Աշոտ Մարգարյան
Աշոտ Մարգարյան | |||
| |||
---|---|---|---|
2017 փետրվարի 6 - 2017 հուլիսի 4 | |||
| |||
2016 հոկտեմբերի 18 - 2017 փետրվարի 6 | |||
| |||
2014 հունվար - 2016 հոկտեմբերի 18 | |||
Մասնագիտություն՝ | դիվանագետ և քաղաքագետ | ||
Ծննդյան օր | հոկտեմբերի 14, 1989 (34 տարեկան) | ||
Ծննդավայր | Երևան, Հայկական ԽՍՀ, ԽՍՀՄ | ||
Քաղաքացիություն | Հայաստան | ||
Հայր | Արմեն Մարգարյան |
Աշոտ Արմենի Մարգարյան (հոկտեմբերի 14, 1989, Երևան, Հայկական ԽՍՀ, ԽՍՀՄ), հայ հասարակական և պետական գործիչ, Արցախի Հանրապետության վարչապետի օգնական (2014-2016)[1], Հայաստանի վարչապետի օգնական (2016 հոկտեմբեր 18 - 2017 փետրվար 6)[2]։ ՀՀ Աշխատանքի և սոցիալական հարցերի նախարարի տեղակալ (2017 թ․փետրվար -2017-հուլիս[3]։ 2017 թ․ սեպտեմբերից Հայաստանի մանուկներ բարեգործական հիմնադրամի տնտեսական զարգացման ծրագրի պատասխանատու։
Կենսագրություն[խմբագրել | խմբագրել կոդը]
Ծնվել է 1989 թվականի հոկտեմբերի 14-ին Երևանում, Հայկական ԽՍՀ։ 2007-2009 թվականներին ծառայել է ՀՀ Զինված ուժերում, ստանալով ավագ սերժանտ կոչումը։ 2016 թվականի ապրիլին որպես կամավոր զորագրվել է պաշտպանության բանակ, իրականացրել մարտական ծառայություն[4]։
Կրթություն[խմբագրել | խմբագրել կոդը]
2006 թվականին գերազանցությամբ ավարտել է Երևանի Խաչատուր Աբովյանի անվան թիվ 84 դպրոցը։ 2006-2012 թվականներին սովորել և ավարտել է ԵՊՀ միջազգային հարաբերությունների ֆակուլտետը։ 2011 թվականի հոկտեմբեր-դեկտեմբեր ամիսներին Լոնդոնի LSI ուսումնական կենտրոնում անցել է մասնագիտական թարգմանության դասընթացներ։ 2012-2013 թվականներին «Լույս Արխիվացված 2018-10-24 Wayback Machine» կրթաթոշակի ծրագրի շրջանակներում Լոնդոնի համալսարանական քոլեջի սլավոնական և արևելաեվրոպական ուսումնասիրությունների դպրոցում ստացել է քաղաքականության, անվտանգության և ինտեգրացիայի մագիստրոսի կոչում։ 2015 թվականին հունվար-հունիս ամիսներին «Տավիտյան» կրթաթոշակով ուսանել է «Հանրային կառավարում և վարչարարություն» Ֆլետչերի իրավունքի և դիվանագիտության դպրոցում, Թաֆթս համալսարան, ԱՄՆ[5]։ 2016 թվականին Հայաստանի դիվանագիտական դպրոց ում վերապատրաստվել է միջազգային հարաբերություններ և դիվանագիտություն մասնագիտությամբ։
Աշխատանքային գործունեություն[խմբագրել | խմբագրել կոդը]
- 2013 հունիս-հոկտեմբեր, Միացյալ Թագավորությունում ՀՀ դեսպանատուն, հյուպատոսի օգնական, փորձաշրջան։
- 2013 հունիս-սեպտեմբեր, Միացյալ Թագավորությունում Պաղեստինի ներկայացուցչություն, հետազոտական փորձաշրջան։
