Jump to content

To Know Him Is to Love Him (երգ)

Վիքիպեդիայից՝ ազատ հանրագիտարանից
«To Know Him Is to Love Him (երգ)»
The Teddy Bears?ի երգը
Ժանրփոփ
Լեզուանգլերեն
ՀեղինակՖիլ Սպեկտոր[1]
ԿոմպոզիտորՖիլ Սպեկտոր[1]
Արտաքին տեսաֆայլեր
Երգը Դոլի Պարտոիը, Լինդա Ռոնստադտի և Էմիլ Խարիսի կատարմամբ
Երգը Էմի Ուայնհաուսի կատարմամբ

«To Know Him Is to Love Him» (հայերեն՝ ճանաչել նրան՝ նշանակում է սիրել նրան) Ֆիլ Սպեկտորի գրած երգը, որը ստեղծվել է հոր գերեզմանին հնչած «To Know Him Was To Love Him» նախադասության հիման վրա[2]։ Առաջին անգամ երգը թողարկվել է 1958 թվականին և մինչ օրս կատարվել է բազմաթիվ հայտնի երգիչների կողմից։ Բազմիցս հայտնվել է երաժշտական հիթ–շքերթների վերին սանդղակներում, գլխավորել է Billboard Hot 100-ը՝ 1958 թվականի The Teddy Bears խմբի երգի բնօրինակ կատարմամբ։ Երգը 1987 թվականի մայիսի 16-ին Hot Country Songs քանթրի հիթ–շքերթում Դոլլի Փարթոնի, Լինդա Ռոնստադտի և Էմիլ Հարիս եռյակի մասնակցությամբ զբաղեցրել է առաջին տեղը[3]։ Ստեղծագործությունը գրվել է 12/8 չափի մեջ։

1958 թվականին The Teddy Bears խմբի կողմից երգի կատարման բնօրինակ տարբերակ

[խմբագրել | խմբագրել կոդը]

Երգի առաջին տարբերակը կատարվել է The Teddy Bears խմբի կողմից, որտեղ հանդես էր գալիս Ֆիլ Սպեկտորը։ Փորձերից հետո նրանք երգը ձայնագրել են հոլիվուդյան Gold Star Studio ստուդիայում՝ 20 րոպեի ընթացքում[4]։ Ստեղծագործությունը հրապարակել է նոր բացված Dore ձայնագրման լեյբլը։ Ձայնապնակը թողարկվել է ռադիոկայանում, 500 օրինակով՝ 1958 թվականի օգոստոսին[5]։ Երգի մասին սկզբում որևէ արձագանք չի եղել, խմբի երկու անդամներ լքել են խումբը և գնացել են քոլեջում սովորելու[5]։

Սեպտեմբերին Հյուսիսային Դակոտա նահանգի Ֆարգո քաղաքից մի դիջեյ հանկարծ ձայնապնակը պտտել է «Բ» կողմի վրա և եթեր հեռարձակել «To Know Him Is to Love Him» երգը։ Շուտով Մինեապոլիս քաղաքից երգի 18 հազար ձայնապնակի պատվեր է ստացվում։ Երգն հայտնվում է է հիթ շքերթում, իսկ The Teddy Bears խումբը՝ American Bandstand հեռուստաշոուում[5]։ Դեկտեմբերի 1-ին երգը զբաղեցրել է Billboard Hot 100-ի առաջին հորիզոնականը, որտեղ մնացել է երեք շաբաթ[4][6]։ Մինչև Սուրբ Ծնունդը վաճառվել է երգի ավելի քան մեկ միլիոն կրկնօրինակ[5]։

Դոլի Պարտոնի, Լինդա Ռոնստադտի և Էմիլ Խարիսի տարբերակ․ 1987 թվական

[խմբագրել | խմբագրել կոդը]

1987 թվականի մարտին «To Know Him Is to Love Him» երգի ևս մեկ հայտնի տարբերակ են առաջարկել քանթրի ոճի երգչուհիներ Դոլի Պարտոնը, Լինդա Ռոնստադտը և Էմիլ Խարիսը՝ իրենց համատեղ՝ Trio ալբոմում[7]։ Նրանք ընտրել են այս ստեղծագործությունը՝ ներշնչվելով 1950-ական թվականներին կանանց վոկալ երգչախմբի աշխատանքներով, և այն նվիրել են տղամարդկանց, որոնց հետ տվյալ պահին կապել են իրենց կյանքը[8]։ Երգը թողարկվել է նաև ՝որպես սինգլ, 1987 թվականի մայիսի 16-ին գլխավորել է Billboard ամսագրի Hot Country Songs-ը[9]։

