Աիդա Ավետիսյան (կոմպոզիտոր)

Անվան այլ կիրառումների համար տե՛ս՝ Աիդա Ավետիսյան (այլ կիրառումներ)

Աիդա Ավետիսյան
Ծնվել է	ապրիլի 7, 1932(1932-04-07) Երևան, Հայկական ԽՍՀ, ԱԽՖՍՀ, ԽՍՀՄ
Երկիր	Հայկական ԽՍՀ և  Հայաստան
Մահացել է	2017
Մասնագիտություն	կոմպոզիտոր
Կրթություն	Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա
Անդամակցություն	Հայաստանի կոմպոզիտորների միություն
Պարգևներ	Հայաստանի արվեստի վաստակավոր գործիչ

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Աիդա Կոնստանտինի Ավետիսյան (ապրիլի 7, 1932(1932-04-07), Երևան, Հայկական ԽՍՀ, ԱԽՖՍՀ, ԽՍՀՄ - 2017), հայ կոմպոզիտոր։ Հայաստանի արվեստի վաստակավոր գործիչ (2014)։ Հայաստանի կոմպոզիտորների միության անդամ (1957)։

Կենսագրություն

Աիդա Ավետիսյանը ծնվել է 1932 թվականին Երևանում։ Ավարտել է Երևանի Պյոտր Չայկովսկու անվան երաժշտական դպրոցի դաշնամուրային և ստեղծագործական բաժինները, 1955 թվականին՝ Երևանի Կոմիտասի անվան պետական կոնսերվատորիայի կոմպոզիցիայի և դաշնամուրային բաժինները։ 1955 թվականին Էջմիածնի երաժշտական դպրոցում եղել է դաշնակահար-մանկավարժ, 1956 թվականից Վանաձորի Մ. Թավրիզյանի անվան երաժշտական ուսումնարանի ստեղծագործական դասարանում դասավանդել է տեսական առարկաներ, վոկալ, 1965-1966 թվականներին՝ Վանաձորի Շարա Տալյանի անվան երաժշտական դպրոցի տնօրեն, 1978-1988 թվականներին՝ Սպիտակի երաժշտական դպրոցի կոնսուլտանտ, միաժամանակ՝ Կիրովականի երաժշտական ուսումնարանի դաշնամուրային բաժնի վարիչ, 2005-2008 թվականներին՝ Վանաձորի Հովհաննես Թումանյանի անվան պետական մանկավարժական ինստիտուտի պետական քննությունների հանձնաժողովի նախագահ։

Հեղինակ է սիմֆոնիկ, կամերային, գործիքային, երգչախմբային, վոկալ ստեղծագործությունների։

Անդամակցություն

• Հայաստանի կոմպոզիտորների միության անդամ, 1957
• ԽՍՀՄ և Հայաստանի Երաժշտական ֆոնդի անդամ, 1975
• Համաքաղաքային փառատոների, մրցույթների ժյուրիի մշտական անդամ

Պարգևներ

• Լենինի անվան Հոբելյանական մեդալ, 1970
• «Աշխատանքի վետերան», 1988
• Հայաստանի արվեստի վաստակավոր գործիչ, 2014