Գարիկ Բանդուրյան

Գարիկ Բանդուրյան
Ծնվել է	մայիսի 19, 1927(1927-05-19)
Մահացել է	1998
Քաղաքացիություն	Հայաստան
Մասնագիտություն	թարգմանիչ և բանաստեղծ

Գարիկ Ավետիսի Բանդուրյան (մայիսի 19, 1927(1927-05-19) - 1998), հայ բանաստեղծ, գրող, թարգմանիչ, երգահան։ ԽՍՀՄ գրողների միության անդամ 1970 թվականից։

Ծնվել է Ռուսաստանի Կրասնոդարի երկրամասի Պավլովսկայա գյուղաքաղաքում։ 1944 թվականին ընդունվել է Երևանի թատերական ինստիտուտը, սովորել երկու տարի։ Այնուհետև ապրել և աշխատել է ԽՍՀՄ տարբեր քաղաքներում։ 1958-1962 թվականներին եղել է գրական աշխատող «Պիոներ» ամսագրում, 1963-1970 թվականներին՝ տեխնիկական խմբագիր «Հայաստան» հրատարակչությունում։ 1970-1977 թվականներին աշխատել է Երևանի թիվ 3 մշակույթի տանը որպես գեղմասվար։ 1979 թվականից աշխատում է ՀԽՍՀ կուլտուրայի մինիստրության ժողովրդական ստեղծագործության և կուլտուր-լուսավորական աշխատանքի գիտամեթոդական կենտրոնում որպես բանահյուսության սեկտորի վարիչ։ Բազմաթիվ հայ կոմպոզիտորներ շատ ու շատ երգեր են հորինել նրա տեքստերով։

Գ. Բանդուրյանի երկերի մատենագրությունը

• Ջրվեժի երգը (բանաստեղծություններ), Երևան, Հայպետհրատ, 1959, 100 էջ։
• Պիոներական էստրադա (նյութեր պիոներ-դպրոցականների համար, գրքում գործեր նաև Գ. Բանդուրյանը), Երևան, Հայպետուսմանկհրատ, 1959, 215 էջ։
• Արցունքոտ ժպիտ (բանաստեղծություններ), Երևան, Հայպետհրատ, 1963, 104 էջ։
• Ողջակիզվող հոգին (պոեմ), Երևան, «Հայաստան», 1968, 140 էջ։
• Կյանքը մահվան դեմ (երկու պոեմ, մեկ բալլադ), Երևան, «Հայաստան», 1969, 32 էջ։
• Աշխարհը գրկել եմ ուզում (բանաստեղծություններ, բալլադներ, չափածո նովելներ), Երևան, «Սովետական գրող», 1977, 172 էջ։
• Ջոկոնդա (պոեմ՝ նվիրված Լեոնարդո դա Վինչիին), Երևան, «Սովետական գրող», 1982, 124 էջ։
• Վաղը դպրոց ենք գնալու (ժողովածուում գործեր ունի նաև Գ. Բանդուրյանը), Երևան, «Լույս», 1982, 256 էջ։

Թարգմանություններ (ռուսերենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Ղազախ բանաստեղծներ (գրքի մեջ մտնող գործերի մի մասը թարգմանել է Գ. Բանդուրյանը), Երևան, Հայպետհրատ, 1958, 254 էջ։
• Ասիայի և Աֆրիկայի բանաստեղծները (գրքի մեջ մտնող գործերի մի մասը թարգմանել է Գ. Բանդուրյանը), Երևան, Հայպետհրատ, 1958, 218 էջ։
• Մահթում-կուլի (Ֆրագի), Բանաստեղծություններ (գրքի մեջ մտնող գործերի մի մասը թարգմանել է Գ. Բանդուրյանը), Երևան, Հայպետհրատ, 1959, 131 էջ։
• Վերա Զվյագինցևա, Ձմեռային աստղ (բանաստեղծությունների ժողովածու, որի մի մասը թարգմանել է Գ. Բանդուրյանը), Երևան, Հայպետհրատ, 1960, 60 էջ։
• Վրաց գրականության ընտիր էջեր (գրքի մեջ մտնող գործերի մի մասը թարգմանել է Գ. Բանդուրյանը), Երևան, Հայպետհրատ, 1961, 648 էջ։
• Սերգեյ Եսենին, Հատընտիր (ժողովածուի մի մասը թարգմանել է Գ. Բանդուրյանը), Երևան, Հայպետհրատ, 1961, 399 էջ։
• Սովետական Ուզբեկստանի բանաստեղծները (գրքի մի մասը թարգմանել է Գ. Բանդուրյանը), Երևան, Հայպետհրատ, 1961, 174 էջ։
• Կ. Մակուշինսկի, Մ. Վալենտինովիչ, Անմիտ այծիկի արկածները (պատմվածք), Երևան, Հայպետհրատ, 1961, 22 էջ։
• Ղրմզի Ժանե, Պապն ու թոռները (բանաստեղծություններ), Երևան, Հայպետհրատ, 1962, 45 էջ։
• Ընտիր էջեր ռուս սովետական պոեզիայի (ժողովածուի մի մասը թարգմանել է Գ. Բանդուրյանը), Երևան, Հայպետհրատ, 1963, 543 էջ։
• Միխայիլ Լերմոնտով, Երկերի ժողովածու 3 հատորով, հատոր 1 (գրքի մեջ մտնող գործերի մի մասը թարգմանել է Գ. Բանդուրյանը), Երևան, «Հայաստան», 1965, 451 էջ։
• Սամուիլ Էյդլին, Առյուծի բաժինը, Երևան, «Հայաստան», 1965, 76 էջ։
• Ծաղկած կեռասենի (բանաստեղծություններ, որոնց մի մասը թարգմանել է Գ. Բանդուրյանը), Երևան, «Հայաստան», 1969, 109 էջ։
• Համանվագ (ժողովածուի մեջ մտնող գործերի մի մասը թարգմանել է Գ. Բանդուրյանը), Երևան, «Հայաստան», 1972, 108 էջ։
• Ազատության կանչ։ Ժամանակակից ասիական պոեզիայի ժողովածու (գրքի մեջ մտնող գործերի մի մասը թարգմանել է Գ. Բանդուրյանը), Երևան, «Հայաստան», 1973, 165 էջ։
• Տաջիկական քնար (գրքի մի մասը թարգմանել է Գ. Բանդուրյանը), Երևան, «Հայաստան», 1973, 379 էջ։
• Վիկտոր Կոչևսկի, Ցոլքեր (բանաստեղծություններ, որոնց մի մասը թարգմանել է Գ. Բանդուրյանը), Երևան, «Հայաստան», 1973, 212 էջ։
• Եվգենի Եվտուշենկո, Երրորդ հիշողություն (գրքի երկրորդ մասը՝ 107-187-րդ էջ, թարգմանել է Գ. Բանդուրյանը), Երևան, «Հայաստան», 1974, 191 էջ։
• Ռուս դասականների գրադարան։ Միխայիլ Լերմոնտով, Ընտիր երկեր (գրքի մեջ մտնող գործերի մի մասը թարգմանել է Գ. Բանդուրյանը), Երևան, «Սովետական գրող», 1982, 140 էջ։
• Խաղաղ Դոնի բանաստեղծները (ժողովածուի մի մասը թարգմանել է Գ. Բանդուրյանը), Երևան, «Սովետական գրող», 1982, 140 էջ։

Աղբյուրներ

Վիքիդարանն ունի նյութեր, որոնք վերաբերում են «Գարիկ Բանդուրյան» հոդվածին։