Վոկալային մեկնարկային հատվածը վստահվել է Խարիսին, իսկ Ռոնստադտը և Պարտոնը երգել են հարմոնիկ հաջորդականությամբ[7][10]։ Ձայնագրմանը մասնակցել են գործիքավորողներ, որոնց վաղուց ճանաչում էին Խարիսն ու Ռոնստադտը՝ Ալբերտ Լին՝ ակուստիկ կիթառ, Ռայ Կուդեր՝ կիթառ, Դեյվիդ Լինդլի՝ ակուստիկ հավայան կիթառ, Մարկ Օ կոնոր՝ մանդոլին և Քենի Էդվարդս՝ ակուստիկ բաս[10][11]։

Երգի համար նկարահանվել է տեսահոլովակ, որում երգչուհիները նստած են Ռոնստադտ հյուրասենյակում՝ վառարանի մոտ, զրուցում են, ծիծաղում և վալենտինկաներ պատրաստում[12]։ Սեղանի վրա համապատասխանաբար դրված են Ջորջ Լուկասի՝ Ռոնստադտի ընկերոջ, Պոլ Քեներլիի՝ Խարիսի ամուսնու և Կառլ Թոմասի՝ Պարտոնի ամուսնու նկարները։ Լուկասը եղել է տեսահոլովակի ռեժիսորը[8][12]։ Նա նշել է, որ ձգտել է ստեղծել «ջեյնօսթինյան» մթնոլորտ[8]։