- 2014-2016 - Եվրասիական հետազոտությունների և վերլուծության ինստիտուտի համանախագահ, Երեւանյան գրասենյակի տնօրեն։
- 2014-2016 - Արցախի Հանրապետության վարչապետի օգնական։
- 2016 հոկտեմբերի 18 - 2017 փետրվարի 6 ՀՀ վարչապետի օգնական։
- 2017 թ․ փետրվարի 6 - 2017 հուլիսի 4 ՀՀ Աշխատանքի և սոցիալական հարցերի նախարարի տեղակալ։
- 2017 թ․ սեպտեմբերից Հայաստանի մանուկներ բարեգործական հիմնադրամի տնտեսական զարգացման ծրագրի պատասխանատու։
Հասարակական ակտիվություն[խմբագրել | խմբագրել կոդը]
2012-ին մասնակցել է «Լույսի» «Զարգացնենք Հայաստանը միասին» ծրագրին, որտեղ նախաձեռնել է ԼՂՀ զոհված ազատամարտիկների թանգարանի նյութերի հինգ լեզուներով թարգմանությանը ՝ դրանք հասանելի դարձնելով օտարերկյա այցելուների համար[6]։ «Արցախի մարդիկ» նախաձեռնության հեղինակն է, որն իրենից Արցախի մարդկանցով ու բնակավայրերով ֆոտոպատմությունների շարք է ներկայացնում։ Այս նախաձեռնության կարգախոսն է` «Արցախը հայկական հող է և անկախ պետություն, ոչ թե հակամարտություն»։ Ներկայումս էջն ունի ավելի քան 12.500 հետևորդ՝ Հայաստանից և Սփյուռքից[7]։ Հանդիսանում է «Փայտփորիկներ» և մի շարք այլ հասարակական-սոցիալական նախաձեռնությունների հեղինակ (2014 թ. հունվարի 28)[8] : 2016 թվականին հիմնադրել է «Շելթր Քնսթրաքշն» սահմանափակ պատասխանատվությամբ ընկերությունը, որը սոցիալական նշանակություն ունեցող ծրագիր է և նպատակ ունի ապահովելու կացարանով միջին ու միջինից ցածր եկամտաբերություն ունեցող ընտանիքներին։
Գիտական գործունեություն[խմբագրել | խմբագրել կոդը]
Ունի երկու տասնյակից ավելի գիտական և վերլուծական հոդվածներ հայաստանյան և միջազգային մամուլում։
Ծանոթագրություններ[խմբագրել | խմբագրել կոդը]
- ↑ «Աշոտ Մարգարյանի կենսագրություն, ԼՂՀ կառավարության աշխատակազմի պաշտոնական կայք». Արխիվացված է օրիգինալից 2019 թ․ մարտի 30-ին. Վերցված է 2018 թ․ մարտի 2-ին.
- ↑ «Աշոտ Մարգարյանը նշանակվել է ՀՀ վարչապետի օգնական tert.am». Արխիվացված է օրիգինալից 2019 թ․ մարտի 30-ին. Վերցված է 2019 թ․ մարտի 14-ին.
- ↑ Աշոտ Մարգարյանը` Աշխատանքի և սոցիալական հարցերի նախարարի տեղակալ sputnik.am
- ↑ Առաջնագծի զինվորները. մաս 6 (լուսանկարներ), hetq.am
- ↑ Մարգարյանի կենսագրություն, ԼՂՀ կառավարության աշխատակազմի պաշտոնական կայք
- ↑ Հաջողության պատմություններ. Աշոտ Մարգարյանը նշանակվել է ԼՂՀ վարչապետի օգնական(չաշխատող հղում)
- ↑ Արցախի մարդիկ. աշխարհը կծանոթանա նրանց հետ(չաշխատող հղում)
- ↑ Արցախն աշխարհին է ներկայանում նոր բրենդով