Գարուշ Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Գարուշ Վեմիրի Համբարձումյան | |
---|---|
հուլիսի 9, 1989 - հուլիսի 14, 2020 (31 տարեկան) | |
Ծննդավայր | Լուսակունք, Վարդենիսի շրջան, Հայկական ԽՍՀ, ԽՍՀՄ |
Մահվան վայր | Հայ-ադրբեջանական պետական սահմանագոտու հյուսիսարևելյան հատված, Տավուշի հատված |
Քաղաքացիություն | Հայաստան |
Կոչում | մայոր |
Պաշտոն | ՀՀ ՊՆ N զորամասի ինժեներասակրավորային վաշտի հրամանատար |
Մարտեր/ պատերազմներ | Հայ-ադրբեջանական ռազմական բախում (հուլիս, 2020) |
Կրթություն | Վազգեն Սարգսյանի անվան ռազմական ակադեմիա |
Գարուշ Վեմիրի Համբարձումյան (հուլիսի 9, 1989, Լուսակունք, Վարդենիսի շրջան, Հայկական ԽՍՀ, ԽՍՀՄ - հուլիսի 14, 2020, Տավուշի մարզ, Հայաստան, հայ-ադրբեջանական պետական սահմանագոտու հյուսիսարևելյան հատված, Տավուշի հատված), հայ զինվորական, մայոր, զոհվել է Հայ-ադրբեջանական ռազմական բախման ընթացքում՝ Ադրբեջանի կողմից արձակած կրակից[1]։
Կենսագրություն[խմբագրել | խմբագրել կոդը]
Ծնվել է 1989 թվականի հուլիսի 9-ին։ Ավարտել է Վազգեն Սարգսյանի անվան ռազմական համալսարանը, ստացել է սակրավորի մասնագիտություն և լեյտենանտի զինվորական կոչում։ Նշանակվել է ՀՀ ՊՆ N զորամասի ինժեներասակրավորային դասակի հրամանատար, որից հետո՝ 2015 թվականին՝ ՀՀ ՊՆ N զորամասի ինժեներասակրավորային վաշտի հրամանատար։
2016 թվականին Գարուշ Համբարձումյանն ընդգրկված էր Հայաստանի զինված ուժերի լավագույն սպաների ու հրաանատարների ցանկում[2]։
Մայոր Գարուշ Համբարձումյանը զոհվել է Ադրբեջանի Հանրապետության կողմից արձակած կրակից, 2020 թվականի հուլիսի 14-ին՝ Հայ-ադրբեջանական պետական սահմանագոտու հյուսիսարևելյան հատվածում։
Հուղարկավորվել է «Եռաբլուր» զինվորական պանթեոնում[3]։
Հայաստանի նախագահ Արմեն Սարգսյանի հրամանագրով մայոր Գարուշ Վեմիրի Համբարձումյանը հետմահու պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով[4]։
Ամուսնացած էր, ունի մեկ երեխա[5]։
Ծանոթագրություններ[խմբագրել | խմբագրել կոդը]
- ↑ «Զոհվել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը».
- ↑ ՊՆ-ն՝ զոհված մայոր Գարուշ Համբարձումյանի մասին
- ↑ «Զոհված մայոր Գարուշ Համբարձումյանի հուղարկավորության արարողությունը».
- ↑ Գ. Վ. ՀԱՄԲԱՐՁՈՒՄՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 2-ՐԴ ԱՍՏԻՃԱՆԻ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ
- ↑ Զոհված Կապիտան Գարուշ Համբարձումյանը Լոռու մարզից էր. ամուսնացած էր ուներ մեկ երեխա