Յուքոմ
Յուքոմ | |
|---|---|
_(1).png) | |
 | |
| Տեսակ | բիզնես ձեռնարկություն և բջջային կապի օպերատոր |
| Ընկերության տեսակ | Փակ բաժնետիրական ընկերություն |
| Հիմնադրված է | 2009 |
| Հիմնադիր | Հայկ Եսայան[1] |
| Վայր | Երևան, Հայաստան |
| Երկիր |  Հայաստան |
| Տնօրեն | Ռալֆ Յիրիկյան |
| Արդյունաբերություն | Հեռահաղորդակցություն |
| Արտադրանք | Ֆիքսված ինտերնետ, IP հեռախոսակապ,շարժական հեռախոսակապ և շարժական ինտերնետ, հեռուստատեսություն, IP հեռուստատեսություն |
| Նախկին | Օրանժ Արմենիա |
| Կայք | ucom.am |
 Ucom Վիքիպահեստում | |
«Ucom ՓԲԸ» (անգլ․՝ Ucom CJSC), Հայաստանում գործող հեռահաղորդակցության ծառայություններ մատուցող առաջատար ընկերություն, որն առաջարկում է ինտերնետի, IPTV հեռուստատեսության, ֆիքսված և շարժական կապի ծառայություններ, ինչպես նաև կոնվերգենտ փաթեթներ։
Ընկերության ծառայությունները հասանելի են Հայաստանի ամբողջ տարածքում, Գլխավոր գրասենյակը գտնվում է Երևանում: Ucom-ն ունի վաճառքի և սպասարկման 75 կենտրոն, որոնցից 52-ը գործում են մարզերում, իսկ 23-ը՝ Երևանում[2]։
Ucom-ի գլխավոր տնօրենն է Ռալֆ Յիրիկյանը։
Անվանումը
[խմբագրել | խմբագրել կոդը]Ucom անվանումը նշանակում է Universal Communications.
Ծառայություններ
[խմբագրել | խմբագրել կոդը]Ucom-ը[3] տրամադրում է՝
- շարժական կապ և շարժական ինտերնետ
- ֆիքսված գերարագ ինտերնետ
- հեռուստատեսություն (IPTV և OTT)
- թվային հեռախոսակապ
- կոնվերգենտ ծառայություններ
Պատմություն
[խմբագրել | խմբագրել կոդը]Ucom-ը հիմնադրվել է 2009 թվականին և իր գործունեությունը սկսել է որպես հեռուստատեսության (IPTV), ինտերնետ կապի և թվային հեռախոսակապի ծառայություններ մատուցող ընկերություն։ Սկզբնական փուլում ընկերությունը ներդրել է «օպտիկա դեպի տուն» (FTTH) լուծումը, որը հնարավորություն է տվել տրամադրել IP հեռուստատեսություն, գերարագ ինտերնետ և թվային հեռախոսակապ։
2010 թվականին Ucom-ը դարձել է Հայաստանի խոշորագույն մեծածախ օպերատորներից մեկը՝ Հայաստանի և Վրաստանի միջև սեփական օպտիկամանրաթելային կապուղու գործարկման շնորհիվ։
2011 թվականին ընկերությունը սկսել է տարանցիկ ինտերնետ մատակարարել Մերձավոր Արևելքի երկրներին։ Նույն թվականին Ucom-ը ձեռք է բերել «Այքան Քոմյունիքեյշնս» ՓԲ ընկերության 100% բաժնետոմսերը, որը Երևանում տրամադրում էր լայնաշերտ ինտերնետ կապ՝ WiMAX տեխնոլոգիայի և Alcatel-Lucent բազային կայանների կիրառմամբ[4]։
2012 թվականին ընկերությունը ձեռք է բերել «Ինտերակտիվ Թիվի» ՍՊ ընկերության 100% բաժնեմասերը, որը մատուցում էր թվային հեռուստատեսության ծառայություններ Երևանում։
2013 թվականին Ucom-ը ստացել է հանրային շարժական ինտերնետ կապի ծառայություններ մատուցելու լիցենզիա, իսկ 2015 թվականին ձեռք է բերել «Օրանժ Արմենիա» ՓԲ ընկերության 100% բաժնետոմսերը՝ մուտք գործելով Հայաստանի շարժական կապի շուկա։ 2016 թվականին ընկերությունը ՀՀ ամբողջ տարածքում գործարկել է 4G+ ցանցը։
Նույն թվականին հիմնադրվել է Յուքոմ Հիմնադրամը, որը հանդիսանում է ընկերության բարեգործական և մարդասիրական ծրագրերի հիմնական հարթակը։
