Յուքոմ

Վիքիպեդիայից՝ ազատ հանրագիտարանից
Յուքոմ
Ucom Armenia Logo.jpg
Տեսակ բիզնես ձեռնարկություն
Ընկերության տեսակ ՍՊԸ
Հիմնադիր 2009
Վայր Երևան
Երկիր Flag of Armenia.svg Հայաստան
Գլխավոր անձինք Հայկ Եսայան
(գլխավոր տնօրեն)
Ալեքսանդր Եսայան
(Փոխտնօրեն, Զարգացման գծով տնօրեն)
Արամ Բարսեղյան
(կոմերցիոն տնօրեն)
Տիգրան Սաֆարյան
(Մարկետինգի և Հաղորդակցության տնօրեն)
Կարեն Շաբոյան
(վաճառքի բաժնի ղեկավար)
Արդյունաբերություն Հեռահաղորդակցություն
Արտադրանք

4 Play (Quad Play) ծառայություններ

Ֆիքսված ինտերնետ, IP հեռախոսակապ, Շարժական հեռախոսակապ և ինտերնետ, IPTV, Տեսավարձույթ (VoD)
Դուստր ընկերություններ Օրանժ Արմենիա
Կայք www.ucom.am

«Յուքոմ» (անգլ.՝ Ucom, բացվում է որպես Universal Communications թարգմանաբար՝ Ունիվերսալ հեռահաղորդակցություն), սահմանափակ պատասխանատվությամբ ընկերություն , Հայկական հեռահաղորդակցության կոնվերգենտ ծառայություններ մատուցող հայաստանյան ընկերություն:

Պատմություն[խմբագրել | խմբագրել կոդը]

2009թ.-ին հայկական հեռահաղորդակցության շուկա մուտք գործելուց ի վեր Յուքոմ ընկերությունը հայ սպառողին տրամադրում է նորագույն տեխնոլոգիաներով համակցված բարձրորակ ծառայություններ: Ընկերության առանցքային նպատակը մշտապես եղել է բաժանորդների համար ոլորտի ամենավերջին նորարար տեխնոլոգիական լուծումների հասանելիության ապահովումը: Յուքոմը առաջինն էր, որ հայ սպառողին ներկայացրեց «օպտիկա դեպի տուն» լուծումը, որն ապահովում է բարձրորակ հեռուստատեսություն (IPTV), գերարագ ինտերնետ կապ և թվային հեռախոսակապ: Գիտակցելով հայ հեռահաղորդակցության շուկայի ներուժը՝ ընկերությունը կարճ ժամանակում ոչ միայն կարողացավ կայուն դիրք ամրապնդել հայկական ամրակցված լայնաշերտ ինտերնետի շուկայում, այլև դարձավ խոշորագույն մեծածախ օպերատորը Հայաստանում՝ շնորհիվ Հայաստանը Վրաստանի հետ կապող սեփական օպտիկամանրաթելային կապուղու: Սա ընկերությանը թույլ տվեց տարանցիկ ինտերնետ մատակարարել Մերձավոր Արևելք, այսպիսով ապահովելով երկրի հեռահաղորդակցության ոլորտի կարևորությունը տարածաշրջանում:

Համաշխարհային հեռահաղորդակցության շուկայի միտումներից հետ չմնալով՝ 2013թ.-ին ընկերությունը ստացավ հանրային շարժական ինտերնետ կապի ծառայություններ մատուցելու լիցենզիա, իսկ 2015թ.-ին ձեռք բերեց Օրանժ Արմենիա ընկերության 100% բաժնեմասը՝ այսպիսով մուտք գործելով նաև Հայաստանի շարժական կապի շուկա: Այս զարգացումը հնարավորություն ստեղծեց` ամբողջ Հայաստանում միջազգային լավագույն չափանիշներին համապատասխանող ամենաարագ 4G+ ցանցը գործարկելու, ինչպես նաև ընկերության համակցված ծառայությունները համալրելու՝ բաժանորդներին հասանելի դարձնելով, IP հեռուստատեսության, ֆիքսված ու շարժական հեռախոսակապի և ինտերնետ ծառայությունների ամբողջական՝ «4-ը 1-ում», փաթեթը:

