կրթօջախ։ Նախնական ընթացքում դպրոցը գտնվել է ներկայիս «Գորիս» հյուրանոցից ձախ գտնվող երկհարկանի շենքում։ 1962 թվականի դպրոցը տեղափոխվել է Գորիսի պետական դրամատիկական թատրոնի նախկին շենքը` զբաղեցնելով առաջին երկու հարկերը, որ գտնվում էր այժմյան «Գորիս» հյուրանոցի տեղում։ 1968 թվականի երկրաշարժից փլուզված շենքից դպրոցը կրկին փոխադրվեց, այս անգամ` գյուղտեխնիկումի հին շենքը։

Միայն 1980 թվականի դեկտեմբերի 10-ին դպրոցը ստացավ իր նոր, հարմարավետ, տիպային շենքը։ 1961 թվականին կրթօջախում բացվել է ռուսական բաժին և 1972 թվականին տվել առաջին շրջանավարտները։ Դպրոցի առաջին վարիչը եղել է Մուշեղ Մկրտչյանը։ Առաջին ուսուցիչներն էին Աստղիկ Մելիք-Բաղդասարյանը, Նինա Տեր-Գրիգորյանը, Հեղինե Տեր–Մինասյանը, Վարդանուշ Միրաքյանը։

2004 թվականին դպրոցի բակում տեղադրվել է Սերո Խանզադյանի կիսանդրին (քանդակագործ` Գետիկ Բաղդասարյան), որն ընդգրկված է Գորիսի պատմության և մշակույթի անշարժ հուշարձանների ցանկում։

Տնօրեններ

• Արամ Մինասյան (1927-1934)
• Անտոն Հովհաննիսյան (1934–1938)
• Գուրգեն Մկրտչյանը (1938–1942)
• Լևոն Մարտիրոսյան (1942–1945)
• Աշոտ Օհանյան (1945–1952)
• Ռուբեն Պետրոսյան (1952–1956)
• Կոլյա Ղազարյան (1956–1974)
• Զավեն Ստեփանյան (1974–1991)
• Սամվել Հարությունյան (1991-1992)
• Արամայիս Փարսյան (1992- )
• Աշոտ Գևորգյան

Աղբյուրներ

• Կարեն Սահակյան «Ուրվագիծ Գորիսի կրթական համակարգի պատմության»