ViewSonic

Վիքիպեդիայից՝ ազատ հանրագիտարանից
ViewSonic
Viewsonic logo.svg.png
Ընկերության տեսակ մասնավոր
Հիմնադրված է 1987
Հիմնադիր 1987
Վայր Բրեա
Գլխավոր անձինք Ջեյմս Չու
Արդյունաբերություն համակարգիչ
Արտադրանք էկրան
Հասույթ $1.2 մլրդ (2011)
Կայք www.viewsonic.com
ViewSonic Վիքիպահեստում

ViewSonic, համակարգչային տեխնիկայի արտադրող և մատակարար, որը մասնագիտացած է հեղուկաբյուրեղային մոնիտորների, ցուցասարքերի, պլազմային էկրանների, HDTV տեխնոլոգիաների և բջջային սարքավորումների մեջ։

Ընկերության վաճառքն աշխարհում տարեկան կտրվածքով կազմում է $1 միլիարդ ԱՄՆ դոլար։ Գլխամասը գտնվում է Բրեայում, Կալիֆորնիա, ԱՄՆ։

Պատմություն[խմբագրել | խմբագրել կոդը]

Ընկերությունը սկզբնապես հիմնադրվել է 1987 թվականին որպես Keypoint Technology Corporation։ 1990 թվականին թողարկվել է համակարգչային գունավոր մոնիտորների շարքը, որից քիչ անց ընկերությունը վերանվանվել է և ստացել ներկայիս անունը։ ViewSonic-ի հիմնադիրն ու գլխավոր գործադիր տնօրենն է Ջեյմս Չուն[1]։

ViewSonic-ի լոգոյի վրա պատկերված են ավստրալիական գունեղ գուլդովի ամադինա տեսակի թռչուններ։

1990-ական թվականների կեսերին ընկերությունը դարձավ կինեսկոպների ամենախոշոր արտադրողն աշխարհում՝ այնպիսի ապրանքանիշերի կողքին, ինչպիսիք են Sony Trinitron, NEC, MAG Innovision և Panasonic։ Հազարամյակի վերջին ViewSonic-ը դարձավ Ամերիկայի և Ճապոնիայի էկրանների ամենամեծ արտադրողը։

2000 թվականին ընկերությունը Nokia-ից գնեց էկրանների արտադրման բաժնեմաս[2]։

2005 թվականին ViewSonic-ը և Tatung-ը շահեցին իրենց դեմ՝ Մեծ Բրիտանիայում LG Philips Display-ի կողմից ներկայացված հայցը։[3]

Ծանոթագրություններ[խմբագրել | խմբագրել կոդը]

  1. James Chu 1/8 | Asian American Rags to Riches Success Stories | GoldSea
  2. ViewSonic Corporation Acquires Nokia Display Products' Branded Business (17 января 2000)
  3. Ф. Молцен Эдвард (2005-12-13)։ «ViewSonic побеждает в патентном споре»։ ChannelWeb Network (CMP Media LLC)։ Վերցված է 2007-07-07 

Արտաքին հղում[խմբագրել | խմբագրել կոդը]