2017 թվականին Սան Ֆրանցիսկոյում կայացած տեխնիկական առաջատար լուծումներ առաջարկող Calix ընկերության հաճախորդների խորհրդի նիստում Յուքոմ և Calix ընկերությունները հայտարարեցին Հայաստանում NG-PON2 (New Generation Passive Optical Network / նոր սերնդի պասիվ օպտիկական ցանց) տեխնոլոգիայի ներդրման մասին, ինչը հնարավորություն կտա Յուքոմին ապահովելու 10 գիգաբիթ/վայրկյան թողունակությամբ գերժամանակակից ցանց։[1] NG-PON2 ցանցի կառուցմամբ հնարավոր կլինի ապահովելու ծառայությունների ավելի բարձր որակ, մեծ արագություններ, անվտանգություն և նոր ծառայություններ։

2017թ.-ի ապրիլին Յուքոմ ընկերությունը և «ՖՈՐԱ-ԲԱՆԿ» բաժնետիրական առևտրային բանկը («Տաշիր» ընկերությունների մաս է) ստորագրեցին գործակցության համաձայնագիր հեռահաղորդակցական ծառայությունների ամբողջական սպեկտորը ներկայացնող նախագծերի շուրջ, որոնք ներառում են Հայաստանի ողջ տարածքը, այդ թվում՝ դրա առավել հեռավոր շրջանները: Համաձայնագրով սահմանված ներդրումային ծրագրի իրականացումը թույլ կտա երկրում ընդլայնել 4Play առաջարկներն ու 4G+ ցանցը: Ապագա պլաններում է նաև գործունեության աշխարհագրական ընդլայնումը, այդ թվում՝ Ռուսաստանի տարածքում, ինչը Յուքոմ ընկերությանը թույլ կտա դառնալ առաջատար համահայկական հեռահաղորդակցության օպերատոր:

Հայաստանում նորագույն և նորարարական տեխնոլոգիաներ ներդնելուց զատ, Յուքոմ ընկերությունը նաև մշտապես ակտիվ գործունեություն է ծավալել կորպորատիվ սոցիալական պատասխանատվության ոլորտում՝ կյանքի կոչելով, մասնավորապես, կրթության ոլորտի և երեխաների զարգացմանն ուղղված մի շարք ծրագրեր: Ընկերության աջակցությամբ ՀՀ դպրոցներում բացվել են համակարգչային և ինժեներական լաբորատորիաներ՝ այսպիսով նպատակ ունենալով խթանել մեր երկրում ՏՀՏ ոլորտի զարգացումը: Ընկերությունը նաև աջակցում է հասարակության սոցիալապես անապահով խմբերին՝ շարունակելով իրականացնել «Պահենք երեխաներին ընտանիքում» SMS բարեգործական նախագիծը, որի շրջանակներում ընտանիքներին տրամադրվում են միջոցներ, ինչը ծնողներին թույլ է տալիս ստեղծել կայուն եկամտի աղբյուր և ընտանիք վերադարձնել պետական հաստատությունների հոգածությանը հանձնված իրենց երեխաներին: Ընկերությունը նաև իրականացնում է «Լույս հայի աչքերին» ծրագիրը, որի շրջանակներում ՀՀ մարզային բնակիչներին անվճար հիմունքներով մատուցվում են որակյալ ակնաբուժական ծառայություններ:


Յուքոմ Հիմնադրամ[խմբագրել | խմբագրել կոդը]

Լինելով հայկական ընկերություն՝ Յուքոմը միշտ կարևորել է կորպորատիվ պատասխանատվության և բարեգործության գաղափարները՝ միջոցներ ներդնելով Հայաստանի տարբեր ոլորտների զարգացման մեջ: Շարունակելով իր գործն ու առաքելությունը, ինչպես նաև կարևորելով և պահպանելով Օրանժ Հիմնադրամի ծավալած գործունեությունը՝ 2016 թվականին հիմնվեց Յուքոմ Հիմնադրամը՝ որպես Յուքոմ ընկերության բարեգործական և մարդասիրական ծրագրերի իրականացնող հիմնական կառույց: Հիմնադրամի առաքելությունն է օգնել հայ հասարակության խոցելի խմբերին, բարելավել մարդկանց կյանքը՝ ստեղծելով նրանց համար կայուն եկամտի աղբյուրներ, վերամիավորել ընտանիքներ, աջակցել կայուն և ապահով հասարակության ձևավորմանը, կրթել առողջ և զարգացած սերունդ և ստեղծել հետագա զարգացման հնարավորություններ: Յուքոմ Հիմնադրամը աջակցում է բարեգործական ծրագրերի իրականացմանն առողջապահության, կրթության և մշկութային ոլորտներում: Յուքոմ Հիմնադրամի նորությունները՝ https://www.ucom.am/hy/news-foundation:

Գլխավոր դերակատարներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]