2017 թվականին Ucom-ը Speedtest by Ookla ընկերության կողմից ճանաչվել է որպես «Հայաստանում ամենաարագ շարժական ցանց 2017»[5]։ Նույն թվականին Սան Ֆրանցիսկոյում կայացած Calix ընկերության հաճախորդների խորհրդի նիստում Ucom-ը և Calix-ը հայտարարել են Հայաստանում NG-PON2 տեխնոլոգիայի ներդրման մասին, որը հնարավորություն է տվել ապահովել մինչև 10 Գբիթ/վ թողունակությամբ օպտիկական ցանց[6]։
2017 թվականի ապրիլին Ucom-ը և «ՖՈՐԱ-ԲԱՆԿ» բաժնետիրական առևտրային բանկը ստորագրել են գործակցության համաձայնագիր, որի շրջանակում իրականացվել են ներդրումային ծրագրեր՝ ուղղված 4Play կոնվերգենտ առաջարկների և 4G+ ցանցի ընդլայնմանը[7]։
2018 թվականին ընկերությունը ընդլայնել է իր 4G+ ցանցը՝ ապահովելով 98,05% ծածկույթ։ Նույն թվականին Ucom-ը սկսել է HD որակի հեռուստաբովանդակության ընդլայնման ուղղությամբ աշխատանքներ, ինչպես նաև գործարկել է uKid և uFleet նախագծերը՝ շարունակելով ինժեներական կրթությանը վերաբերող կորպորատիվ սոցիալական պատասխանատվության ծրագրերը։
2019 թվականին Ucom-ը թողարկել է դոլարային և դրամային պարտատոմսեր՝ համապատասխանաբար 7.5% և 11% տարեկան եկամտաբերությամբ, որոնք ցուցակվել են Հայաստանի ֆոնդային բորսայում (AMX)[8]։ Նույն թվականին ընկերությունը տարածաշրջանում առաջիններից է գործարկել eSIM տեխնոլոգիան և հանդիսացել է WCIT 2019 համաշխարհային տեխնոլոգիական համաժողովի տեխնոլոգիական հովանավորներից մեկը։
2021 թվականին Ucom-ը Speedtest by Ookla ընկերության կողմից ճանաչվել է որպես «Հայաստանում ամենաարագ ֆիքսված ցանց 2021»[9]։ Նույն թվականին ընկերությունը գործարկել է «Unity» կոնվերգենտ փաթեթը, որը ներառում է շարժական կապ, գերարագ ֆիքսված ինտերնետ, IPTV, WiFi 6 սարք և մինչև չորս հավելյալ SIM քարտեր հատուկ սակագնով։
2022 թվականին Ucom-ը հիմնադրել է զանգերի և սպասարկման կենտրոն Վանաձոր քաղաքում՝ նպատակ ունենալով զարգացնել մարզերի աշխատաշուկան և ստեղծել նոր աշխատատեղեր։[10] Նույն թվականին ընկերությունը Speedtest by Ookla ընկերության կողմից ստացել է «Հայաստանում ամենաարագ ֆիքսված ցանց 2022» և «Հայաստանում ամենաարագ շարժական ցանց 2022» մրցանակները[11]։
2023 թվականից սկսած Ucom-ը, իր ցանցի ընդլայնման ռազմավարական ծրագրի շրջանակներում, ընդլայնել է ֆիքսված կապի ցանցը մի շարք մարզային քաղաքներում՝ Գորիս, Գավառ, Իջևան, Սևան, Աշտարակ, Արտաշատ, Նոր Հաճն, Բյուրեղավան և Եղվարդ, ինչպես նաև Ջրվեժ և Զովունի գյուղերում և Երևանի Քանաքեռ, Հին Ավան, Անաստասավան, Հաղթանակ և Սիլիկյան թաղամասերում։
Նույն թվականին ընկերությունը ստացել է կառավարման համակարգի ISO 9001 և տեղեկատվական անվտանգության ISO/IEC 27001 միջազգային ստանդարտներին համապատասխանության հավաստագրեր[12]։
2024 թվականին Ucom-ը գործարկել է նոր սերնդի 5G ցանցը, որը տարեվերջին հասանելի է եղել 28 քաղաքում և Բագրատաշենի սահմանային անցակետում։ Նույն թվականին ընկերությունը ներդրել է պահուստային համակարգեր՝ կապի կայունության և արագության բարձրացման նպատակով, ինչպես նաև ընդլայնել է ֆիքսված ինտերնետի և հեռուստատեսության ծածկույթը ևս չորս քաղաքում[13]։
2025 թվականի ապրիլին Ucom-ը համագործակցություն է սկսել բրիտանական Cerillion ընկերության հետ՝ համակցված OSS/BSS համակարգի ներդրման ուղղությամբ, որի նպատակն է ընկերության ծառայություններն ու հաճախորդների տվյալները տեղափոխել միասնական հարթակ[14]։
