Ատոմ Ջանջուղազյան

Ատոմ Ջանջուղազյան
ՀՀ ֆինանսների նախարար
2018 - 2021
Նախորդող	Վարդան Արամյան
Հաջորդող	Տիգրան Խաչատրյան
ՀՀ հաշվեքննիչ պալատի նախագահ
2022-ից
Նախորդող	Լևոն Յոլյան
Կրթություն՝	ՀԱՊՀ
Գիտական աստիճան՝	տեխնիկական գիտությունների թեկնածու
Մասնագիտություն՝	տնտեսագետ և նախարար
Ծննդյան օր	մարտի 22, 1971(1971-03-22) (53 տարեկան)
Ծննդավայր	Երևան, Հայկական ԽՍՀ, ԽՍՀՄ
Պարգևներ

Ատոմ Սավկայի Ջանջուղազյան (մարտի 22, 1971(1971-03-22), Երևան, Հայկական ԽՍՀ, ԽՍՀՄ), ՀՀ պետական գործիչ, Հայաստանի Հանրապետության ֆինանսների նախկին նախարար(2018-2021)։ ՀՀ հաշվեքննիչ պալատի նախագահ (2022թ-ից)։

Կրթություն

• 1987-1992 թթ. - սովորել և ավարտել է Երևանի պոլիտեխնիկական ինստիտուտը։
• 1993-1995 թթ. - սովորել և ավարտել է Հայաստանի պետական ճարտարագիտական համալսարանի ասպիրանտական դպրոցի մագիստրատուրան։
• 1995-1997 թթ. - սովորել և ավարտել է Հայաստանի պետական ճարտարագիտական համալսարանի ասպիրանտուրան։ Տեխնիկական գիտությունների թեկնածու։ Մեկ մենագրության, մի շարք հոդվածների և զեկույցների հեղինակ։

Աշխատանքային գործունեությունը

• 1991-1992 թթ. - աշխատել է ՀՀ Էկոնոմիկայի նախարարության Պլանավորման և կառավարման ավտոմատացված համակարգերի հայկական գիտահետազոտական ինստիտուտում՝ որպես տեխնիկ։
• 1992-1993 թթ. - աշխատել է ՀՀ Էկոնոմիկայի նախարարության Պլանավորման և կառավարման ավտոմատացված համակարգերի հայկական գիտահետազոտական ինստիտուտում՝ որպես ինժեներ-ծրագրավորող։
• 1993-1995 թթ. - ՀՀ էկոնոմիկայի նախարարության ինֆորմացիոն համակարգերի բաժնի առաջին կարգի մասնագետ, առաջատար մասնագետ, ապա՝ գլխավոր մասնագետ։ Նախագծել ու մշակել է կապիտալ շինարարության և սեփականաշնորհման օբյեկտների, ձեռնարկատիրական գործունեության, արտահանման համար տրամադրվող լիցենզիաների, ինչպես նաև մի շարք այլ խնդիրների հետ կապված գործառույթների կանոնակարգման նպատակով տվյալների բազաների կառավարման ավտոմատացված համակարգերի առանձին ենթահամակարգեր։
• 1995-1996 թթ. - ՀՀ ֆինանսների նախարարության համակարգչային վերլուծության բաժնի գլխավոր մասնագետ։
• 1996 թ. - ՀՀ ֆինանսների նախարարության դրամարկղային կառավարման վարչության հանրապետական բյուջեի դրամարկղային կառավարման բաժնի պետ։
• 1996-1999 թթ. - ՀՀ ֆինանսների նախարարության հաշվապահության վարչության պետ։
• 1999 թ. - ՀՀ ֆինանսների նախարարության տնտեսական ծրագրերի գլխավոր վարչության պետ։
• 1999 թ. հուլիսի 9-ին ՀՀ վարչապետի որոշմամբ նշանակվել է ՀՀ ֆինանսների նախարարի տեղակալ-գլխավոր գանձապետ։
• 2000 թ. ՀՀ վարչապետի որոշմամբ նշանակվել է ՀՀ ֆինանսների և էկոնոմիկայի նախարարի տեղակալ-գլխավոր գանձապետ՝ ազատվելով ՀՀ ֆինանսների նախարարի տեղակալ-գլխավոր գանձապետի պաշտոնից։
• 2008 թ. մայիսի 19-ին ՀՀ վարչապետի որոշմամբ նշանակվել է Հայաստանի Հանրապետության ֆինանսների նախարարի տեղակալ-գլխավոր գանձապետ՝ ազատվելով Հայաստանի Հանրապետության ֆինանսների և էկոնոմիկայի նախարարի տեղակալ-գլխավոր գանձապետի պաշտոնից։
• 2018 թվականի մայիսի 12-ին ՀՀ վարչապետ Նիկոլ Փաշինյանի առաջարկով ՀՀ նախագահ Արմեն Սարգսյանը Ատոմ Ջանջուղազյանին նշանակել է ֆինանսների նախարար։
• 2022 թվականից ՀՀ հաշվեքննիչ պալատի նախագահ։

Մանկավարժական գործունեությունը

• 1993-1995 թթ. - դասավանդել է Կ. Մարքսի անվան Երևանի պոլիտեխնիկական ինստիտուտում։
• 2007-2009 թթ. - դասավանդել է Հայաստանի պետական տնտեսագիտական համալսարանում։
• 2007-2010 թթ. - դասավանդել է ՀՀ պետական կառավարման ակադեմիայում։
• 2005 թ. նոյեմբերի 23-ին նշանակվել, իսկ 2010 թ. դեկտեմբերի 12-ին վերանշանակվել է Հայաստանի պետական ճարտարագիտական համալսարանի կառավարման խորհրդի անդամ։

Պարգևներ

• Անանիա Շիրակացու մեդալ։
• ՀՀ վարչապետի շնորհակալագիր։
• «Հայրենիքին մատուցած ծառայությունների համար» 2-րդ աստիճանի մեդալ (2015)

Անկուսակցական է։ Ամուսնացած է, ունի մեկ դուստր և երկու որդի։ Տիրապետում է ռուսերեն և անգլերեն լեզուներին։