Mary King’s Close

Վիքիպեդիայից՝ ազատ հանրագիտարանից
Jump to navigation Jump to search
Mary King’s Close
Marykingsclose006.jpg
Տեսակնրբանցք
ԵրկիրFlag of the United Kingdom.svg Միացյալ Թագավորություն
ՏեղագրությունԷդինբուրգ
ՎայրԹագավորական Մղոն
Հիմնադրված է2003
Կայքrealmarykingsclose.com

Mary King’s Close (հայերեն՝ Մերի Քինգի փակուղի), գետնի տակ գտնվող փողոց, որը գտնվում է Էդինբուրգի (Շոտլանդիա) կենտրոնական մասում գտնվող Թագավորական Մղոն փողոցների շարանում։

Պատմություն[խմբագրել | խմբագրել կոդը]

Փողոցն իր անունն ստացել է այս փողոցում մի քանի սեփականություն ունեցող փաստաբան Ալեքսանդր Քինգի դուստր տանտիրուհի Մերի Քինգի պատվին (? - 1644 թվականի սեպտեմբեր)։ Փողոցն առաջին անգամ հիշատակվել է 17-րդ դարի երկրորդ կեսին այդ անվան տակ, թեև ինքնին գոյություն է ունեցել նաև նախկինում (հայտնվել է 16-րդ դարի սկզբից ոչ ուշ)։ 18-րդ դարում՝ քաղաքային վարչության (անգլ.՝ Edinburgh City Chambers) նոր շենքի կառուցման ժամանակ, «Mary King’s Close»-ը դրան հարող մի քանի փողոցների հետ մասամբ ավերվել է, մասամբ էլ՝ որմնաշարվել և օգտագործվել որպես հիմք նոր շենքի համար։ Տարիներ շարունակ փողոցների համալիրը գործնականապես անհասանելի է եղել դրսից և վերածվել առասպելների ու քաղաքային լեգենդների փարթամ փնջի, որը հաճախ խիստ մռայլ էր։

21-րդ դարի սկզբին հնագետները բացահայտել են «City Chambers»-ի շենքի տակ գտնվող փողոցների համալիրը։ Փողոցների մնացորդները հետազոտվել, մաքրվել և թանգարան են դարձվել որոշ ժամանակ անց՝ 2003 թվականին, և բացվել է «The Real Mary King 's Close» թանգարանը (հայերեն՝ Մերի Քինգի իսկական փակուղին), որի ցուցադրության հիմքը դարձել են Մերի Քինգի փակուղու շենքում պահպանված իրերը։ Օգտագործելով իրական «դեկորացիաներ»՝ թանգարանն այցելուներին ծանոթացնում է 16-19-րդ դարերում Էդինբուրգի բնակիչների կյանքին։ Թանգարանը մեծ ժողովրդականություն է վայելում, օրինակ՝ բրիտանական հիմնական ճանապարհորդական կայքը՝ tripadvisor.co.uk, «The Real Mary King’s Close» թանգարանը ներառել է «Երեք օր Էդինբուրգում» (անգլ.՝ 3 days in Edinburgh) շարքում[1]։

Ծանոթագրություններ[խմբագրել | խմբագրել կոդը]

  1. TripAdvisor.co.uk։ «3 days in Edinburgh» (անգլերեն)։ Արխիվացված է օրիգինալից 2012-09-29-ին։ Վերցված է 2012-07-23 

Գրականություն[խմբագրել | խմբագրել կոդը]

  • The Real Mary King's Close museum. Official guide. — 36 с.

Արտաքին հղումներ[խմբագրել | խմբագրել կոդը]