Այլ տարբերակներ

[խմբագրել | խմբագրել կոդը]
  • The Beatles խումբը երգը ներկայացրել են իրենց Decca լեյբլում (այս կատարման ձայնագրությունը մինչ օրս պաշտոնապես չի հրապարակվել, չնայած պահպանվում է ոչ պաշտոնական քիչ հայտնի՝ The Complete Silver Beatles ձայնապնակի վրա, որը թողարկվել է 1982 թվականի սեպտեմբերին՝ Audio Fidelity ձայնագրման ստուդիայում[13])։ Դրանից հետո երգը մնացել է խմբի կենդանի կատարումների երգացանկում։ Երգի տարբերակներից մեկը Բրիտանական հեռարձակման կորպորացիայի համար (ձայնագրվել է 1963 թվականի հուլիսի 16-ին և եթեր է հեռարձակվել օգոստոսի 6-ին)[14]) հրապարակվել է 1994 թվականին՝ Live at the BBC ալբոմում (երգի տեքստում փոքրիկ փոփոխություններ են կատարվել, իսկ ստեղծագործությունը ստացել է «To Know Her Is to Love Her» անվանումը)։
  • «To Know You Is to Love You» անվանումով երգը ձայնագրվել է Մարկ Բոլանի կողմից Գլորիա Ջոնսի, Գարի Գլիտերի, Peter & Gordon և Բաբի Վինտոն դուետի հետ։
  • 1972 թվականին քավեր տարբերակը ձայնագրվել է Ջոդի Միլլերի կողմից։
  • 1973 թվականին Ջոն Լենոնը ձայնագրել է տվյալ երգի տարբերակներից մեկը Ֆիլ Սպեկտրի հետ՝ Լենոնի՝ Rock ’n’ Roll ալբոմին նվիրված նախնական լսումների ժամանակ։ Այս տարբերակը բոլորովին նման չէր «Beatles» խմբի տարբերակին և հնչում էր զգալի զուսպ[14]։ Երգն ավելի ուշ թողարկվել է Menlove Ave (1986) ալբոմում։
  • Երգի քավեր տարբերակը ներառվել է Steeleye Span խմբի Now We Are Six ալբոմում (1974 թվական)։
  • 2007 թվականին երգի ակուստիկ տարբերակը ձայնագրվել է Էմի Ուայնհաուսի կողմից՝ «You Know I’m No Good» սինգլի «Բ» կողմի վրա։ Ավելի ուշ երգն ըդգրկվել է The Saturday Sessions ալբոմի հավաքածուում։
  • 2007 թվականին երգը ձայնագրվել է Իհիլ Յունսոն, Jill Johnson-ի և Լիզա Միսկովսկիի կողմից՝ Յունսոնի Music Row ալբոմի համար[15]։
  • 2010 թվականի հուլիսի 10-ին երգը կատարվել է Դեյվիդ Գիլմորի և Ռոջեր Ուոթերսի համատեղությամբ՝ Hoping Foundation բարեգործական հիմնադրամի շրջանակներում[16], ինչը դարձել է նրանց համատեղ առաջին ելույթը 2005 թվականի հուլիսից հետո, երբ Pink Floyd խումբն իր դասական կազմով ելույթ է ունեցել Live 8 համերգաշարի շրջանակներում։
  • 2011 թվականին շվեդ երգչուհի Կիկի Դանիելսոնը ձայնագրել է այդ երգի քավեր տարբերակը՝ իր Första dagen på resten av mitt liv ալբոմի համար[17]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 ISWC-Net
  2. ↑ Charles Montaldo. «Profile of Phil Spector» (անգլերեն). about.com. Արխիվացված է օրիգինալից 2013 թ․ սեպտեմբերի 4-ին. Վերցված է 2013 թ․ հուլիսի 18-ին.
  3. ↑ «To Know Him Is to Love Him, версия группы the teddy bears, версия долли партон, линды ронстадт и эммилу харрис, другие версии». www.cultin.ru. Արխիվացված է օրիգինալից 2019-05-29-ին. Վերցված է 2019 թ․ մայիսի 29-ին.
  4. ↑ 4,0 4,1 Robert Dimery 1001 Songs: You Must Hear Before You Die. — Octopus, 2011-12-05. — С. 267. — 2990 с. — ISBN 9781844037179
  5. ↑ 5,0 5,1 5,2 5,3 «The Teddy Bears | Biography & History | AllMusic». AllMusic. Արխիվացված է օրիգինալից 2017 թ․ սեպտեմբերի 16-ին. Վերցված է 2018 թ․ հոկտեմբերի 30-ին.
  6. ↑ Bronson, Fred. The Billboard Book of Number One Hits. — 3rd. — New York: Billboard Publications, Inc, 1992. — P. 46. — ISBN 0-8230-8298-9
  7. ↑ 7,0 7,1 Betts, Stephen L. (2018 թ․ մայիսի 16). «Dolly Parton, Emmylou Harris, Linda Ronstadt Charm on 'Tonight Show'». Rolling Stone (ամերիկյան անգլերեն). Արխիվացված է օրիգինալից 2018 թ․ հուլիսի 12-ին. Վերցված է 2018 թ․ հոկտեմբերի 30-ին.
  8. ↑ 8,0 8,1 8,2 Newton, Dione. Sisters in Country: Dolly, Linda and Emmylou (Documentary). UK: ВВС. Event occurs at 35:49—36:23.
  9. ↑ «Hot Country Songs — May 16, 1987» (անգլերեն). billboard.com. Արխիվացված է օրիգինալից 2018 թ․ մայիսի 13-ին. Վերցված է 2013 թ․ հուլիսի 18-ին.
  10. ↑ 10,0 10,1 Peter Lewry Linda Ronstadt: A Life In Music. — Andrews UK Limited, 2010-11-23. — С. 134. — 234 с. — ISBN 9781849892476
  11. ↑ Linda Ronstadt Simple Dreams: A Musical Memoir. — Simon and Schuster, 2014-09-02. — С. 109. — 256 с. — ISBN 9781451668735
  12. ↑ 12,0 12,1 Peter Lewry Linda Ronstadt: A Life In Music. — Andrews UK Limited, 2010-11-23. — С. 133. — 234 с. — ISBN 9781849892476
  13. ↑ «The Complete Silver Beatles» (անգլերեն). jpgr.co.uk. Արխիվացված է օրիգինալից 2013 թ․ հունիսի 29-ին. Վերցված է 2013 թ․ հուլիսի 18-ին.
  14. ↑ 14,0 14,1 «To Know Her Is To Love Her» (անգլերեն). beatlesbible.com. Արխիվացված է օրիգինալից 2013 թ․ սեպտեմբերի 4-ին. Վերցված է 2013 թ․ հուլիսի 18-ին.
  15. ↑ «Music row / Jill Johnson» (շվեդերեն). smdb.kb.se. Արխիվացված է օրիգինալից 2013 թ․ սեպտեմբերի 4-ին. Վերցված է 2013 թ․ հուլիսի 18-ին.
  16. ↑ «David Gilmour and Roger Waters Reunite for HOPING» (անգլերեն). hopingfoundation.org. Արխիվացված է օրիգինալից 2013 թ․ սեպտեմբերի 4-ին. Վերցված է 2013 թ․ հուլիսի 18-ին.
  17. ↑ «Första dagen på resten av mitt liv / Kikki Danielsson» (շվեդերեն). smdb.kb.se. Արխիվացված է օրիգինալից 2013 թ․ սեպտեմբերի 4-ին. Վերցված է 2013 թ․ հուլիսի 18-ին.

Աղբյուրներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=To_Know_Him_Is_to_Love_Him_(երգ)&oldid=10131570» էջից