Աշոտ Մարտիրոսյան (պետական գործիչ)

Աշոտ Մարտիրոսյան;
Ծնվել է	սեպտեմբերի 16, 1949 (74 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	ՀԱՊՀ
Մասնագիտություն	ճարտարագետ
Պարգևներ և ; մրցանակներ

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Անվան այլ կիրառումների համար տե՛ս՝ Աշոտ Մարտիրոսյան (այլ կիրառումներ)

Աշոտ Մերուժանի Մարտիրոսյան (սեպտեմբերի 16, 1949(1949-09-16), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ Միջուկային անվտանգության կարգավորման պետական կոմիտեի նախկին նախագահ (1993-2022)։

Կենսագրություն

Աշոտ Մարտիրոսյանը ծնվել է 1949 թվականի սեպտեմբերի 16-ին Երևանում։ 1973 թվականին ավարտել է Երևանի պոլիտեխնիկական ինստիտուտի Էներգետիկայի ֆակուլտետը։

Մինչ 1987 թվականը, ծառայել է որպես Հայկական ԱԷԿ-ի տուրբինային արտադրամասի պետ։ Ապա աշխատել է «Կովկասատոմէներգակարգավորում» պետական ձեռնարկությունում որպես գլխավոր ճարտարագետի տեղակալ։ 1992 թվականից մեկ տարով եղել է ՀՀ էներգետիկայի և վառելիքի նախարարության վարչության պետ։

1993 թվականից, ՀՀ միջուկային կարգավորման մարմնի ստեղծման հետ միասին, ծառայել է որպես գլխավոր պետ, այնուհետև, կարգավորման մարմնի վերակազմավորման և փոփոխման հետ միասին, եղել է նախ որպես ՀՀ ԿԱ ատոմային էներգիայի օգտագործման միջուկային և ռադիացիոն անվտանգության պետական հսկողության վարչության պետ (մինչև 2002), ապա՝ ՀՀ բնապահպանության նախարարության աշխատակազմի միջուկային և ճառագայթային անվտանգության պետական կարգավորման տեսչության պետ (մինչև 2008 թվական)։

2008 թ. սեպտեմբերի 17-ին ՀՀ վարչապետի որոշմամբ նշանակվել է ՀՀ կառավարությանն առընթեր միջուկային անվտանգության կարգավորման պետական կոմիտեի նախագահ^[1]։ Շարունակում է պաշտոնավարումը 2018 թվականի հունիսի 11-ի որոշմամբ որպես ՀՀ կառավարությանն առընթեր միջուկային անվտանգության կարգավորման պետական կոմիտեի իրավահաջորդ՝ ՀՀ միջուկային անվտանգության կարգավորման պետական կոմիտեում^[2]։

2022 թվականի ապրիլի 22-ին ըստ դիմումի ազատվել է պաշտոնից^[3]։ Ժամանակավոր պաշտոնակատարն է առաջին տեղակալ Խաչատուր Խաչիկյանը։

Պարգևներ

Արժանացել է ՀԽՍՀ Գերագույն Սովետի պատվոգրի և Անանիա Շիրակացու մեդալի^[4]։

Աղբյուրներ

[1] «Ա. ՄԱՐՏԻՐՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԻՋՈՒԿԱՅԻՆ ԱՆՎՏԱՆԳՈՒԹՅԱՆ ԿԱՐԳԱՎՈՐՄԱՆ ՊԵՏԱԿԱՆ ԿՈՄԻՏԵԻ ՆԱԽԱԳԱՀ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2021 թ․ փետրվարի 26-ին. Վերցված է 2015 թ․ հոկտեմբերի 3-ին.

[2] Որոշում--Հայաստանի Հանրապետության միջուկային անվտանգության կարգավորման կոմիտեի կանոնադրությունը հաստատելու մասին

[3] Աշոտ Մարտիրոսյանն ազատվել է միջուկային անվտանգության կարգավորման կոմիտեի նախագահի պաշտոնից

[4] Ա. Մ. ՄԱՐՏԻՐՈՍՅԱՆԻՆ ԱՆԱՆԻԱ ՇԻՐԱԿԱՑՈՒ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ

[1]

[2]

[3]

[4]