Բոնչո Գենչև
 | ||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Քաղաքացիությունը |
 Բուլղարիա | |||||||||||||||||||||||||||||||||||
| Ծննդյան ամսաթիվ | հուլիսի 7, 1964[1][2] (60 տարեկան) | |||||||||||||||||||||||||||||||||||
| Ծննդավայր | Գեներալ Տոշևո, Դոբրիչի մարզ, Բուլղարիա | |||||||||||||||||||||||||||||||||||
| Դիրք | կիսապաշտպան | |||||||||||||||||||||||||||||||||||
| Պատանեկան կարիերա | ||||||||||||||||||||||||||||||||||||
| ||||||||||||||||||||||||||||||||||||
| Մասնագիտական կարիերա* | ||||||||||||||||||||||||||||||||||||
| Տարի | Ակումբ | Խաղ | (Գոլ) | |||||||||||||||||||||||||||||||||
| ||||||||||||||||||||||||||||||||||||
| Ազգային հավաքական | ||||||||||||||||||||||||||||||||||||
| ||||||||||||||||||||||||||||||||||||
| Մարզչական կարիերա | ||||||||||||||||||||||||||||||||||||
| ||||||||||||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | ||||||||||||||||||||||||||||||||||||
Բոնչո Գենչև (բուլղար․՝ Бончо Генчев, հուլիսի 7, 1964[1][2], Գեներալ Տոշևո, Դոբրիչի մարզ, Բուլղարիա), բուլղարացի ֆուտբոլիստ, հարձակողական ոճի կիսապաշտպան։ Բուլղարիայի ազգային հավաքականի կազմում մասնակցել է 1994 թվականի Աշխարհի առաջնությանը և 1996 թվականի Եվրոպայի առաջնությանը։
Ակումբային կարիերա
[խմբագրել | խմբագրել կոդը]Բոնչո Լյուբոմիրով Գենչևը ծնվել է 1964 թվականի հուլիսի 7-ին Բուլղարիայի Դոբրիչի մարզի Գեներալ Տոշևո քաղաքում։ Ֆուտբոլային կարիերան սկսել է տեղի «Սպորտիստ» ակումբում[3]։
1981 թվականին կայացել է Գենչևի պրոֆեսիոնալ նորամուտը Դոբրիչի «Դոբրուջա» թիմում։ Այնուհետև խաղացել է բուլղարական «Լիտեքս» (1982-1983), «Լոկոմոտիվ» (Գոռնա Օրյախովիցա) (1983-1986), «Էտիր» (1987-1991) ակումբներում[3]։
1991 թվականին պայմանագիր է կնքել պորտուգալական «Սպորտինգի» հետ, որի կազմում անցկացրել է ընդամենը 2 խաղ։ Մրցաշրջանի ավարտից հետո նա տեղափոխվել է Անգլիա, որտեղ խաղացել է «Իփսվիչ Թաունում» (1992-1995) և «Լութոն Թաունում» (1995-1997)[3]։ 1997-1999 թվականներին խաղացել է բուլղարական ԲԿՄԱ-ում։ Այնուհետև Գենչևը կրկին տեղափոխվել է Անգլիա, որտեղ «Հենդոնում» և «Քարշոլթոն Աթլետիկում» խաղալուց հետո 2007 թվականին ավարտել է ֆուտբոլիստի կարիերան[4]։
Որոշ ժամանակ աշխատել է որպես միջազգային դեսպան «Իփսվիչ Թաունում»[5]։
2016 թվականին Բոնչո Գենչևը նշանակվել է բուլղարական «Էտիր» ակումբի գլխավոր մարզիչ, բայց պաշտոնը թողել է մարտի 7-ին՝ դառնալով Բուլղարիայի ֆուտբոլային միության շրջանային խորհրդի նախագահը Վելիկո Տիռնովոյում[6]։
Կարիերա ազգային հավաքականում
[խմբագրել | խմբագրել կոդը]1990-1996 թվականներին Բուլղարիայի ազգային հավաքականում անցկացրել է 12 հանդիպում՝ չխփելով ոչ մի գոլ։
1994 թվականի աշխարհի առաջնության 1/8 եզրափակչի Մեքսիկայի ազգային հավաքականի դեմ խաղում Բոնչոն փոխարինման է դուրս եկել և հետխաղյա 11-մետրանոցների հարվածաշարում անրեպ իրացրել է իր փորձը[7]։
Գենչևը եղել է 1996 թվականի Եվրոպայի առաջնության ազգային ընտրանու հայտացուցակում, որտեղ մեկ րոպե է խաղացել խմբային փուլի Ռումինիայի դեմ խաղում, որն ավարտվել է բուլղարացիների հաղթանակով[8]։
Անձնական կյանք
[խմբագրել | խմբագրել կոդը]Խաղային կարիերայի ավարտից հետո Բոնչոն որոշ ժամանակ ղեկավարել է «Սթրայքերներ» սրճարան-բարը Վեսթ Քենսինգթոնում։
Ամուսնացած է։ Նրա երկու որդիները՝ Լյուբոմիրը և Յավորը, նույնպես դարձել են ֆուտբոլիստներ[9]։
Նվաճումներ
[խմբագրել | խմբագրել կոդը]Ակումբային
[խմբագրել | խմբագրել կոդը]- «Էտիր»
- Բուլղարիայի չեմպիոն՝ 1990/91
- ԲԿՄԱ (Սոֆիա)
- Բուլղարիայի առաջնության բրոնզե մեդալակիր՝ 1997/98
- Բուլղարիայի գավաթի խաղարկության արծաթե մեդալակիր՝ 1998
Անձնական
[խմբագրել | խմբագրել կոդը]- Բուլղարիայի առաջնության լավագույն ռմբարկու՝ 1997/98
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ 3,0 3,1 3,2 «Boncho Genchev - Player profile». _ (անգլերեն). Վերցված է 2021 թ․ ապրիլի 12-ին.
{{cite web}}: Check|url=value (օգնություն)(չաշխատող հղում) - ↑ I’ll have a bag of chips and one of those World Cup stars please
- ↑ GUENTCHEV, Bontcho
- ↑ Бончо Генчев пое поста на Трифон Иванов в БФС-Велико Търново
- ↑ «Match Report». Արխիվացված է օրիգինալից 2019 թ․ հունիսի 29-ին. Վերցված է 2021 թ․ ապրիլի 12-ին.
- ↑ History
- ↑ Бончо Генчев: Голът на Световното в САЩ е най- важния в кариерата ми
Արտաքին հղումներ
[խմբագրել | խմբագրել կոդը]- Պրոֆիլը Արխիվացված 2018-03-08 Wayback Machine ՖԻՖԱ-ի կայքում
- Վիճակագրությունը National Football Teams կայքում
|
- Հուլիսի 7 ծնունդներ
- 1964 ծնունդներ
- Ապրող անձինք
- Բուլղարիայում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- Անգլիական ֆուտբոլի լիգայի խաղացողներ
- Անգլիայի լեգեոներ ֆուտբոլիստներ
- Բուլղարացի ֆուտբոլիստներ
- Բուլղարիայի հավաքականի ֆուտբոլիստներ
- Իպսվիչ Թաունի ֆուտբոլիստներ
- Լուտոն Թաունի ֆուտբոլիստներ
- Պրեմիեր Լիգայի ֆուտբոլիստներ
- Սպորտինգ Լիսաբոնի ֆուտբոլիստներ
- Տղամարդկանց ֆուտբոլի կիսապաշտպաններ
- Ֆուտբոլային մարզիչներ այբբենական կարգով