Գազոզավր(լատիներեն - Gasosaurus, բառացի՝ «բենզինային սողուն»), Avetheropoda խմբի դինոզավրեր, որոնք պատկանում են սողունակոնքային դինոզավրերի ցեղին։ Այս դինոզավրերը ապրել են միջին յուրայի ժամանակաշրջանում մոտ մ.թ.ա. 165-160 միլիոն տարի առաջ ներկայիս Չինաստանի Սիուչան պրովինցիայում։ Ներկայացված է մեկ տեսակով - Gasosaurus constructus։ Ենթադրվում է, որ տերոպոդների շերտում գտնված Xuanhanosaurus-ը հանդիսանում է գազոզավրի մեծ առանձնյակ, այլ ոչ թե առանձին ցեղ։
Գազոզավրը ունեցել է մեծ գանգ և ուժեղ հետին վերջույթներ։ Երկարությունը 5 մետր։ Ենթադրվում է, որ եղել է մսակեր։ Գազազավր անվանումը (կամ «բենզինային սողուն») տրվել է չինացի գիտնական Ցի Մինգ Դոնգի[1] կողմից նավթավերամշակող ՝ Dashanpu կազմակերպության պատվին, որի աշխատակիցների կողմից հայտնաբերվել էին գազոզավրի մնացորդները։
Ընդհանուր կարծիք այն մասին, թե որ խմբին է պատկանում այս դինոզավրը՝ չկա։ Տարբեր գիտնականներ այս դինոզավրին դասակարգում են ինչպես Megalosauridae, այնպես էլ ցելուրոզավրերի ընտանիքին։ Վերջին հետազոտությունների արդյունքում Holtz-ը (2004) թվականին գազոզավրին մտցրեց Avetheropoda[2] խմբի մեջ։
↑Z. Dong and Z. Tang. 1985. «A new Mid-Jurassic theropod (Gasosaurus constructus gen. et sp. nov.) from Dashanpu, Zigong, Sichuan Province, China». Vertebrata PalAsiatica 23(1):77-83
↑T. R. Holtz, R. E. Molnar, and P. J. Currie. 2004. «Basal Tetanurae». In D. B. Weishampel, P. Dodson, and H. Osmolska (eds.), The Dinosauria (second edition). University of California Press, Berkeley 71-110