Նույն թվականի ապրիլին Ucom-ը գործարկել է Uplay հեռուստատեսային և մեդիա հարթակը՝ MediaKind ընկերության հետ համագործակցությամբ։ Հարթակը առաջարկում է բազմաթիվ սարքերով համաժամանակյա դիտման հնարավորություն, Android Smart Box լուծում, ավելի քան 200 հեռուստաալիք և ֆիլմերի ու սերիալների բովանդակություն, այդ թվում՝ Armflix-ի արտադրանքը։ Uplay-ը հասանելի է նաև OTT ձևաչափով[15]։
2025 թվականի հունիսին ընկերությունը գործարկել է 5G ցանցը Երևանում[16]։ Լայնածավալ տեխնիկական աշխատանքների արդյունքում 5G ցանցը հասանելի է դարձել 48 քաղաքներում և ավելի քան 600 բնակավայրերում, ինչպես նաև հիմնական ավտոմայրուղիներում և սահմանային անցակետերում։ Ցանցը կառուցվել է Nokia ընկերության հետ համագործակցությամբ և հասանելի է դարձել Հայաստանի բնակչության շուրջ 94.5 տոկոսի համար։[17]
Ucom-ը պատկանում է Գալաքսի ընկերությունների խմբին։
Մրցանակներ և հավաստագրեր
[խմբագրել | խմբագրել կոդը]Ucom-ն ստացել է Speedtest by Ookla մրցանակներ՝ ըստ ինտերնետ արագության հիման վրա իրականացված չափումների․
- 2017թ․ – «Հայաստանում ամենաարագ շարժական ցանց 2017» մրցանակ[5]
- 2021թ․ – Հայաստանում ամենաարագ ֆիքսված ցանց 2021» մրցանակ[9]
- 2022թ․ – «Հայաստանում ամենաարագ ֆիքսված ցանց 2022» և «Հայաստանում ամենաարագ շարժական ցանց 2022» մրցանակներ[11]
- 2023թ․-ին Ընկերությունն ստացավ կառավարման համակարգի ISO 9001 և տեղեկատվական անվտանգության բարձր ստանդարտին համապատասխանելու ISO/IEC 27001 հավաստագիր։
- 2025թ․-ին Ucom-ն ստացավ ISO 37001 և ISO 37301 ՝ Կոռուպցիայի և կաշառակերության հակազդման և Համապատասխանության կառավարման համակարգի (Compliance Management System) միջազգային ստանդարտի հավաստագրեր։
Կորպորատիվ սոցիալական պատասխանատվություն
[խմբագրել | խմբագրել կոդը]Ucom-ը մշտապես ներդրում է կատարում Հայաստանի տեխնոլոգիական առաջընթացում, նպաստում է երիտասարդների համար տեխնոլոգիական կրթության հասանելիությանը, աջակցում է վերականգնվող էներգիայի կիրառմանը և կանաչ նախաձեռնությունների իրագործմանը՝ աջակցելով համայնքների կայունությանը։
Գործընկերներ
[խմբագրել | խմբագրել կոդը]2024 թվականին Ucom-ը հայտարարել է ցանցի արդիականացման նոր փուլի մեկնարկի մասին, որի շրջանակում Երևանում ստորագրվել են համագործակցության համաձայնագրեր Nokia և MediaKind ընկերությունների հետ։
2025 թվականի ապրիլին Ucom-ը սկսել է համագործակցություն բրիտանական Cerillion ընկերության հետ՝ համակցված OSS/BSS համակարգի ներդրման նպատակով, որը նախատեսված է ընկերության ծառայությունների և հաճախորդների տվյալների տեղափոխման համար միասնական հարթակ։ Համակարգը հիմնված է ավտոմատացված կառավարման լուծումների վրա։
Ծանոթագրություններ
[խմբագրել | խմբագրել կոդը]- ↑ https://web.archive.org/web/20190921212437/https://www.ucom.am/en/news/2019/08/21/first-corporate-bonds-of-ucom-allowed-to-trade-on-amx-stock-exchange/320/
- ↑ «Վերաբացվեց Ucom-ի վաճառքի և սպասարկման կենտրոնը Տիգրան Մեծի պողոտայում». news.am. 2026-01-21. Վերցված է 2026-01-21-ին.
