Jump to content

Բաբկեն Չոբանյան

Ստեղծել հղումը
Վիքիպեդիայից՝ ազատ հանրագիտարանից
Վիքիպեդիայում կան հոդվածներ Չոբանյան ազգանունով այլ մարդկանց մասին։
Բաբկեն Սամվելի Չոբանյան
Ծնվել էհոկտեմբերի 9, 1977(1977-10-09) (47 տարեկան)
ԾննդավայրԼենինական, Հայկական ԽՍՀ, ԽՍՀՄ
ԿրթությունԵրևանի թատրոնի և կինոյի պետական ինստիտուտ (1998)
Քաղաքացիություն Հայաստան
Մասնագիտությունդերասան և հաղորդավար

Բաբկեն Սամվելի Չոբանյան (հոկտեմբերի 9, 1977(1977-10-09), Լենինական, Հայկական ԽՍՀ, ԽՍՀՄ), հայ դերասան, 2015 թվականին Երևանի քաղաքապետարանի կողմից պարգևատրվել է «Երևան քաղաքի մշակույթի պատվավոր գործիչ» հուշամեդալով[1]։ ՀՀ վաստակավոր արտիստ (2019) ։ Հայտնի է «Կյանք ու կռիվ 2. 25 տարի անց» ֆիլմում Արմանի դերակատարմամբ[2], «Հատուկ բաժին» կարճամետրաժ սերիալում Ռոբի դերակատարմամբ[3], ինչպես նաև «Հոսանքին հակառակ» հեռուստանովելում Արմենի դերակատարմամբ ու «Հանդիպման վայր» ֆիլմում Տիգրանի դերակատարմամբ[4]։ «Անհայտ բաժանորդ» ֆիլմում մարմնավորել է Ռոբերտի դերը։

Կենսագրություն

[խմբագրել | խմբագրել կոդը]

Բաբկեն Չոբանյանը ծնվել է 1977 թվականի հոկտեմբերի 9-ին Շիրակի մարզի Գյումրի քաղաքում։ 4-րդ դասարանից սկսել է հաճախել Աննա Պետրոսյանի դպրաթատրոն, որը գործում էր եկեղեցուն կից։ 1994 թվականին ավարտել է Գյումրիի թիվ 7 միջնակարգ դպրոցը։ 1994-1998 թվականներին սովորել է Երևանի թատրոնի և կինոյի պետական ինստիտուտի դերասանական ֆակուլտետում։ 1999-2007 թվականներին աշխատել է Գյումրու Վարդան Աճեմյանի անվան պետական դրամատիկական թատրոնում։ Դրա հետ մեկտեղ նա աշխատել է նաև ԵԹԿՊԻ Գյումրիի մասնաճյուղում` որպես դերասանի վարպետության և բեմական խոսքի դասախոս, ինչպես նաև Գյումրիի «Ցայգ» հեռուստաընկերությունում` որպես հաղորդավար։ 2007 թվականից աշխատում է Երևանի Հ.Ղափլանյանի անվան պետական դրամատիկական թատրոնում` որպես դերասան[5]։ 2019 թվականի սեպտեմբերի 20-ին արժանացել է ՀՀ վաստակավոր արտիստի կոչման։

2024 թվականի մարտից վարում է Հանրային հեռուստատեսությամբ հեռարձակվող «Թույլ օղակ» հեռուստախաղը[6][7]։

Անձնական կյանք

[խմբագրել | խմբագրել կոդը]

Ամուսնացած է։ Ունի երկու որդի՝ Սամվելը և Արամը[8]։

Դերեր ներկայացումներում

[խմբագրել | խմբագրել կոդը]
Ներկայացում Դեր
«Հեղնար աղբյուր» Վարոս
«Հրեշը լուսնի վրա» Արամ
«Կիլիկիո արքան» Լևոն 7-րդ
«Մանչուկը և Կառլսոնը» Կառլսոն
«Հուլիոս Կեսար» Օկտավիոսի սպասավոր
«Մակբեթ» Մակդուֆ
«Համլետ» Բերնարդո
«Մեծ լռություն» Ռուբեն Սևակ
«Անվերջ վերադարձ» Նոր աշխատող
«Ձուկն առանց ջրի … SUICIDE» Երիտասարդ
«Ա՜խ, Աննա, Աննա կամ… Կրքոտ կիրակի» Ռոբեր
«12-րդ գիշեր կամ ... Սիրուց եմ մեռնում» Դուքս
«Փարիզյան դատավճիռ» Գևորգ Գյուզելյան
«Վճարովի պատրանք» Պոլո[9]

«Art փսիխոզ» Սերժ

Ծանոթագրություններ

[խմբագրել | խմբագրել կոդը]
  1. ↑ «Պարգևներ Երևանի քաղաքապետից՝ Թատրոնի միջազգային օրվա առթիվ». ՄԱԳԱՂԱԹ.AM (ռուսերեն). 2015 թ․ մարտի 28. Արխիվացված է օրիգինալից 2017 թ․ հոկտեմբերի 13-ին. Վերցված է 2017 թ․ մայիսի 10-ին.
  2. ↑ «Երևանում կայացավ «Կյանք ու կռիվ 2, 25 տարի անց» ֆիլմի փակ ցուցադրությունը». Արմենպրես. Վերցված է 2017 թ․ մայիսի 10-ին.
  3. ↑ «Շանթ Հովհաննիսյանը, Բաբկեն Չոբանյանը, Սեպուհ Ապիկյանը, Մարիամ Դավթյանը՝ նոր՝ «Հատուկ բաժին» ֆիլմաշարի մասին - Այսօր` թարմ լուրեր Հայաստանից». www.aysor.am (անգլերեն). Վերցված է 2017 թ․ մայիսի 10-ին.
  4. ↑ Նազենի Հովհաննիսյանը, Բաբկեն Չոբանյանը, Անի Խաչիկյանը և այլք՝ Մհեր Մկրտչյանի «Հոսանքին հակառակ» հեռուստանովելում
  5. ↑ «Zarkfoundation - Բաբկեն Չոբանյան». zarkfoundation.com.
  6. ↑ https://www.youtube.com/watch?v=7pY6FukPbIQ&list=PLYMtfnOzqv266oS1FavTaELVSEuPoo3XX
  7. ↑ Mediamax. ««Հաղորդավարի խստությունը խաղի անբաժան եւ հմայիչ մասն է». Բաբկեն Չոբանյանը կվարի «Թույլ օղակ» հեռուստաշոուն». Bravo.am (ամհարերեն). Վերցված է 2024 թ․ ապրիլի 20-ին.
  8. ↑ «Հանրային հեռուստաընկերություն». www.1tv.am. Վերցված է 2017 թ․ մայիսի 10-ին.
  9. ↑ «Չոբանյան Բաբկեն Սամվելի». ydt.am (ռուսերեն). Արխիվացված է օրիգինալից 2017 թ․ հունիսի 7-ին. Վերցված է 2017 թ․ մայիսի 10-ին.
Ստացված է «https://hy.wikipedia.org/w/index.php?title=Բաբկեն_Չոբանյան&oldid=10175626» էջից