Ատենադպիր Անդրեյան Ռատմանովի ապարանք
| Ատենադպիր Անդրեյան Ռատմանովի ապարանք | |
|---|---|
 | |
| Հիմնական տվյալներ | |
| Տեսակ | տեսարժան վայր, շենք և ճարտարապետական հուշարձան |
| Երկիր |  Ռուսաստան |
| Տեղագրություն | Բասմաննի շրջան |
| Հիմնական ամսաթվերը | 17-րդ դար |
| Ժառանգության կարգավիճակ | Ռուսաստանի դաշնային մշակութային ժառանգության օբյեկտ[1] |
| Հիմնադրված | 17-րդ դար |
 | |
 | |
 Ratmanov chambers Վիքիպահեստում | |
Ատենադպիր Անդրեյան Ռատմանովի ապարանք (ռուս.՝ Палаты дьяка Андреяна Ратманова), նախապետրոսյան ճարտարապետության հուշարձան Մոսկվայում (Բոլշոյ Կոզլովսկի նրբանցք, տուն 13/17)։ Կառուցվել է XVII դարի վերջին, վերակառուցվել XVIII դարի երկրորդ կեսին։ Ունի մշակութային ժառանգության դաշնային նշանակության օբյեկտի կարգավիճակ[2]։
Պատմություն
[խմբագրել | խմբագրել կոդը]Ավատային վարչության ատենադպիր Անդրեյան Ռատմանովի ապարանքը կառուցվել է XVII դարի վերջին։ XVIII դարի երկրորդ կեսին ապարանքը վերակառուցվել է և ստացել երկու կողաշենքով և գլխավոր տնով դասական առանձնատան տեսք։ XVIII դարի վերջում առանձնատունը պատկանել է Ի. Բ. Կոզլովսկուն, որի պատվին անվանվել են հարևան Բոլշոյ և Մալի Կոզլովսկի նրբանցքները[3]։
1800-1830-ական թվականներին առանձնատունը պատկանել է 1812 թվականի Հայրենական պատերազմի հերոս Վասիլի Ալեքսանդրովիչ Սուխովո-Կոբիլինին։ Առանձնատանը մեծացել են նրա զավակները՝ դրամատուրգ Ալեքսանդր Վասիլևիչ Սուխովո-Կոբիլինը, նկարչուհի Սոֆյա Վասիլևնա Սուխովո-Կոբիլինան և գրող Ելիզավետա Վասիլևնա Սուխովո-Կոբիլինան (Եվգենյա Տուր)։ Այնտեղ է ապրել նաև Սուխովո-Կոբիլինների երեխաների ուսուցիչը՝ Մոսկվայի համալսարանի պրոֆեսոր Ֆեոդոր Մորոշկինը։ Մեկ այլ ուսուցչի՝ պրոֆեսոր Նիկոլայ Նադեժդինի հետ, Ելիզավետա Սուխովո-Կոբիլինան ունեցել է ռոմանտիկ հարաբերություններ, բայց նրա ծնողները խանգարել են հարսանիքին[3]։
1960-ական թվականներին հայտնաբերվեց, որ առանձնատան ճակատը թաքցնում է XVII դարի ապարանքը։ Դրանից հետո սկսվեց ապարանքի սկզբնական տեսքի վերականգնումը, կցակառուցվեց առմուտք։ Այժմ ապարանքը տարբերվում է առանձնատան ավելի ուշ կառուցված մասերից ինչպես ճարտարապետությամբ, այնպես էլ ավելի բաց գույնով։ Շենքում տեղակայված է շահույթ չհետապնդող «Պուշկինյան գրադարան» հիմնադրամը[4]։
Ծանոթագրություններ
[խմբագրել | խմբագրել կոդը]- ↑ Постановление Совета Министров РСФСР № 1327 от 30.08.1960
- ↑ Дом (театр Юсуповых), конец XVIII в., с палатами XVII в. Արխիվացված 2018-05-13 Wayback Machine // data.mos.ru
- ↑ 3,0 3,1 Романюк С. К. Переулки старой Москвы. — М.: ЗАО Издательство Центрполиграф, 2013. — С. 687—688. — ISBN 978-5-227-04274-3
- ↑ Козловский Б., 13 / Харитоньевский Б., 17. Палаты Ратманова // mmsk.ru