- ↑ «Անհատներ». Ucom. Վերցված է 2026-01-21-ին.
- ↑ «Յուքոմ-ը ձեռք է բերում Այքան Քոմունիքեյշնս ընկերությունը». iTel.am. Վերցված է 2026-01-21-ին.
- ↑ 5,0 5,1 «Լուրեր Հայաստանից - Tert.am». tert.am. Վերցված է 2026-01-21-ին.
- ↑ «Սան Ֆրանցիսկոյում Ucom-ի եւ Calix-ի ներկայացուցիչները ուրվագծել են հեռահաղորդակցության ոլորտի ապագան (Ֆոտո)». news.am. 2026-01-21. Վերցված է 2026-01-21-ին.
- ↑ Technologies, Peyotto. «Ucom-ը և «Ֆորա-Բանկ»-ը կգործակցեն հեռահաղորդակցության ոլորտում». Վերցված է 2026-01-21-ին.
- ↑ «Ucom-ը թողարկում է դոլարային և դրամային պարտատոմսեր». www.1lurer.am. 2019-05-17. Վերցված է 2026-01-21-ին.
- ↑ 9,0 9,1 www.speedtest.net https://www.speedtest.net/awards/armenia/2021/?award_type=isp&time_period=q1-q2. Վերցված է 2026-01-21-ին.
{{cite web}}: Missing or empty|title=(օգնություն) - ↑ «Ucom-ի զանգերի սպասարկման կենտրոնը Վանաձորում 1 տարեկան է (տեսանյութ)». url.past.am. 2026-01-21. Վերցված է 2026-01-21-ին.
- ↑ 11,0 11,1 «Լուրեր Հայաստանից - Tert.am». tert.am. Վերցված է 2026-01-21-ին.
- ↑ «Լուրեր Հայաստանից - Tert.am». tert.am. Վերցված է 2026-01-21-ին.
- ↑ «5G ցանցի գործարկումը կշարունակվի. Ucom-ն ամփոփել է 2024 թվականը». iTel.am. Վերցված է 2026-01-21-ին.
- ↑ «Ucom selects Cerillion for digital BSS/OSS transformation». Cerillion (անգլերեն). Վերցված է 2026-01-21-ին.
- ↑ «Ucom-ը ներկայացնում է UPlay-ը՝ տալով ժամանցի նոր դարաշրջանի մեկնարկը». news.am. 2026-01-21. Վերցված է 2026-01-21-ին.
- ↑ «Ucom-ը գործարկեց 5G ցանց Հայաստանի բոլոր մարզերում և Երևանում». How2B. 2025-06-13. Վերցված է 2026-01-21-ին.
- ↑ Limited, Clover Media (2025-12-16). «Ամենալայն 5G ծածկույթի ապահովում, Uplay հարթակի գործարկում, Cerillion-ի ներդնում․ Ucom-ն ամփոփում է 2025 թվականը». b24.am. Վերցված է 2026-01-21-ին.
Արտաքին հղումներ
[խմբագրել | խմբագրել կոդը]- Պաշտոնական կայք(հայ.)(անգլ.)(ռուս.)